Overgrepsmottaket

Vi tilbyr akutt hjelp, samtale og undersøking til alle over 14 år som nyleg har opplevd eit seksuelt overgrep. Døgnopen telefonvakt: 46 92 91 30.

Mottaket er døgnope og har vakttelefon 46 92 91 30. Det er gratis å komme til oss. 

Pasientar som kjem til oss, treng ikkje tilvising. Det er heller ikkje krav om å anmelde saka til politiet.

NB! Ring oss før du kjem – slik at vi kan kalle inn teamet før du kjem til oss. 

Du kan også kontakte:

  • Sentralbordet Haugesund sjukehus: 52 73 20 00
  • Politiet: 02800
  • Legevakt: 116 117

Om noko nettopp har skjedd

Dersom overgrepet nettopp har skjedd (innan siste døgn), skal du helst ikkje dusje, skifte klede, ete, drikke eller pusse tenner før du kjem. Det er for at vi kan sikre gode spor.

Om du har skifta klede, ta gjerne med deg det du hadde du hadde på deg da overgrepet skjedde, inklusive bind eller tampongar.

På mottaket møter du lege og sjukepleiar med særskilt kompetanse. Vi har teieplikt, og deler ikkje informasjon med nokon utan ditt samtykke.

Vi gjer ei rettsmedisinsk undersøking med sporsikring, tek prøvar for kjønnssjukdommar, graviditet og rusmiddel, og ordnar vidare oppfølging.

Bevismateriale blir oppbevart i to år.

Dette gjer lege og sjukepleiar

  • Omsorg og nokon å prate med i trygge omgjevnader
  • Behandling av skader eller smitte
  • Prøvar med tanke på smitte og graviditet
  • Undersøking for å sikre bevis i tilfelle du vil anmelde
  • Kriserådgiving og oppfølging
  • Kontakt med gratis bistandsadvokat
  • Kontakt med krisesenteret, barnevernet eller andre hjelpeinstansar

Barn under 14 år skal vanlegvis undersøkast ved barneavdelinga ved Stavanger universitetssjukehus. Vi kan formidle kontakt.

Vi held til ved Haugesund sjukehus og er for kvinner, menn og ungdom over 14 år som er blitt utsette for eit seksuelt overgrep i løpet av den siste veka.

Du treng ikkje tilvising, og det er ikkje eit krav at du vil anmelde saka.

Du kan godt ta med deg ein person du er trygg på når du kjem hit.

Mottaket vårt dekker alle kommunane i Helse Fonna, unntatt Jondal, som bruker mottaket i Bergen kommune.

Kontakt

Telefon

Vakttelefon overgrepsmottaket (døgnopent)

46 92 91 30

Haugesund sjukehus sentralbord (døgnopent)

52 73 20 00

Slik finn du fram

En høy vinkel av en bygning

Haugesund sjukehus

Karmsundgata 120

5528 Haugesund

Finn fram

Det er fleire busstopp like ved og i nærleiken av Haugesund sjukehus.

www.kystbussen.no - Ruteinformasjon for Kystbussen (Bergen-Stord-Haugesund-Stavanger)

www.kolumbus.no - Ruteinformasjon om lokalbussar i Rogaland

Praktisk informasjon

Apoteket ligg i første etasje, like bak resepsjonen.

Opningstider:

Måndag-fredag kl. 08.00-16.30.

Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.

På helsenorge.no finner du informasjon om timen din i innkallingsbrevet.

Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
 
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det. 

Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.​

​Kantina i  6.etasje er open for pasientar, besøkande og tilsette.

Opningstider kantine

Måndag - fredag kl. 09.30-15.30. Stengt i helger og på heilagdagar.

Pasientkantine i 4 og 5.etasje er kun open for pasientar.

Fleire av sengepostane har eigne spiserom med enkel sjølvbetening for inneliggande pasientar. Ta kontakt med avdelinga du høyrer til.

Du finn ein Narvesen kiosk i 1.etasje

Opningstider kiosk

Måndag-fredag: 06.30-21.00 
Laurdag: 09.00-20.00
Søndag: 10.00-20.00 

​​​​​​​​​Ta med den faste medisinen du brukar. Det kan ta tid å få same medisin frå apoteket.

Dessverre kan tjuveri finne stad på sjukehuset. La ​verdisaker vere igjen heime.

Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

Ta med toalettsaker som tannbørste, tannkrem, kam, deodorant og eventuelt barbermaskin. ​Hugs også hjelpemiddel du er avhengig av: til dømes stokk, ​krykker, rullator og rullestol.

God hygiene er ein viktig faktor for å kunne gi god behandling til pasientane.

Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.

Parkeringshuset har tre ladeuttak.

Reserverte parkeringsplassar

Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.

Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.

Parkeringsavgift

Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på  p-automatane. 

Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.​

Parkering i Haugesund sentrum

Sjå P-kart - Haugesund Parkering

 

Slik gjer du:

1. Vel nettverket gjest.ihelse.net på din PC, mobil eller nettbrett
2. Opne nettlesaren og godta vilkår for bruk 

Bruk av trådlaust nett er gratis.
 
Innlogging er krav til sikkerheit i sjukehusnettverket og er same type løysing som er på flyplassar og​ hotell.

God surfing.