Vi tilrår at du alltid nyttar siste versjon av nettlesaren din.

Illegale rusmidler

Bruk av rusmiddel kan medføre avhengnad. Gjennom behandling får du hjelp til å få kontroll over trongen til å bruke rusmiddel – uansett årsak. Det kan skje ved poliklinisk behandling, eventuelt i kombinasjon med døgninnlegging.

Tilvising og vurdering

Du må ha tilvising for å få eit tilbod i tverrfagleg spesialisert rusbehandling (TSB). 

Tverrfagleg spesialisert rusbehandling (TSB) omfattar tilbod om døgnbehandling, dagbehandling, ambulantbehandling og polikliniske tenester. Tilvising til TSB kan komme frå ei rekke instansar, både frå sosialtenesta og frå helsepersonell med rett til å tilvise til spesialisthelsetenesta. 

Det er ein fordel om du sjølv deltar når tilvisinga blir skriven, slik at du får med rette opplysningar om deg, situasjonen din og kva du ønsker å oppnå med behandlinga. Tilvisinga blir vurdert, og du får beskjed innan ti dagar om du får eit tilbod i TSB. Dei fleste får først ein time på ein ruspoliklinikk.

TSB omfattar tilbod om døgnbehandling, dagbehandling, ambulantbehandling og polikliniske tenestar.
 

Kven kan tilvise?

Tilvising til TSB kan komme frå 

  • sosialtenesten/NAV
  • barneverntenesten
  • fastlege/allmennpraktiserande lege
  • privatpraktiserande legespesialist eller psykolog (spesialist)
  • lege ved andre delar av spesialisthelsetenesta
  • lege i fengselshelsetenesta
  • anna helsepersonell som har rett til å tilvise til spesialisthelsetenesta

Kva skal tilvisinga innehalde?

Tilvisinga skal danne grunnlaget for vurderingane som skal gjerast. Det er derfor viktig at den innehalder mest mogeleg komplett informasjon om deg (pasienten) og forhald rundt deg.
 

 
Tilvisinga skal innehalde følgande informasjon:
 

 
  • Personopplysningar (namn, adresse, fødselsnummer, telefonnummer)
  • Familieforhald / sosial status
  • Sysselsetting / trygdestatus / eventuelle økonomiske vanskar
  • Uteståande dommar / planlagt soning
  • Historikk for rusproblematikk, inkludert tidligare behandling og beskriving av situasjonen i dag
  • Historikk og vurdering av psykisk og somatisk helse
  • Medisinering
  • Mål for iverksatt eller planlagt habilitering / rehabilitering
  • Involverte instansar, inkludert beskriving av samarbeidsrelasjonar
  • Vurdering av rett til individuell plan
  • Samtykke til innhenting av relevante opplysningar
  • Relevante epikrisar
  • Forslag til type tiltak
  • Vurdering av om det er behov for avrusing for å kunne gjennomføre behandling
 
 
 

Før

Når du har fått innkalling til første samtale er det fint om du førebur deg, gjerne i samarbeid med tilviser eller pårørande. Det kan vere ting du vil utdjupe og spørsmål du har. Du kan også legge til opplysningar som ikkje er beskrivne i tilvisinga. Notar gjerne ned på ei liste såg du hugsar alt. 

Under

På poliklinikken startar vi med kartlegging og utgreiing i samarbeid med deg for å avklare behova dine for behandling og kva mål du har. Vi snakkar både om rusmiddelbruk og om psykisk og fysisk helse. Vi ønsker eit godt bilde av situasjonen din og korleis du har det i kvardagen med skole, jobb, økonomi og familieforhold. Denne informasjonen dannar grunnlag for behandlingsplanen din. 

Det kan vere aktuelt at pårørande dine blir involvert, føresett at du ønsker det. Vi ønsker også å etablere eit godt samarbeid med aktuelle hjelpeinstansar i kommunen/bydelen din. 

Eit poliklinisk behandlingstilbod består av individuelle samtalar og eventuelt par- og familiesamtalar. 

Behandlaren din vil som regel ha ansvaret for å legge til rette for ei eventuell døgninnlegging. Ved behov for døgnbehandling vil du bli tilvist vidare til ein døgninstitusjon som tar imot pasientar til behandling for alkoholavhengnad. Nokon har behov for opphald på ei avrusingseining i forkant av behandlinga. 

Under ei døgninnlegging oppheld du deg på institusjonen. Det er mange ulike avdelingar og institusjonar, noko du kan lese meir på Helsenorge.no og på nettsida til den aktuelle institusjonen. Personalet er tverrfagleg samansett, og du får oppfølging av miljøterapeutar, psykologar og legar. 

Tilbodet kan blant anna bestå av miljøterapi, individuelle samtalar og deltaking i grupper, medikamentell behandling og fysisk aktivitet. Behandlinga bli lagd til rette ut frå behova dine. Etter døgnopphaldet er det vanleg å få tilbod om poliklinisk oppfølging ein periode. 

For å få ei heilskapleg og trygg oppfølging, får du tilbod om ein individuell plan og ei ansvarsgruppe gjennom heile behandlingsforløpet og etter at du er skrive ut frå spesialisthelsetenesta. Både ved poliklinisk behandlingstilbod og ved døgninnlegging er det ein eigen barneansvarleg som eit tilbod og ein ressurs for barn som er involverte.

Etter

Etter behandling ved ein poliklinikk eller eit opphald i ein døgninstitusjon, overtar det lokale hjelpeapparatet, det vil seie fastlege og kommune. Det er møte og samtaler mellom sjukehuset og det lokale hjelpeapparatet ditt før du blir skriven ut frå døgnbehandling. Ved utskriving får du og behandlaren din eit avslutningsbrev med ei oppsummering av opphaldet og ei oppfordring av tiltak vidare. 

Når du er ferdig med opphaldet i døgnavdelinga, overtar poliklinikken og den polikliniske behandlaren oppfølginga om du ønsker dette.

Sist faglig oppdatert 17.03.2026

Kontakt

  • En rekke bygninger

    Haugaland DPS

    Floravegen 75

    5535 Haugesund

    Finn fram

    Transport

    ​Det er busshaldeplass like ved Haugaland DPS, Haugesund. Søk på haldeplassen "Lysskar" i reiseplanleggaren. Ruteinformasjon finn du på www.kolumbus.no

    ​Parkeringsplass for pasientar og besøkande ligg like utanfor bygget. Alle oppmerka parkeringsplassar kan nyttast. Parkering er gratis

    ​Parkeringsplass for pasientar og besøkande ligg like utanfor bygget. Alle oppmerka parkeringsplassar kan brukast.
    Parkering er gratis. 

    Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.

    Parkeringshuset har tre ladeuttak.

    Reserverte parkeringsplassar

    Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.

    Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.

    Parkeringsavgift

    Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på  p-automatane. 

    Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.​

    Parkering i Haugesund sentrum

    Sjå P-kart - Haugesund Parkering

     

    Praktisk informasjon

    Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
     
    Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det. 

    Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.​

    ​​​​​​​​​Ta med den faste medisinen du brukar. Det kan ta tid å få same medisin frå apoteket.

    Dessverre kan tjuveri finne stad på sjukehuset. La ​verdisaker vere igjen heime.

    Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

    Ta med toalettsaker som tannbørste, tannkrem, kam, deodorant og eventuelt barbermaskin. ​Hugs også hjelpemiddel du er avhengig av: til dømes stokk, ​krykker, rullator og rullestol.

    God hygiene er ein viktig faktor for å kunne gi god behandling til pasientane.

    Sjukehusområdet er røykfritt.

    Inneliggande pasientar kan ta kontakt med helsepersonell ved si avdeling ved behov for nikotinprodukt.

  • Kontakt Stord DPS

    Oppmøtestad

    Stord DPS og BUP (barne- og ungdomspsykiatrisk) held til i lokale som ligg like ved Stord sjukehus.

    Pårørande og besøk

    Pasientar og pårørande - Helse Fonna HF

    Dersom det er særskilde behov for besøk utanom ordinær besøkstid, vil vi – så langt det er mogleg – leggje til rette for besøk eller følgje til pasientar.

    En bygning med et skilt på

    Stord DPS

    Tysevegen 64

    5416 Stord

    Finn fram

    Besøkstider

    • I dag 17:00 - 18:30

    Transport

    ​Kystbussen har terminal i Leirvik sentrum, sjå www.kystbussen.no for ruteinformasjon. Herfrå går det lokalbuss til sjukehuset og DPS-et. Meir informasjon om rutetider for lokalbuss finn du på www.skyss.no.

    OBS: Ved søk i reiseplanleggaren må du skrive «Fylkessjukehuset» dersom du skal til/frå Stord sjukehus eller Stord DPS, då dette er Skyss sitt haldeplassnamn for dette busstoppet.

    Praktisk informasjon

    ​Det er ikkje publikumsapotek på sjukehuset, men det er fleire apotek i og rundt Leirvik sentrum.

    ​Nærmaste daglegvare er Spar Ådland, Olvikvegen 52, 5416 Stord. 1.5 km med bil, 500 m til fots på gangsti bak ambulansestasjonen.

    Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
     
    Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det. 

    Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.​

    ​Publikumskantine finn du i underetasjen.

    Opningstider:

    Måndag-fredag kl. 11.00-14.00. Det er stengt i helger og på heilagdagar.

    ​​​​​​​​​Ta med den faste medisinen du brukar. Det kan ta tid å få same medisin frå apoteket.

    Dessverre kan tjuveri finne stad på sjukehuset. La ​verdisaker vere igjen heime.

    Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

    Ta med toalettsaker som tannbørste, tannkrem, kam, deodorant og eventuelt barbermaskin. ​Hugs også hjelpemiddel du er avhengig av: til dømes stokk, ​krykker, rullator og rullestol.

    God hygiene er ein viktig faktor for å kunne gi god behandling til pasientane.

    ​Det er ikkje minibank ved sjukehuset. Nærmaste minibank Stord sjukehus: Sparebanken Vest, Leirvik sentrum.

    Parkeringsplass for pasientar og besøkande ligg like utanfor sjukehuset, det er kort avstand for gåande. Parkering mot avgift.
     
    Det er innført skiltgjenkjenningssystem på Stord sjukehus. Du får tilsendt faktura frå ParkPay etter inn- og utkøyring. 
     
    ​Pris for å parkere er 25 kroner i timen. Makspris for eit døgn er 155 kroner.
     
    Det er mogleg å køyre heilt fram til hovudinngangen for å sleppe av passasjerar ved behov. 
     

    Sjukehusområdet er røykfritt.

    Inneliggande pasientar kan ta kontakt med helsepersonell ved si avdeling ved behov for nikotinprodukt.