Informasjon om bedøving (anestesi)
Informasjonsvideo for barn
I eigen bil til operasjonsstova
I begge endar av første etasje på Haugesund sjukehus blir barn operert. Det er noko mange gruer seg til. Då har vi ei lita overrasking.
No kan nemleg dei minste køyre fram til operasjonsstova.
– Eg skjønar godt at eg kan sjå ut som eit skummelt menneske kledd i grønt med ein grøn hatt, i eit skummelt miljø med mange maskinar, seier lege Joakim Johnsson.
Etter litt inspirasjon frå Stavanger universitetssykehus, tok han initiativ til å få tak i ein elektrisk lekebil som barna kan køyre inn til operasjonsstovene.
Elektrisk lekebil som barn kan køyre til operasjonen sin
Johnsson fekk også ein bil til dei aller minste som er tatt godt i bruk nede på venterommet til øyre-nase-hals.
Bil for dei minste på øyre-nase-hals
Ikkje berre barna som gleder seg
Kjekkare for ungane? Jo da, men:
– Dette er det mange som har gleda seg til av oss på avdelinga også. Det er fint å sjå at barna har det kjekt! Barn som leker og har det kjekt er mindre redde.
Den elektriske bilen har allereie hatt sin første køyretur med ein storfornøgd pasient.