Vi tilrår at du alltid nyttar siste versjon av nettlesaren din.

Palliativt team

Vi gir lindrande (palliativ) behandling til pasientar med sjukdom som ikkje kan lækjast.

Kva er palliativ behandling?

Palliativ behandling er behandling som har fokus på lindring, pleie og omsorg for pasientar med sjukdom som ikkje kan lækjast.

Dette kan vere

  • Tiltak retta mot fysiske plager som for eksempel smerter, kvalme eller tungpust
  • Tiltak retta mot psykiske, sosiale og åndelege/eksistensielle behov

Palliativ behandling ser heile mennesket og behandlinga er individuelt tilpassa pasienten og pårørande sine eigne ønskjer og behov. Det vil sei at behandling og oppfølginga varierer, og i nokre tilfelle kan oppfølginga være langvarig.

Palliativt team

Palliativ team består av lege, sjukepleiar, prest, fysioterapeut og sosionom som arbeider tett saman for pasient og deira pårørande. Vi har eit nært samarbeid med dei ulike avdelingane ved Haugesund sjukehus, og med fastlege, sjukeheim, heimesjukepleie, kreftkoordinator og andre sjukehus.

Kva gjer vi?

Vi i palliativt team følgjer og behandlar pasientane der dei er: på sjukehus, sjukeheim eller heime. Vi skal bidra til best mogleg livskvalitet og tryggheit for pasient og pårørande.

Våre oppgåve

  • Kartlegging av pasient og pårørande sitt behov
  • Tiltak og behandling individuelt tilpassa pasienten og pårørande sine utfordringar
  • Oppfølging via telefon, polikliniske konsultasjonar, tilsyn på sjukehus eller sjukeheim og heimebesøk
  • Open telefonkontakt med teamet på kvardagar
  • Bidra til god informasjonsflyt mellom samarbeidspartnarar, pasient og pårørande
  • Familiesamtalar/samtalar om ønskeleg med pårørande

Kvifor palliativ behandling?

Pasient og pårørande skal oppleve tryggheit og meistring i kvardagen der dei er. Vi ønskjer å legge til rette for god heimetid og meiningsfullt samvær med pasienten sine pårørande. Vi støtter pasienten i sitt ønske om kvar ho eller han vil dø, og om dette er heime eller på institusjon.

Kven får palliativ behandling?

Pasientar med behov for palliativ behandling kan tilvisast palliativt team, uavhengig av diagnose og alder.

Kven kan tilvise til oss?

Lege på sjukehus, fastlege eller sjukeheimslege.

Kontakt oss

Ta kontakt via sentralbordet på telefon 52 73 20 00.

Du er velkommen til å ta kontakt med oss måndag til fredag, mellom 9.00-15.00.

Kontakt

Døgnopent sentralbord

Slik finn du fram

En høy vinkel av en bygning

Haugesund sjukehus

Karmsundgata 120

5528 Haugesund

Finn fram

Det er fleire busstopp like ved og i nærleiken av Haugesund sjukehus.

www.kystbussen.no - Ruteinformasjon for Kystbussen (Bergen-Stord-Haugesund-Stavanger)

www.kolumbus.no - Ruteinformasjon om lokalbussar i Rogaland

Praktisk informasjon

Apoteket ligg i første etasje, like bak resepsjonen.

Opningstider:

Måndag-fredag kl. 08.00-16.30.

Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.

På helsenorge.no finner du informasjon om timen din i innkallingsbrevet.

Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
 
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det. 

Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.​

​Kantina i  6.etasje er open for tilsette, pasientar og besøkande.

Opningstider:
Måndag - fredag kl. 09.30-15.30. Stengt helger og heilagdagar.

Pasientkantine i 4-og 5.etasje er kun open for pasientar.

Fleire av sengepostane har eigne spiserom med enkel sjølvbetening for inneliggande pasientar. Ta kontakt med di avdeling.

Det ligg ein Narvesen kiosk i 1.etasje

Opningstider:
Måndag - fredag kl. 06.30-21.00
Laurdag: 9.00-20.00
Søndag: 10.00-20.00 




​​​​​​​​​Ta med den faste medisinen du brukar. Det kan ta tid å få same medisin frå apoteket.

Dessverre kan tjuveri finne stad på sjukehuset. La ​verdisaker vere igjen heime.

Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

Ta med toalettsaker som tannbørste, tannkrem, kam, deodorant og eventuelt barbermaskin. ​Hugs også hjelpemiddel du er avhengig av: til dømes stokk, ​krykker, rullator og rullestol.

God hygiene er ein viktig faktor for å kunne gi god behandling til pasientane.

Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.

Parkeringshuset har tre ladeuttak.

Reserverte parkeringsplassar

Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.

Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.

Parkeringsavgift

Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på  p-automatane. 

Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.​

Parkering i Haugesund sentrum

Sjå P-kart - Haugesund Parkering