Vi tilrår at du alltid nyttar siste versjon av nettlesaren din.

Døgnbehandling, psykisk helsevern

Døgnbehandling (innlegging) kan bli brukt i periodar med behov for kontinuerleg oppfølging. Døgnbehandling er som poliklinisk behandling (behandling utan innlegging), men den er meir intensiv, med meid omfattande og konsentrerte hjelpetiltak. Målet er å gi deg kontroll over symptoma så raskt som mogleg.

Før

Innlegging til døgnbehandling skjer på tre måtar, som planlagt innlegging, øyeblikkeleg hjelp, eller under tvang.

Planlagt innlegging

Fastlegen eller poliklinikken søker om innlegging på vegne av deg. Du vil bli kalla inn til eit formøte med behandlar. Saman går de gjennom kva slags behandling som er best for deg. Du vil også få praktisk informasjon som du treng for å forberede deg til opphaldet. 

Øyeblikkeleg hjelp

Ved alvorlege symptom som kjem plutseleg, kan det vere aktuelt med akutt innlegging. Det er fastlegen, legevakt eller poliklinisk behandlar som vurderer om det er behov for innlegging. Den endelege avgjerda skjer på sjukehuset. Akutte innleggingar kan skje heile døgnet.

Tvang

Ved alvorlege lidingar kan du bli innlagt ved ei døgnavdeling i psykisk helsevern mot eigen vilje (tvungent psykisk helsevern). Tvungent psykisk helsevern er regulert gjennom Lov om etablering og gjennomføring av psykisk helsevern (psykisk helsevernloven).

Loven seier blant anna at tvang berre skal bli brukt når frivillig psykisk helsevern har blitt forsøkt, utan at dette har ført fram, eller det er openbart formålslaust å forsøke dette.



Under

Behandlinga som blir tilbydd ved ein døgnpost i psykisk helsevern, er stort sett den same som ved poliklinisk behandling (behandling utan innlegging). Målet er å få kontroll over symptoma dine så raskt som mogleg. 

Fordelar ved behandling på ein psykiatrisk døgnpost er at hjelpetilbodet kan vere omfattande med konsentrert innsats, du får oppfølging heile døgnet og du får trygge rammer rundt deg i ein vanskeleg fase av livet

Kor lenge varer behandlinga?

Kor lenge du har behov for døgnbehandling, blir fortløpande diskutert mellom ansvarleg behandlar og deg. Ved frivillig innlegging kan du sjølv velje å skrive deg ut. Ved tvungent psykisk helsevern er det spesialist i psykiatri eller psykologspesialist som bestemmer når du er klar til å bli skrive ut. Likevel vil du vere med på å vurdere lengda av behandlinga.



Etter

Kva slags oppfølging du treng, er avhengig av kor alvorlege symptomer du har. Nokre treng tett oppfølging og behandling i poliklinikk. Andre har fått så god kontroll over symptoma at dei kan få nødvendig hjelp hos fastlegen. I løpet av døgnbehandlinga blir det bestemt kva slags oppfølging du treng vidare. 
Sist faglig oppdatert 10.01.2023

Kontakt

  • Kontakt Haugaland DPS

    Oppmøtestad

    Vi held til i Haugesund og i Kopervik.

    Pårørande og besøk

    Pasientar og pårørande - Helse Fonna HF

    Dersom det er særskilde behov for besøk utanom ordinær besøkstid, vil vi – så langt det er mogleg – leggje til rette for besøk eller følgje til pasientar.

    Oppmøtested

    Floravegen 75

    5535 Haugesund

    Kart

    Besøkstider: kl. 16.00-21.00.

    Oppmøtested

    Asaldalvegen 1

    4250 Kopervik

    Kart

    Besøkstider: kl. 16.00-21.00.

    Besøkstider

    • I dag 17:00 - 18:30

  • Kontakt Folgefonn DPS

    Oppmøtestad

    Poliklinikk og døgnavdeling på Valen, besøksadresse: Sjukehusvegen 15, 5451 Valen.
    Poliklinikken i Odda, besøksadresse: Sjukehusvegen 8, 5750 Odda.

    Pårørande og besøk

    Pasientar og pårørande - Helse Fonna HF

    Dersom det er særskilde behov for besøk utanom ordinær besøkstid, vil vi – så langt det er mogleg – leggje til rette for besøk eller følgje til pasientar.

    En bygning med parkeringsplass

    Folgefonn DPS

    Sjukehusvegen 8

    5750 Odda

    Finn fram

    Besøkstider

    • I dag 17:00 - 18:30

    Praktisk informasjon

    Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
     
    Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det. 

    Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.​

    ​​​​​​​​​Ta med den faste medisinen du brukar. Det kan ta tid å få same medisin frå apoteket.

    Dessverre kan tjuveri finne stad på sjukehuset. La ​verdisaker vere igjen heime.

    Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

    Ta med toalettsaker som tannbørste, tannkrem, kam, deodorant og eventuelt barbermaskin. ​Hugs også hjelpemiddel du er avhengig av: til dømes stokk, ​krykker, rullator og rullestol.

    God hygiene er ein viktig faktor for å kunne gi god behandling til pasientane.

    ​Parkering for pasientar og besøkande ligg på sjukehusområdet.

    Du kan parkere på sørsiden av sjukehuset eller på østsiden/baksiden ved elven eller augelegekontoret. Det er gratis parkering.

    Det er ikkje tilgjengelege ladestasjonar for lading av elbil.

    Det er reservert plass for HC-parkering utanfor hovudinngangen.

    Reservert plass for blodgivar er på parkeringsplassen sør for sjukehuset.

    Hugs å legge parkeringsbeviset for desse plassane godt synleg i frontruta.



    Parkering for pasientar og besøknade ligg sentralt på sjukehusområdet. Parkering er gratis.


    Parkeringsplassen har 2 ladestasjonar.


    Sjukehusområdet er røykfritt.

    Inneliggande pasientar kan ta kontakt med helsepersonell ved si avdeling ved behov for nikotinprodukt.