Habilitering - Vansker knyttet til pubertet, seksualitet og identitet hos voksne med funksjonsnedsettelse

Når ein person med funksjonsnedsetting har omfattande vanskar knytte til kropp, pubertet, seksualitet og identitet kan fastlegen vise til habiliteringstenesta for vaksne. Vi tilbyr utgreiing, rettleiing og opplæring om forhold knytte til kropp, pubertet, seksualitet og identitet.

Tilvising og vurdering

Det er fastlegen eller anna spesialisthelseteneste som tilviser deg til habiliteringstenesta for vaksne (HAVO). Tilvisinga blir vurdert innan 10 dagar.

Formålet med ei sjekkliste er å bidra til at tilvisingane har rett og tilstrekkeleg informasjon, slik at tenestene kan gjere ei rettsvurdering på bakgrunn av «Prioriteringsrettleiar – Habilitering av vaksne i spesialisthelsetenesta».

Det er forventa at det er gjort ei tverrfagleg vurdering i kommunen før tilvising og at informasjon om denne utgreiinga følger tilvisinga.

Pasienten skal samtykke til tilvisinga. Dersom pasienten ikkje er samtykkekompetent på dette området, skal næraste pårørande informerast om tilvisinga.

Sjekkliste

Namnet til pasienten, fødselsnummer, adresse og telefonnummer
Namn, adresse og telefonnummer til pårørande, primærkontakt og/eller verje
Diagnose(r) på tilvisingstidspunktet
Aktuelle problemstillingar. Det må komme tydeleg fram:
- kva som blir ønskt greidd ut
- kva tilviser er bekymra for/mistenker
- kva tiltak som er sett i gang i kommunen
- ved behov for rettleiing – på kva arena det er ønskeleg
Aktuelle funn og resultat frå medisinske undersøkingar
Rapportar frå tidlegare utgreiing
Legemiddel som er i bruk
Namnet, telefonnummeret og adressa til fastlegen
Namn og kontaktinformasjon til med-tilviser
Namn og kontaktinformasjon til aktuelle samarbeidspartnarar (kommunal koordinator, skole/arbeidsgivar, fysio-/ergoterapiteneste, anna spesialisthelseteneste, NAV)
Er det oppretta ansvarsgruppe?
Er det utarbeidd individuell plan?
Er det aktuelt med arbeid knytt til helse- og omsorgstenestelova kapittel 9?
Namn og kontaktinformasjon til overordna fagleg ansvarleg
Er det behov for tolk, og på kva språk eller dialekt?

Før

Før du møter til utgreiing hos oss ber vi om at du tenker gjennom kva du synest er viktig for utviklinga di når det gjeld

kommunikasjon og samhandling med andre personar
pubertet
seksuell funksjon
seksuell åtferd
eventuelle krenkingar/overgrep

Vi vil også stille deg spørsmål om sjukdommar og tidlegare sjukehusopphald.

Ved behov kan du ha med følgesperson. Den du eventuelt har med deg, bør kjenne deg godt.

Under

Møte med HAVO kan gå føre seg på sjukehuset, i kommunen din eller heime hos deg.

Møtet startar med at vi gir deg informasjon om kva som skal skje og kven du møter. Som regel vil du møte fagpersonar med ulik bakgrunn, for eksempel lege, psykolog, vernepleiar eller sjukepleiar.

Utgreiinga er sett saman av samtalar, observasjonar og undersøkingar. Heile eller delar av utgreiinga kan bli gjennomførte der du bur.

I løpet av utgreiinga kan det komme fram behov for å gjennomføre undersøkingar ved andre avdelingar i sjukehuset. Habiliteringstenesta for vaksne tilviser deg vidare.

Etter

Du får informasjon om resultata av utgreiinga.

Det er kommunen/bydelen du bur i som har ansvar for vidare tiltak og tilrettelegging. I tillegg kan det vere behov for oppfølging frå HAVO i kortare eller lengre periodar. Behovet for oppfølging blir vurdert i samråd i samråd med deg og dei som har ansvar for tilbodet i kommunen/bydelen.

Det blir utarbeidd ein rapport som samanfattar utgreiinga. Om det er behov for vidare oppfølging i HAVO, står det i rapporten. Den blir send både til deg og den som har vist deg til utgreiinga.

Kontakt

Habilitering

Kontakt Habilitering

Oppmøtestad

Vi held til i Berg-bygget i Haugesund

Longhammarvegen 36

5536 Haugesund

Sjå kart

Vi er i andre etasje.

Kontortider

Måndag - Fredag 08:00 - 15:00
Laurdag - Søndag STENGT

Habilitering - Vansker knyttet til pubertet, seksualitet og identitet hos voksne med funksjonsnedsettelse

Tilvising og vurdering

Tilvisingsrutinar for helsepersonell