Vi tilrår at du alltid nyttar siste versjon av nettlesaren din.
Diabetiske fotsår
Pasientar med diabetes, både type 1 og 2, kan oppleve tap av kjensle og redusert blodsirkulasjon i føtene. Redusert kjensle i huda på føtene gjer at du ikkje kjenner når nye sår oppstår og ikkje får nødvendig behandling av desse. Overfladiske sår kan i nokre tilfelle føre til ein djup infeksjon, som i verste fall kan bli så alvorleg at amputasjon blir nødvendig.
Godt stell av føttene er viktig for å unngå infeksjoner og i verste fall amputasjon, om du har diabetes. Her finner du råd om fotpleie og behandling av fotsår om du har diabetes.
Når du har fått eit sår på foten, og er diabetikar, er det viktig med undersøkingar for å fastslå kor alvorleg såret er.
Som diabetikar bør du få føtene dine undersøkt jamleg, minst éin gong i året. Undersøkinga bør gjerast av fastlege, sjukepleiar eller terapeut med kunnskap om diabetes og sår.
Desse kan teste at du ikkje har nedsett kjensle og blodsirkulasjon, og dessutan sjekke eventuelle feilstillingar, trykkutsette område, hard hud, sår eller andre hudproblem.
Dersom det er behov for behandling og oppfølging i spesialisthelsetenesta, kan fastlegen tilvise deg.
Tilvising og vurdering
Fastlegen tilviser deg til spesialisthelsetenesta for behandling av såra.
I tilvisingsteksten ønsker vi informasjon om:
namnet og fødselsdatoen til pasienten
kva type diabetes pasienten har, langtidsblodsukker, andre relevante sjukdommar (for eksempel sirkulasjonsavhengig)
såranamnese (korleis har såra oppstått, kor lenge har det vore der, størrelse, utsjånad og plassering)
kva slags behandling som er gitt (for eksempel sårbehandling, AB) og eventuell utgreiing: Bildediagnostikk, bakteriologiske prøver, infeksjonsprøver og Hba1c, doppler, monofilamenttest, AAI.
resultat av bildediagnostikk, når og kvar det er utført (røntgen fot, MR ved mistanke om osteomyelitt, eventuelt CT angio)
yrke, funksjonsstatus og sjukmeldingsstatus
faste medikament
behov for tolk
Kliniske studiar
1 klinisk studie er open for rekruttering. Saman med legen din kan du vurdere om ein klinisk studie er aktuell for deg.
På sjukehuset får du konsultasjon med lege og sjukepleiar som kartlegg følgande:
regulering av grunnsjukdommen diabetes
sirkulasjon
kjensle
djupna til såret
Undersøkinga vi gjer på sjukehuset består av blodprøver og undersøking av såra på foten. Somme gonger tar vi også røntgen, MR eller CT-angio, som er bilde av blodårane i beina.
Basert på utgreiing vurderer legen vidare behandling. I nokre tilfelle er det aktuelt at du blir følgd opp i primærhelsetenesta av fastlegen din og heimesjukepleia.
Behandling av fotsår består av å behandle infeksjonar, rette opp att blodsirkulasjonen, sårstell der død hud blir fjerna og å avlaste såret ved å tilpasse skotøy.
Du får ein bandasje på foten som vernar og samlar opp væske frå såra. Det kan hende du treng antibiotika dersom det er infeksjon i såret.
Ein ortopediingeniør lagar spesialtilpassa solar, fottøy og eventuelle andre hjelpemiddel for å forhindre nye sår, for pasientar der dette er nødvendig.
I tillegg tar vi bilde til journalen din, og skriv ein sårjournal som du får med heim. Bilda og journalen blir levert til fastlege eller heimesjukepleie, dersom dei skal følge opp såra vidare.
Etter
Det er viktig at du (eller familie/heimesjukepleie) undersøker føtene dagleg når du har fotsår og har fått opplæring i kva du skal sjå etter og når du skal ta kontakt med helsepersonell. Sjå også etter om det har komme steinar eller liknande i skoa før du tar dei på, for å forhindre nye sår.
Du vil bli følgt opp av lege og sjukepleiar med kompetanse på diabetes og sår. Lege vurdere kor lenge du vil ha behov for oppfølging i spesialisthelsetenesta, og når du kan fortsette behandling vidare i kommunen og hos fastlege.
Ver merksam
Du bør bruke fuktkrem ved tørr hud under føtene og gå jamleg til fotterapeut for å klippe negler og fjerne død hud.
Unngå å bruke ueigna verktøy til eigenbehandling, som liktornplaster, vortemiddel, elektriske filer og liknande.
Får du nye sår på føtene må du ta kontakt med fastlegen din.
Om såra blir verre må du ta kontakt med fastlege eller poliklinikken, dersom du blir følgd opp der.
Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.
Parkeringshuset har tre ladeuttak.
Reserverte parkeringsplassar
Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.
Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.
Parkeringsavgift
Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på p-automatane.
Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.
Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.
På helsenorge.no finner du informasjon om timen din i innkallingsbrevet.
Apoteket ligg i første etasje, like bak resepsjonen.
Opningstider:
Måndag-fredag kl. 08.00-16.30.
Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det.
Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.
Kantina i 6.etasje er open for tilsette, pasientar og besøkande.
Opningstider: Måndag - fredag kl. 09.30-15.30. Stengt helger og heilagdagar.
Pasientkantine i 4-og 5.etasje er kun open for pasientar.
Fleire av sengepostane har eigne spiserom med enkel sjølvbetening for inneliggande pasientar. Ta kontakt med di avdeling.
Ta med den faste medisinen du brukar. Det kan ta tid å få same medisin frå apoteket.
Dessverre kan tjuveri finne stad på sjukehuset. La verdisaker vere igjen heime.
Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.
Ta med toalettsaker som tannbørste, tannkrem, kam, deodorant og eventuelt barbermaskin. Hugs også hjelpemiddel du er avhengig av: til dømes stokk, krykker, rullator og rullestol.
God hygiene er ein viktig faktor for å kunne gi god behandling til pasientane.
