Vi tilrår at du alltid nyttar siste versjon av nettlesaren din.

Endetarmsfremfall

Endetarmen, saman med dei andre bekkenorgana som livmor og urinblære, blir halden oppe og på plass av musklane og bindeveva til bekkenbotnen. Når desse blir slappe kan for eksempel endetarmen falle ned og ut av analopninga.

Vi skil mellom indre og ytre endetarmsframfall.

Ytre framfall

Når større delar av endetarmen kjem ut av analopninga snakkar vi om ytre framfall (ekstern rektumprolaps). Det førekjem oftast hos kvinner og kan gi treg avføring, problem med å tømme tarmen, iblant inkontinens, smerter og kløe.

Indre framfall

Ved indre framfall (intern rektumprolaps / intern rektal invaginasjon) blir vrengd delar av endetarmen inn i seg sjølv, men dette er ikkje synleg på utsida. Dei fleste pasientar har ikkje plager av dette.

For pasientar med mykje plager og som blir hemma av dette, kan det vere aktuelt med operasjon.

Tilvising og vurdering

Fastlegen din kan undersøke deg og vise deg til oss for vurdering av planlagd operasjon. For at vi skal kunne gi den rette behandlinga, er det nødvendig med fleire undersøkingar som blir utførte på sjukehus, som

  • ano-rektoskopi (undersøking av endetarmen med eit lite skop)
  • dostol-test
  • røntgen defekografi (for å vurdere tarmtømming og utelukke andre typar av framfall)
  • røntgen kolon transittid (for å vurdere forstoppingsplager)

Sjekkliste for utgreiing: 

  • god anamnese og gjennomgang av plager
  • tidlegare utgreiing, inkludert spesialistundersøkingar og bildediagnostikk
  • medisinliste
  • tidlegare sjukdommar og funksjonsnivå

Før operasjon

​​Faste

Før operasjonen/undersøkinga må du faste. Dersom du ikkje møter fastande, kan det hende vi må avlyse/utsetje timen.

De siste 6 timane før operasjon/undersøking skal du ikkje ete mat eller drikke mjølk/mjølkeprodukt. De siste 2 timane skal du unngå tyggegummi, drops, snus og røyk. Frem til 2 timer før kan du drikke klare væsker: Vatn, saft, juice utan fruktkjøt, brus, te og kaffi utan mjølk. Du kan svelge medisinar med eit lite glas vatn inntil 1 time før, og pusse tenner og skylje munnen når som helst.

Mat og mjølk/mjølkeprodukt: Skal stoppast 6 timer før
Klare væsker, tyggegummi, drops, røyk og snus: Skal stoppast 2 timer før

Dersom du likevel har ete eller drukke utanom dei tidene som står her må personalet få vite det.

Før enkelte inngrep skal du drikke ein bestemt mengde næringsdrikk.Det får du i så fall beskjed om. ​

Under

Du må møte fastande om morgonen og kan reise heim etter eit kort opphald på sjukehuset. Spesielle forhold kan gjere at nokre pasientar må vere innlagde både før og etter operasjonen.

Ulike operasjonsalternativ

Det finst ulike operasjonar som eignar seg for ulike pasientgrupper. Alder og den generelle helsa er viktige moment når vi vurderer metode. For pasientar i høg alder eller med generelt dårleg helse, kan det vere aktuelt med eit lokalt inngrep som blir gjort gjennom analopninga.

Dette inngrepet kan gjerast med spinalanestesi og du slepp narkose. Inngrepet har likevel dårlegare resultat enn kikhòlskirurgi.

For dei fleste  gjer vi operasjonen med kikhòlskirurgi og robotkirurgi (fremre rectopexi) i narkose. I praksis syr vi eit nett framfor endetarmen, heiser den opp, og slik blir nye framfall førebygde.

Etter

Det er ingen rutinemessig kontroll hos kirurg etter operasjon, men du får individuell oppfølging tilpassa behova dine. Før du reiser heim får du informasjon om korleis inngrepet gjekk, og du får med deg smertestillande tablettar og eventuelt resept og sjukmelding.

Ver merksam

Oppsøk sjukehuset dersom du opplever sterke magesmerter og feber dei første dagane etter operasjonen.

Kontakt avdelinga om dersom du får nokre av desse plagene:

  • tung pust
  • bløding i såret
  • væske fra såret
  • aukande hevelse, raude eller smerte frå såret
  • aukande hevelse i eitt eller begge bein
  • sjukdomskjensle/nedsett allmenntilstand
  • svimmelheit eller svime
  • ​feber

Blir du akutt sjuk, ring 113.

 

Sist faglig oppdatert 10.03.2025

Kontakt

Haugesund sjukehus Gastrokirurgisk avdeling

Kontakt Gastrokirurgisk avdeling

Oppmøtestad

Gastrokirurgisk poliklinikk hald til i 1. etasje på Haugesund sjukehus.

En høy vinkel av en bygning

Haugesund sjukehus

Karmsundgata 120, 5528 Haugesund

Finn fram

Transport

Det er fleire busstopp like ved og i nærleiken av Haugesund sjukehus.

www.kystbussen.no - Ruteinformasjon for Kystbussen (Bergen-Stord-Haugesund-Stavanger)

www.kolumbus.no - Ruteinformasjon om lokalbussar i Rogaland

Praktisk informasjon

Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.

Parkeringshuset har tre ladeuttak.

Reserverte parkeringsplassar

Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.

Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.

Parkeringsavgift

Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på  p-automatane. 

Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.​

Parkering i Haugesund sentrum

Sjå P-kart - Haugesund Parkering

 

Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.

På helsenorge.no finner du informasjon om timen din i innkallingsbrevet.

Apoteket ligg i første etasje, like bak resepsjonen.

Opningstider:

Måndag-fredag kl. 08.00-16.30.

Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
 
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det. 

Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.​

​Kantina i  6.etasje er open for tilsette, pasientar og besøkande.

Opningstider:
Måndag - fredag kl. 09.30-15.30. Stengt helger og heilagdagar.

Pasientkantine i 4-og 5.etasje er kun open for pasientar.

Fleire av sengepostane har eigne spiserom med enkel sjølvbetening for inneliggande pasientar. Ta kontakt med di avdeling.

Det ligg ein Narvesen kiosk i 1.etasje

Opningstider:
Måndag - fredag kl. 06.30-21.00
Laurdag: 9.00-20.00
Søndag: 10.00-20.00 




​​​​​​​​​Ta med den faste medisinen du brukar. Det kan ta tid å få same medisin frå apoteket.

Dessverre kan tjuveri finne stad på sjukehuset. La ​verdisaker vere igjen heime.

Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

Ta med toalettsaker som tannbørste, tannkrem, kam, deodorant og eventuelt barbermaskin. ​Hugs også hjelpemiddel du er avhengig av: til dømes stokk, ​krykker, rullator og rullestol.

God hygiene er ein viktig faktor for å kunne gi god behandling til pasientane.