Vi tilrår at du alltid nyttar siste versjon av nettlesaren din.

Hepatitt B kronisk

Hepatitt B er ein kronisk virusinfeksjon, med sparsame symptom, som du aldri kan bli kvitt heilt. Hovudmålet med behandling av kronisk hepatitt B er å hindre utvikling av skrumplever og leverkreft hos dei som har høge levertal over lengre tid. All hepatitt B-behandling blir derfor ei form for førebyggande behandling.

Hepatitt B er en virussykdom som angriper leveren og kan ha et akutt eller kronisk forløp. I Norge smitter sykdommen vanligvis ved ubeskyttet sex og via blod ved deling av utstyr for injisering av rusmidler.

Les meir på helsenorge.no

Årsaker

Alle som har blitt smitta med hepatitt B-virus vil ha litt virus i levra som kan blusse opp seinare i livet. Risikoen for å få oppbluss av hepatitt B eller komplikasjonar i form av skrumplever og leverkreft er avhengige av fleire faktorar.

Du har auka risiko for skrumplever og leverkreft om du: 

  • har høge nivå av hepatitt B-virus i blodet
  • har leverkreft i familien
  • har annan sjukdom som stressar levra slik som diabetes og fedme
  • har høgt alkoholforbruk
  • har andre kroniske virussjukdommar som påverkar levra slik som hepatitt C eller hiv
  • bruker immunhemmande medisinar

Utgreiing

Alle personar som har fått påvist hepatitt B-virusinfeksjon skal tilvisast til spesialist i infeksjonssjukdommar eller leversjukdommar.

Utgreiing består av vanleg klinisk undersøking, måling av leverstivleik med eit eige ultralydapparat og blodprøver. Vi vil da avgjere om du treng behandling for å redusere virusmengda og risikoen for oppblussing og komplikasjonar.

Korleis kan eg førebu meg?

Det kjem an på kva behandling du skal ha, interferon eller tablettar. Om du skal gjere eit forsøk med interferon bør du førebu deg litt ekstra, sidan behandlinga kan vere tøff, både fysisk og psykisk. Det viktigaste er å tilpasse tidspunktet for ein interferon-kur til jobb, skolegang, reiser, planar om graviditet og så vidare. Fastlegen bør også involverast sidan nokon kan trenge sjukmelding ein periode.

Tablettbehandling er enklare og treng mindre planlegging.

Behandling

Om du skal i gang med tablettar, er det oftast 1 tablett kvar dag i mange år.

Interferonbehandling består av éi sprøyte i veka i 1 år.

Biverknader og komplikasjonar

Dei tablettane vi bruker i dag (oftast tenofovir eller entecavir) er velkjente medikament med få biverknader.

For dei som skal bruke interferon vil det å sette ei sprøyte éin gong i veka kunne vere litt ubehageleg. Ein del får også muskelverk, utslett og svimmelheit som biverknad.

Oppfølging

Enten du står på behandling eller ikkje, må du til blodprøvekontroll minst 1 gong per år resten av livet. Det gjeld alle med kronisk hepatitt B-infeksjon, også dei med fine levertal og lite virus i blodet. Nokon må også til ultralyd av levra 1–2 gonger per år, spesielt dei med skrumplever.

Kjelder for informasjon

Smittevernboka om Hepatitt B (Folkehelseinstituttet fhi.no)

Ofte stilte spørsmål

Skal eg gå til kontrollar hos dykk eller hos fastlegen?

Dei fleste med kronisk hepatitt B blir kalla inn til ein spesialistpoliklinikk for kontroll. Om du blir klassifisert som «inaktiv berar» kan du følgast opp av fastlegen, men da må du sjølv bestille deg time éin gong i året.

Det gjeld alle med kronisk hepatitt B-infeksjon, også dei med fine levertal og lite virus i blodet.

Kva gjer eg dersom fastlegen min ikkje veit kva prøver som skal takast når eg kjem dit på kontroll?

Når du er ferdig utgreidd og legen her meiner du kan følgast opp av fastlegen får både du og fastlegen din ei oppsummering av tilstanden din – inkludert i kva stadium du er i – og ei liste over dei prøvene som skal takast. For «inaktive berarar» er det Hgb, kvite blodceller, blodplater (trombocyttar), ASAT, ALAT og HBV DNA 1 gong per år. Dersom ALAT stig igjen, og held fram med å vere høg utan at de finn ei anna forklaring, bør du tilvisast tilbake til oss.

Eg har både hiv og kronisk hepatitt B. Skaper det problem for behandlinga?

Nei, på ingen måte. Sidan du allereie bruker medisinar mot hiv, bruker du sannsynlegvis eitt av midlane som verkar på hepatitt B også: tenofovir.

Sist faglig oppdatert 03.10.2024

Kontakt

Haugesund sjukehus Gastromedisinsk poliklinikk

Kontakt Gastromedisinsk poliklinikk

Oppmøtestad

Du finn oss i 1. etasje på Haugesund sjukehus. Gå til ventesone 7 når du har registrert deg.

Sjølvbetent innsjekk og betaling - Helse Fonna HF

Om timen din på sjukehuset (endring/avbestilling) - Helse Fonna HF

En høy vinkel av en bygning

Haugesund sjukehus

Karmsundgata 120

5528 Haugesund

Finn fram

Praktisk informasjon

Apoteket ligg i første etasje, like bak resepsjonen.

Opningstider:

Måndag-fredag kl. 08.00-16.30.

​Kantina i  6.etasje er open for pasientar, besøkande og tilsette.

Opningstider kantine

Måndag - fredag kl. 09.30-15.30. Stengt i helger og på heilagdagar.

Pasientkantine i 4 og 5.etasje er kun open for pasientar.

Fleire av sengepostane har eigne spiserom med enkel sjølvbetening for inneliggande pasientar. Ta kontakt med avdelinga du høyrer til.

Du finn ein Narvesen kiosk i 1.etasje

Opningstider kiosk

Måndag-fredag: 06.30-21.00 
Laurdag: 09.00-20.00
Søndag: 10.00-20.00 

Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.

Parkeringshuset har tre ladeuttak.

Reserverte parkeringsplassar

Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.

Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.

Parkeringsavgift

Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på  p-automatane. 

Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.​

Parkering i Haugesund sentrum

Sjå P-kart - Haugesund Parkering

 

Det er fleire busstopp like ved og i nærleiken av Haugesund sjukehus.

www.kystbussen.no - Ruteinformasjon for Kystbussen (Bergen-Stord-Haugesund-Stavanger)

www.kolumbus.no - Ruteinformasjon om lokalbussar i Rogaland

Slik gjer du:

1. Vel nettverket gjest.ihelse.net på din PC, mobil eller nettbrett
2. Opne nettlesaren og godta vilkår for bruk 

Bruk av trådlaust nett er gratis.
 
Innlogging er krav til sikkerheit i sjukehusnettverket og er same type løysing som er på flyplassar og​ hotell.

God surfing.