Vi tilrår at du alltid nyttar siste versjon av nettlesaren din.

Endoskopisk Retrograd Cholangio Pancreaticografi (ERCP)

Endoskopisk undersøking av gallevegane

ERCP er ei undersøking av gallevegar og bukspyttkjertel ved bruk av ein bøyelig slange. ERCP-slangen blir ført inn gjennom munnen, ned gjennom spiserøyret og magesekken, og vidare ned til tolvfingertarmen. Med spesialutstyr får ein tilgang til gallegangane eller bukspyttkjertelgangen gjennom opninga deira i tolvfingertarmen. Ved ERCP kan vi undersøkje om det er sjukdomar i lever, gallevegar og bukspyttkjertelen. Vi kan òg ta vevsprøver (biopsi) og eventuelt behandla enkelte tilstandar direkte via ERCP-slangen.

Før

Du må møte fastande til undersøkinga. Det vil seie at du ikkje må ete, drikke eller røyke etter klokka 24:00 kvelden før undersøkinga – eller seinast 6 timar før undersøkinga.

Dersom du brukar Marevan eller andre blodfortynnande medisinar, følg råda i innkallingsbrevet eller ta kontakt med fastlegen din. Hensikta er å unngå alvorleg bløding i samband med undersøkinga.

Om du brukar Albyl-E som einaste blodfortynnande medisin, treng du ikkje å stoppe med denne.

Det er vanleg at det blir gitt ein beroligande medisin i samband med undersøkinga. I så fall bør du ikkje køyre bil før det har gått 24 timar. Du må difor sørgje for transport heim etter undersøkinga.

Hos enkelte blir undersøkinga gjort i narkose, og då gjeld følgjande reglar for faste:

Før prosedyren må du faste. Det betyr at du ikkje kan ete, drikke, tygge tyggegummi eller drops, snuse eller røyke. Magesekken må vere tom for å hindre at mat eller væske kjem over i lungene under prosedyren. Det er viktig at du følgjer instruksjonane for å vere godt førebudd til sjukehusopphaldet. Dersom du ikkje følgjer reglane for faste og røyking, kan prosedyren bli utsett.

Du skal ikkje ete fast føde eller drikke mjølk dei siste 6 timane før undersøkinga. Du kan drikke klare væsker (vatn, saft, juice utan fruktkjøt, brus, te, kaffi utan mjølk/fløyte) fram til 2 timar før undersøkinga. Unngå røyk, snus, tyggegummi og sukkertøy dei siste 2 timane før undersøkinga. Inntil 1 time før undersøkinga kan du svelgje medisinar med eit glas vatn (maks 150 ml). Ved spesielle inngrep kan andre rutinar gjelde – dette får du informasjon om på sjukehuset.

Andre forhold:

  • Har du diabetes og brukar insulin, kan du kontakte oss for å få time tidleg på dagen.
  • Tek du livsviktige medisinar som ikkje kan utsetjast, kan du òg kontakte oss for tidleg time. Ta med medisinane slik at du kan ta dei etter undersøkinga.
  • Vi ønskjer at du tek med ei oppdatert liste over medisinane du brukar.
  • Gje oss beskjed dersom du er allergisk mot nokre medikament.

Kunstig hjarteklaff

Ta kontakt med avdelinga dersom du har kunstig hjarteklaff.

Under

Denne undersøkinga er ei forlenging av ein vanleg gastroskopi og blir gjort for å kartlegge tolvfingertarmen, nedre gallevegar og delar av bukspyttkjertelen.
 
Under undersøkinga blir ein fiberoptisk slange med kamera på tuppen (skop) ført gjennom munnen og ned i tolvfingertarmen. Derfrå kan tolvfingertarmen, bukspyttkjertelgangen og gallegangen bli vurdert nærmare. I tillegg kan ein sette kontrast gjennom slangen og ta røntgenbilde.
 
Like før undersøkinga vil du få spraya lokalbedøving i svelget. Denne verkar i omtrent ein halvtime. Det blir vanlegvis gitt både smertestillande og roande medisin før undersøkinga. Du vil få ein plastring plassert mellom tennene for å hindre at du bit i skopet.
 
Denne undersøkinga kan også bli brukt til lindrande behandling av store svulstar som gjer gallegangen trong. I slike tilfelle kan ein legge inn ein gallestent for avlasting av gallevegane. 

Undersøkinga tar rundt 30 minutt.
 
Det er vanleg med ubehag som brekningstendens, trykkfølelse og å kjenne seg oppblåst ved denne undersøkinga.




Etter

Etter undersøkinga må du vere til observasjon til neste dag, med mindre det blir bestemt at du kan reise heim etter nokre timars observasjon på sjukehuset. Du kan ikkje sjølv køyre bil før dagen etterpå på grunn av medisinar som blir gitt ved undersøkinga.

Når får eg resultatet? 

Vanlegvis får du vite resultatet med ein gong etter undersøkinga. Det tar 2-4 veker å få svar på eventuelle vevsprøver som er tatt. Resultatet og eventuelle prøvesvar vil bli sendt til legen som har tilvist deg, og til fastlegen din.

Forholdsreglar etter undersøkinga 

Etter undersøkinga kan du føle deg litt oppblåst og ha noko mageknip. Det er også vanleg å ha litt sår hals dei første dagane etter undersøkinga. Du kan som regel drikke væsker, flytende føde 2 timer etter undersøkelsen og frem til neste morgen.


 

Ver merksam

Dersom du får sterke magesmerter eller blodig oppkast etter at du har komme heim, må du kontakte sjukehuset.
 
Komplikasjonar ved ERCP er sjeldne. I nokre tilfelle kan bukspyttkjertelen bli betent, og det kan oppstå bløding ved utviding av gallegangsopninga. Svært sjelden kan det gå hol på tarmen, og operasjon kan då bli nødvendig.


 

Sist faglig oppdatert 23.06.2025

Kontakt

Haugesund sjukehus Gastrokirurgisk avdeling

Kontakt Gastrokirurgisk avdeling

Oppmøtestad

Gastrokirurgisk poliklinikk hald til i 1. etasje på Haugesund sjukehus.

En høy vinkel av en bygning

Haugesund sjukehus

Karmsundgata 120, 5528 Haugesund

Finn fram

Transport

Det er fleire busstopp like ved og i nærleiken av Haugesund sjukehus.

www.kystbussen.no - Ruteinformasjon for Kystbussen (Bergen-Stord-Haugesund-Stavanger)

www.kolumbus.no - Ruteinformasjon om lokalbussar i Rogaland

Praktisk informasjon

Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.

Parkeringshuset har tre ladeuttak.

Reserverte parkeringsplassar

Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.

Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.

Parkeringsavgift

Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på  p-automatane. 

Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.​

Parkering i Haugesund sentrum

Sjå P-kart - Haugesund Parkering

 

Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.

På helsenorge.no finner du informasjon om timen din i innkallingsbrevet.

Apoteket ligg i første etasje, like bak resepsjonen.

Opningstider:

Måndag-fredag kl. 08.00-16.30.

Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
 
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det. 

Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.​

​Kantina i  6.etasje er open for tilsette, pasientar og besøkande.

Opningstider:
Måndag - fredag kl. 09.30-15.30. Stengt helger og heilagdagar.

Pasientkantine i 4-og 5.etasje er kun open for pasientar.

Fleire av sengepostane har eigne spiserom med enkel sjølvbetening for inneliggande pasientar. Ta kontakt med di avdeling.

Det ligg ein Narvesen kiosk i 1.etasje

Opningstider:
Måndag - fredag kl. 06.30-21.00
Laurdag: 9.00-20.00
Søndag: 10.00-20.00 




​​​​​​​​​Ta med den faste medisinen du brukar. Det kan ta tid å få same medisin frå apoteket.

Dessverre kan tjuveri finne stad på sjukehuset. La ​verdisaker vere igjen heime.

Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

Ta med toalettsaker som tannbørste, tannkrem, kam, deodorant og eventuelt barbermaskin. ​Hugs også hjelpemiddel du er avhengig av: til dømes stokk, ​krykker, rullator og rullestol.

God hygiene er ein viktig faktor for å kunne gi god behandling til pasientane.