Vi tilrår at du alltid nyttar siste versjon av nettlesaren din.
Ein sjukepleiar handterer medisinar

Gastromedisinsk poliklinikk

Vi undersøker og behandlar pasientar med sjukdommar i fordøyingssystemet.

Dei vanligaste tilstandane vi undersøker og behandlar er relatert til blødingar og betennelsestilstandar. Vi gjer også undersøkingar ved mistanke om kreftsjukdom.

Vi har undersøkingar som gastroskopi, koloskopi, endoskopisk ultralyd, gallegangsundersøking, ph/maonmetri, kapselendoskopi og fibrosescan av lever.

Du kan lese meir om undersøkingane og behandlingane vi gjer her:

Gastromedisinske undersøkingar og behandlingar - Helse Fonna HF

Vi samarbeider tett med medisinske og kirurgiske legar, barnelegar og anestesipersonell for å gi pasientane best mogleg behandling og oppfølging.

Pasientar med Crohns og Ulcerøs colitt (inflammatorisk tarmsykdom) får biologisk behandling ved IBD-poliklinikken vår.

Ein IBD-sjukepleiar tilbyr blant anna individuelle konsultasjonar til dei som har behov for det.

Alle som får påvist hepatitt A, B og C infeksjon blir tilvist til ein spesialist.

Personar som har ein kronisk infeksjon treng regelmessig oppfølging i helsevesenet. Nokre vil også trenge behandling for å hindre utvikling av alvorleg leversjukdom. 

Behandlingen for for eksempel hepatitt C er blitt betydeleg betre dei siste åra, med mykje meir effektive medisinar enn tidlegare. 

Vi har eit vaktteam for akutte tilstandar som bløding i mage- og tarm, fjerning av framandlekam og andre hastesaker.

Vaktteamet er tilgjengeleg utanfor ordinær opningstid.

Viktig informasjon til pasientar som har fått tildelt time

Vi ber pasientar lese innkallingsbrevet nøye i god tid før timen. Dei fleste som kjem til oss må førebu seg i forkant av timen, anten i form av blodprøvar, fasting, tarmtømming eller midlertidig stopp i medisinbruk.

Dersom du kjem uførebudd til timen, må vi endre timen din og det kan bli lengre ventetid. Innkallingsbrevet finn du når du loggar deg inn på Helsenorge – din helse på nett - Helsenorge

På grunn av lange ventelister ber vi også pasientar om å behalde timen dei får tildelt, så langt det lar seg gjere. Endring av time kan føre til lang ventetid.

 

Vi ber tilvisande legar om å ta aktuelle prøvar før dei tilvisar pasientar til poliklinikken.

Du kan sjå prøvesvara dine på Helsenorge. Dersom det er behov for å gå gjennom prøvesvara, blir du kontakta av legen.

Les meir om prøvesvar: Om Prøver og undersøkelser - Helsenorge

Hos oss møter du overlegar som er spesialisert innan mage-tarm sjukdommar (gastroenterologar) og sjukepleiarar med spesialisering og lang erfaring innan mage-tarm sjukdommar.

Vi har ei venteliste som vi følgjer når vi sett opp timar. Sjå Ventetider for utredning og behandling - Helsenorge for oppdatert venteliste for dei ulike undersøkingane.

Ventelistene blir oppdatert ein gong i månaden. 

Vi har kurs for pasientar med inflammatorisk tarmsjukdom (IBD) som ulcerøs kolitt og Crohns sjukdom. Ta kontakt med oss eller sjå planlagde kurs nedst på denne sida: Lærings- og meistringssenteret - Helse Fonna HF

Gastrokirurgisk poliklinikk er pakkeforløpskoordinator for tykk- og endetarmskreft i Helse Fonna. Tilvisingar til pakkeforløp blir derfor sendt til Gastrokirurgisk avdeling - Helse Fonna HF, men fleire av undersøkingane blir gjort på gastromedisinsk poliklinikk. 

Les meir om Pakkeforløp for kreft - Helsenorge

Vi utførar nasjonal tarmscreening i regi av Kreftregisteret. Personar som har testa positivt for blod i avføringa blir tilvist oss for tarmscreening (koloskopi). ·

Les meir om Tarmscreeningprogrammet 

Les meir om Tarmkreft - Helsenorge

Kontakt

Telefon

  • Måndag - Fredag 07:30 - 15:30
  • Laurdag - Søndag STENGT

Endre time på helsenorge.no

Logg inn på Helsenorge.no
For å sende brev eller dokument med personsensitive opplysningar, bruk VestDialog.

Slik finn du fram

Oppmøtestad

Du finn oss i 1. etasje på Haugesund sjukehus. Gå til ventesone 7 når du har registrert deg.

Sjølvbetent innsjekk og betaling - Helse Fonna HF

Om timen din på sjukehuset (endring/avbestilling) - Helse Fonna HF

En høy vinkel av en bygning

Haugesund sjukehus

Karmsundgata 120

5528 Haugesund

Finn fram

Praktisk informasjon

Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.

På helsenorge.no finner du informasjon om timen din i innkallingsbrevet.

Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
 
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det. 

Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.​

Har du time hos oss, må du ta med ei oversikt over medisinane du bruker. Lista bør innehalde namn på medisinen, dosen, kor ofte du tek han, og om medisinen er fast eller ved behov.

Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontantar. I tillegg kan du benytte EasyPark appen.

Parkeringshuset har tre ladeuttak.

Reserverte parkeringsplassar

Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.

Det er reserverte plassar for blodgivarar og dialysepasientar i toppetasjen på parkeringshuset. Du vil få utlevert parkeringsbevis frå avdelinga dersom du har rett til å bruke dessa plassane.

Parkeringsavgift

Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på  p-automatane. 

Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.​

Parkering i Haugesund sentrum

Sjå P-kart - Haugesund Parkering

 

Det er fleire busstopp like ved og i nærleiken av Haugesund sjukehus.

www.kystbussen.no - Ruteinformasjon for Kystbussen (Bergen-Stord-Haugesund-Stavanger)

www.kolumbus.no - Ruteinformasjon om lokalbussar i Rogaland