Vi tilrår at du alltid nyttar siste versjon av nettlesaren din.
Tonsillektomi

Fjerning av mandlar hos vaksne

Halsmandlane (tonsillane) sit på kvar side i svelget og er ein del av kroppen sitt immunforsvar. Dei bidrar til å beskytte mot bakteriar og virus som kjem inn gjennom munn og nase, og produserer antistoff som bidrar til å motverke infeksjonar. Mandlane er ein del av lymfesystemet og har størst betydning i barneåra. Hos nokon kan mandlane gi helseplagar, og då kan det vere nødvendig å fjerne dei.

Det kan vere aktuelt å fjerne mandlane dersom du har

  • gjentatte akutte betennelsar i mandlane
  • kronisk betennelse i mandlane
  • forstørra mandlar som gir svelge- og pustevanskar
  • halsbyllar
  • behov for vevsprøve (biopsi)

Det finst ikkje haldepunkt for at fjerning av mandlane svekker immunforsvaret.

Fjerning av mandlane blir utført i narkose. Etter operasjonen er det ein risiko for etterbløding. Slike blødingar kan vere alvorlege. Du må derfor vere grundig utgreidd før operasjonen.

Tilvising og vurdering

I forkant av inngrepet må det avklarast om du har andre sjukdommar, eller om du bruker medisinar som kan ha noko å seie for operasjonen eller narkosen.

Dersom du bruker blodfortynnande medisinar, må du avklare med fastlegen din om du kan slutte med desse før operasjonen.

Før

Du må dusje og vaske håret, enten på operasjonsdagen eller kvelden før.

Faste

Før operasjonen/undersøkinga må du faste. Dersom du ikkje møter fastande, kan det hende vi må avlyse/utsetje timen.

De siste 6 timane før operasjon/undersøking skal du ikkje ete mat eller drikke mjølk/mjølkeprodukt. De siste 2 timane skal du unngå tyggegummi, drops, snus og røyk. Frem til 2 timer før kan du drikke klare væsker: Vatn, saft, juice utan fruktkjøt, brus, te og kaffi utan mjølk. Du kan pusse tenner og skylje munnen når som helst.

Mat og mjølk/mjølkeprodukt: Stoppast 6 timer før
Klare væsker, tyggegummi, drops, røyk og snus: Stoppast 2 timer før

Dersom du likevel har ete eller drukke utanom de tidene som står her, må personalet få vite det.

Strengare regler kan vere naudsynt for nokon. Det får du i så fall beskjed om. 

Medisinar

Hvis du bruker faste medisinar, skal disse ikkje tas om morgenen operasjonsdagen. Ta medisinane med til sjukehuset saman med ei oppdatert liste over medisinane du bruker. Du får beskjed om kva for nokre faste medisinar du kan ta før operasjonen. Inhalasjonsmedisin kan brukast som vanlig og takast med til sjukehuset.

For å redusere smerter etter operasjonen, vil du få smertestillande medisinar i forkant.

Ver førebudd på at det kan bli noko venting før det er klart til operasjon.

Under

Fjerning av mandlange (tonsillektomi) blir utført i narkose og blir vanlegvis gjort som dagkirurgi. Mandlane blir fjerna gjennom munnen, og ein munnsperre held munnen open under inngrepet.

Operasjonen varer vanlegvis 20-50 minutt.

Etter

Etter operasjonen blir du observert på oppvakningsavdelinga. Kirurgen vil informere om operasjonen og forholdsreglar etter operasjonen. Du kan vanlegvis reise heim etter 3 timar. Du må ha følge heim, og kan ikkje køyre bil sjølv. Du kan ikkje vere aleine den første kvelden og natta etter operasjonen, og må derfor ha ein vaksen person over 18 år hos deg.

Tilleggssjukdommar eller andre forhold kan føre til at du må leggast inn på sjukehuset. 

Sjukmelding

Du får sjukmelding/fråværserklæring i 14 dagar (legen fyller ut skjema før du reiser heim).

Smerter

Dei fleste har ein del smerter i halsen etter operasjonen. Ta smertestillande medisin etter tilrådingar frå legen.

Det er ikkje uvanleg å få øyresmerter cirka 2 dagar etter operasjonen. Øyresmertene kjem av hevelse rundt nervane som går frå halsen opp til øyret. Ubehaget kan reduserast ved at du ligg med overkroppen heva.

Det er viktig at du drikk ofte i 7 dagar etter operasjonen. Det kan hindre danning av harde skorper på sårflatene, som kan gi auka smerter.

Reseptar

Du vil få reseptar på smertestillande medisinar (eResept) .

Ved bløding etter operasjonen

Det er ikkje uvanleg med noko slim blanda med blod, den første tida etter operasjonen. Prøv kaldt omslag på halsen/nakken og å suge på ein isbit, ete is eller drikke kaldt vatn. Dersom du blør (meir enn blod i spytt), må du ta direkte kontakt med ambulanse på telefon 113. Dette gjeld både når du er heime og når du overnattar på pasienthotell.

Bløding etter fjerning av mandlar kan vere alvorleg. Ta kontakt ved den minste tvil og ha låg terskel for å ringe 113.

Forholdsreglar for å redusere risiko for bløding etter operasjonen

Dei første 24 timane etter operasjonen bør du ikkje

  • køyre bil
  • reise med fly
  • drikke alkohol
  • røyke eller snuse

Trening og aktivitet

Unngå å anstrenge deg fysisk (sport/kroppsøving), tunge løft og seksuell aktivitet i 14 dagar etter operasjonen. Når blodtrykket stig, utvidar blodkara seg og dermed aukar blødingsfaren. Etter 14 dagar kan du starte forsiktig og auke treninga gradvis. Det beste er å begynne med uthaldstrening og deretter varsamt med styrketrening.

Dusj og bad

Unngå varmt vatn (over 37 grader) i dusj og/eller bad i 7 dagar etter operasjonen.

Mat og drikke

Unngå varm mat og drikke, og mat med skarpe kantar (som knekkebrød, brødskorper, nøtter og liknande) i 7 dagar etter operasjonen.

Generell risiko og komplikasjonar

  • endra smakssans
  • hevelse i drøvelen som kan medføre brekkingsrefleks og svelgevanskar
  • lett dårleg ande (dersom du blir plaga med sterk dårleg ande, kan dette vere teikn på infeksjon)
  • tannskadar
  • hud- og blautvevsskadar

Ta kontakt ved bløding, dersom du har feber som varer meir enn 2 dagar og er 38,5 eller høgare (dette kan vere teikn på infeksjon) eller har problem med å få i deg drikke.

Ver merksam

Det er ikkje uvanleg med noko slim blanda med blod, men dersom du blør (meir enn blod i spytt) må du ta direkte kontakt med ambulanse på telefon 113.

Bløding etter fjerning av mandlar kan vere alvorleg. Ta kontakt ved den minste tvil og ha låg terskel for å ringe 113.

Sist faglig oppdatert 05.03.2025

Kontakt

Haugesund sjukehus Øre-nese-hals
Ventetid: Ikke oppdatert

Ventetid: Ikke oppdatert

Kontakt Øre-nese-hals

Oppmøtestad

Våre lokalar er i 1. etasje ved Haugesund sjukehus. Du kan bruke hovudinngangen og passere resepsjonen og sjukehusapoteket - du finn oss heilt i enden av korridoren.

Ved tilpassing av høyreapparat, anbefaler vi at pasienten har med seg følge/pårørande. 

En høy vinkel av en bygning

Haugesund sjukehus

Karmsundgata 120

5528 Haugesund

Finn fram

Transport

Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.

Parkeringshuset har tre ladeuttak.

Reserverte parkeringsplassar

Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.

Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.

Parkeringsavgift

Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på  p-automatane. 

Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.​

Parkering i Haugesund sentrum

Sjå P-kart - Haugesund Parkering

 

Det er fleire busstopp like ved og i nærleiken av Haugesund sjukehus.

www.kystbussen.no - Ruteinformasjon for Kystbussen (Bergen-Stord-Haugesund-Stavanger)

www.kolumbus.no - Ruteinformasjon om lokalbussar i Rogaland

Ventetid

Ikke oppdatert ventetid for utredning

Ikke oppdatert ventetid for dagbehandling

Velg behandlingssted (helsenorge.no)

Praktisk informasjon

Apoteket ligg i første etasje, like bak resepsjonen.

Opningstider:

Måndag-fredag kl. 08.00-16.30.

Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.

På helsenorge.no finner du informasjon om timen din i innkallingsbrevet.

Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
 
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det. 

Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.​

​Kantina i  6.etasje er open for tilsette, pasientar og besøkande.

Opningstider:
Måndag - fredag kl. 09.30-15.30. Stengt helger og heilagdagar.

Pasientkantine i 4-og 5.etasje er kun open for pasientar.

Fleire av sengepostane har eigne spiserom med enkel sjølvbetening for inneliggande pasientar. Ta kontakt med di avdeling.

Det ligg ein Narvesen kiosk i 1.etasje

Opningstider:
Måndag - fredag kl. 06.30-21.00
Laurdag: 9.00-20.00
Søndag: 10.00-20.00 




​​​​​​​​​Ta med den faste medisinen du brukar. Det kan ta tid å få same medisin frå apoteket.

Dessverre kan tjuveri finne stad på sjukehuset. La ​verdisaker vere igjen heime.

Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

Ta med toalettsaker som tannbørste, tannkrem, kam, deodorant og eventuelt barbermaskin. ​Hugs også hjelpemiddel du er avhengig av: til dømes stokk, ​krykker, rullator og rullestol.

God hygiene er ein viktig faktor for å kunne gi god behandling til pasientane.

Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.

Parkeringshuset har tre ladeuttak.

Reserverte parkeringsplassar

Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.

Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.

Parkeringsavgift

Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på  p-automatane. 

Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.​

Parkering i Haugesund sentrum

Sjå P-kart - Haugesund Parkering