CPAP

Under CPAP-behandlinga får pasienten ei maske som er kopla til ei lita pumpe som blåser luft med eit konstant overtrykk ned i luftvegane, slik at luftvegane er opne mens ein søv.

Positivt luftveistrykk (PAP) - Helse Fonna HF

Fastlegen må først tilvise deg til øre-nese-hals avdelinga på Haugesund sjukehus, deretter vil pasienten tilvisast til utgreiing og søvnregistrering på søvnpoliklinikken ved Odda sjukehus.

Dersom resultatet av søvnregistreringa visar behov for behandling, vil du bli kalla inn til oppstart av CPAP-behandling ved Odda sjukehus.

Under oppstart vil du få opplæring. Denne opplæringa blir organisert i grupper. Etter fellesopplæringa får du individuell masketilpassing av sjukepleiar. Du vil få meir informasjon om dette i innkallingsbrevet.

Etter oppstart av CPAP vil pasienten få kontrolltimar på telefon. Pasientar som får CPAP-behandling blir registrert i eit system som heiter AirView, der vi kan følgje effekten av behandlinga.

Etter du er ferdig med kontrolltimar hos sjukepleiar, vil du få digital heimeoppfølging der vi sjekker korleis det går med behandlinga. Dette er gratis, og pasienten vil ikkje merke noko. Den digitale oppfølginga skjer automatisk via eit digitalt system.