Vi tilrår at du alltid nyttar siste versjon av nettlesaren din.
Bodybox (heilkroppspletysmografi)
Bodybox måler kor mange liter med luft som finst i lungene når du pustar heilt inn og kor mykje som blir igjen når du pustar heilt ut. Ved astma kan det vere vanskeleg å tømme lungene heilt for luft, og da blir det for mykje luft igjen i lungene når du har pusta heilt ut. I tillegg måler vi motstanden i luftvegane, som gir informasjon om kor tronge luftvegane til barnet/ungdommen er.
Kvifor gjer vi denne undersøkinga?
Spirometri gir ikkje informasjon om det volumet av luft som er igjen i lungene etter ei maksimal utanding. Undersøking i bodybox (lufttett boks) gir informasjon om den totale mengda luft i lungene og kor mykje luft som er igjen i lungene når barnet/ungdommen har pusta heilt ut. Dersom barnet/ungdommen ikkje får tømt lungene, kan det bli ei oppblåsing i lungene (hyperinflasjon).
Før
Testleiar vil forklare barnet eller ungdommen kva som skal skje før testen startar.
Under
Barnet eller ungdommen sit i ein lufttett boks mens det heile tida blir målt endringar i luftstraum og trykkforhold, både i boksen og i luftvegane.
Barnet eller ungdommen skal ha på seg naseklype og puste i eit munnstykke. Testleiar snakkar gjennom ein mikrofon og forklarer heile tida kva barnet eller ungdommen skal gjere.
Etter
Legen vil gå gjennom resultata, og saman med barnets/sjukehistoria til ungdommen og kliniske funn avgjere om det er behov for behandling eller vidare utgreiing.
Vi har felles ekspedisjonsluke med hjertepoliklinikken i 2. etasje. Dersom du tar heisen ved resepsjonen i 1. etasje, finn du luka vår i korridoren til høgre når du kjem ut av heisen.
Apoteket ligg i første etasje, like bak resepsjonen.
Opningstider:
Måndag-fredag kl. 08.00-16.30.
Eigendel
Du får dekka deler av utgiftene dine ved behandling hos lege, på poliklinikk eller andre behandlingsinstitusjonar, men du må betale ein eigendel. Frikort for helsetenester får du når du har betalt over eit visst beløp i eigendelar. Det er ulike eigendelar avhengig av helseteneste.
Du får frikort for helsetenester når du har betalt over eit visst beløp i eigendeler. Når du viser frikort, slepp du å betale eigendelar for resten av kalenderåret.
Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.
På helsenorge.no finner du informasjon om timen din i innkallingsbrevet.
Kantina i 6.etasje er open for pasientar, besøkande og tilsette.
Opningstider kantine
Måndag - fredag kl. 09.30-15.30. Stengt i helger og på heilagdagar.
Pasientkantine i 4 og 5.etasje er kun open for pasientar.
Fleire av sengepostane har eigne spiserom med enkel sjølvbetening for inneliggande pasientar. Ta kontakt med avdelinga du høyrer til.
Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontantar. I tillegg kan du benytte EasyPark appen.
Parkeringshuset har tre ladeuttak.
Reserverte parkeringsplassar
Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.
Det er reserverte plassar for blodgivarar og dialysepasientar i toppetasjen på parkeringshuset. Du vil få utlevert parkeringsbevis frå avdelinga dersom du har rett til å bruke dessa plassane.
Parkeringsavgift
Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på p-automatane.
Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.
