Vi tilrår at du alltid nyttar siste versjon av nettlesaren din.
Hjernehinnebløding frå aneurisme
Ei hjernehinnebløding er ei bløding frå blodkar som ligg i væskerommet mellom hjernehinnene. Den vanlegaste årsaka er at ei utposing (aneurisme) på ei pulsåre i hovudet sprekk. Hjernehinnebløding blir også kalla subaraknoidalblødning.
Hjernen er omkranset av flere hinner. Hjernens arterier ligger i væskerommet mellom hjernens overflate og hinnene. Dersom en utposning (aneurisme) sprekker, så oppstår en hjernehinneblødning, subarachnoidal blødning, SAB,
Intrakranielt betyr innanfor hovudskallen. Eit intrakranielt aneurysme er ei utposing på ein av pulsårane av hjernen og finst hos 1 – 2 prosent av befolkninga. Ein veit ikkje sikkert kvifor eit aneurysme oppstår, men førekomsten er høgare hos kvinner, røykarar og hos personar med langvarig forhøgd blodtrykk. Førekomsten aukar med alderen, såleis har 10 prosent av 70-åringar og 20 prosent av 80-åringar eit aneurysme, men dei færraste aneurysmer sprekk. Intrakranielle aneurysmer førekjem som regel hos enkeltpersonar, utan andre tilfelle i slekta.
Symptom på hjernehinnebløding
Symptoma kjem brått, oftast utan forvarsel.
Dei fleste opplever
lynaktig, veldig kraftig hovudverk.
kvalme, brekkingar.
kjensle av at nakken blir stiv.
i nokre tilfelle følger bevisstheitstap og/eller kramper.
Hjernehinnebløding kan vere ein livstruande tilstand.
Kliniske studiar
2 kliniske studiar er opne for rekruttering. Saman med legen din kan du vurdere om ein klinisk studie er aktuell for deg.
Diagnosen blir stilt ved CT som gir detaljerte bilete av blødinga. Som regel vil ein sprøyte kontrast inn i ei blodåre på armen (CTA), som gir god framstilling av blodkar og sjølve aneurysmet.
Det blir sett i gang akuttmedisinsk behandling så snart hjernehinnebløding er påvist.
Behandlinga av aneurysmer som har blødd kan gjerast på ulike måtar. Behandlinga blir bestemt ut frå individuelle faktorar, som
lokalisasjonen til utposinga
størrelse
form
Ved klipsing blir det gjort ein operasjon der ein opnar skallen og avstengjer utposinga med ei klemme (klips) som skal bli liggjande. Dette blir utført av nevrokirurg på operasjonsstova.
Bildet viser korleis ei utposing på blodåra er stengt av med ei klemme (klips)
Coiling
Ved coiling blir utposinga tetta med tynne metalltrådar som blir førte gjennom innsida av blodårane frå pulsåra i lysken. Coiling blir gjort på røntgenavdelinga.
Illustrasjon som viser hvordan utposningen blir tettet med tynne metalltråder som føres gjennom innsiden av blodårene fra pulsåren i lysken.
Det er trygt å ta MR med både klips og koil. Det er heller ikkje noko problem i samband med flyreiser.
Hos enkelte vil det vere vedvarande problem med sirkulasjon av hjernevæske. Behandlinga for dette er å operere inn eit varig drenasjesystem (shunt) under huda som fører hjernevæska frå hjernen til bukhulen. Dette kan du fint leve med.
Postoperativ behandling
Etter reparasjon av aneurysmet blir du overvakt på intensivavdeling og/eller på nevrokirurgisk overvaking, i omtrent 2 veker (spennvidd 2 dagar – 2 månader) der behandling og tidleg rehabilitering blir tilpassa kvar enkelt. Etterpå blir du skriven ut til lokalt sjukehus og vidare til heim, rehabiliteringsinstitusjon eller sjukeheim.
Oppfølging
Det er veldig ulikt kor alvorleg funksjonstap ein får etter ein intrakraniell hjernebløding. I alvorlege tilfelle er ei slik bløding dødeleg. Mange treng langvarig rehabilitering etter det akutte sjukehusforløpet.
Rehabilitering etter intrakraniell aneurysmeblødning
I rehabiliteringsfasen kan dei fleste leve utan spesielle restriksjonar. Det blir tilrådd gradvis opptrening alt etter det du orkar. Du kan til dømes gå daglege turar den første tida etter blødinga. Start med cirka 15 minutt og auk gradvis, etter dagsform. Etter kvart kan du ta opp att andre aktivitetar som du har vore vand til å gjere før blødinga.
Forsiktigheitsreglar
Du blir åtvara mot å køyre bil inntil dette er avklart med nevrolog eller nevrokirurg på 3-månaderskontroll. Sterke smertestillande medisinar kan påverke psykomotorisk tempo og dermed også evna til å køyre bil.
Ver måtehalden med alkohol.
Du blir tilrådd å slutte å røykje.
Det er heilt i orden med flyreiser, dersom allmenntilstanden tillèt det.
Ver merksam
Ta raskt kontakt med lege om du får akutt forverring av hovudverk, redusert bevisstheit eller aukande fysiske eller kognitive utfordringar etter behandlinga. Dette kan vere teikn på forverring eller auka hjernetrykk.
Vanlege symptom etter utskriving frå sjukehus
Vanskar med å bevege delar av kroppen.
Språkforstyrringar, slik som vanskar med å finne ord og vanskar med å forstå det som blir sagt, kan førekomme.
Synsforstyrringar kan også førekomme. Om desse held fram, blir det anbefalt undersøking hos augelege.
Hovudverk, trøyttleik, døsigheit og redusert energinivå er vanleg i forløpet etter blødinga og minkar som regel over tid.
Det er ikkje uvanleg å vere desorientert eller forvirra og ha stort søvnbehov i ein periode, og ha redusert eller manglande minne for perioden på sjukehuset.
Etter kvart slit mange med kjenslemessige reaksjonar slik som depresjon og frustrasjon, og ein kan kjenne seg «annleis» og einsam. Det kan også skje endringar i relasjonar med familien og venner.
Sårsmerter rundt operasjonsområdet er vanleg. I somme tilfelle kjem ikkje kjensla for berøring i det opererte område fullstendig tilbake. Nokon kan også oppleve brennande smerter eller kribling i arr området.
Forstopping kan oppstå som følge av sterke smertestillande medisinar og inaktivitet. Middel mot forstopping bør brukast i samråd med lege.
Mindre vanlege symptom etter bløding
Nokre får isjias (korsryggsmerter med utstråling på baksida av låra) på grunn av manglande aktivitet og kan ha behov for behandling hos fysioterapeut.
Smerter i kjeven kan finnast, oftast på den opererte sida, og oppstår når ein opnar opp munnen ved eting eller tannpuss. Det blir tilrådd trening av kjeven ved å opne opp munnen/gape så mykje ein kan (inntil smertegrense) og lukke igjen minst 5 gonger dagleg. Dersom smertene ikkje minkar over 6 veker, er det tilrådd å ta kontakt med fastlege.
Høyrselsnedsetjing eller lydoverfølsømhet kan oppstå og vare i fleire veker. Dette går som regel spontant over og det er ikkje behov for tiltak.
Hårtap kan oppstå som biverknad til medisinar som blei brukte etter blødinga, stråling i samband med røntgenundersøkingar eller stress. Det er ikkje grunn til bekymring, håret veks ut igjen.
Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.
Parkeringshuset har tre ladeuttak.
Reserverte parkeringsplassar
Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.
Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.
Parkeringsavgift
Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på p-automatane.
Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.
Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.
På helsenorge.no finner du informasjon om timen din i innkallingsbrevet.
Apoteket ligg i første etasje, like bak resepsjonen.
Opningstider:
Måndag-fredag kl. 08.00-16.30.
Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det.
Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.
Kantina i 6.etasje er open for tilsette, pasientar og besøkande.
Opningstider: Måndag - fredag kl. 09.30-15.30. Stengt helger og heilagdagar.
Pasientkantine i 4-og 5.etasje er kun open for pasientar.
Fleire av sengepostane har eigne spiserom med enkel sjølvbetening for inneliggande pasientar. Ta kontakt med di avdeling.
Ta med den faste medisinen du brukar. Det kan ta tid å få same medisin frå apoteket.
Dessverre kan tjuveri finne stad på sjukehuset. La verdisaker vere igjen heime.
Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.
Ta med toalettsaker som tannbørste, tannkrem, kam, deodorant og eventuelt barbermaskin. Hugs også hjelpemiddel du er avhengig av: til dømes stokk, krykker, rullator og rullestol.
God hygiene er ein viktig faktor for å kunne gi god behandling til pasientane.
