Legemiddelassistert rehabilitering (LAR)

Formålet med legemiddelassistert rehabilitering (LAR) er å bidra til at opioidavhengige skal få auka livskvalitet, og at dei får bistand til å endre livssituasjonen sin gjennom betring av det optimale meistrings- og funksjonsnivået sitt. Formålet er også å redusere skadane av opioidavhengnad og faren for overdosedødsfall.

Tilvising og vurdering

Dersom du er avhengig av opioid og ønsker behandling for denne lidinga, kan du be fastlege din eller anna helsepersonell om å tilvise deg til vurderingseininga ved TSB (Tverrfagleg spesialisert rusbehandling). Tilvisinga bør innehalde dokumentasjon på opioidavhengnad, eventuelt tidlegare behandling og annan relevant informasjon, slik at TSB skal kunne rettsvurdere tilvisinga på best mogleg måte.

LAR-behandlinga er beskrive i eiga nasjonal retningslinje av Helsedirektoratet.

Får du rett til behandling, blir du kalla inn til ei første samtale for avklaring av behova og ønska dine. Du får også tilbod om ei basisutgreiing. På bakgrunn av dokumentasjonen i tilvisinga, behova og ønska dine og utfallet av basisutgreiinga avgjer legen ved TSB kva behandling du får tilbod om. Legemiddelassistert rehabilitering (LAR) er eitt av fleire behandlingstilbod for opioidavhengnad. Som namnet tilseier, er LAR eit rehabiliteringstilbod støtta av behandling med eit legemiddel – eit opioid.

Før

Du er i LAR frå den dagen ein lege i spesialisthelsetenesta (sjukehuset) har godkjent behandlinga med opioid-legemiddelstøtte, såkalla substitusjonsbehandling. Lege og behandlar vil planlegge behandlingsforløpet saman med deg.

Det finst fleire moglege behandlingar. Kva som er best for deg kan du og helsepersonell kome fram til saman. Dette kallast samval. Å vere med og bestemme er ein rettigheit du har.

Samval inneber at du mottek informasjon om fordelar og ulemper ved dei ulike alternativa. Så kan du saman med helsepersonell sjå desse opp mot kvarandre, ut ifrå kva som er viktig for deg.

Her er tre spørsmål du kan stille din behandlar:

Kva alternativ har eg?
Kva fordelar og ulemper er moglege ved desse alternativa?
Kor sannsynleg er det at eg vil oppleve nokre av desse?

Les meir om samval på helsenorge.no

Før oppstart med substitusjonsbehandling gjennomgår vi desse temaa med deg:

Du får informasjon om behandlingstilbodet.
Vi avklarar saman formålet med behandlinga.
Vi avklarar saman kva ressurspersonar som skal vere med i ei ansvarsgruppe.
Saman inngår vi avtaler for å sikre ei forsvarleg behandling.
Vi avklarar saman kva legemiddel du skal bruke i behandlinga.
Saman avklarar vi om oppstart med legemiddelet skal skje i poliklinikk eller i institusjon, og når du skal starte.
Vi kartlegg også saman med deg sider ved livet ditt som kan ha betydning for behandlinga, for eksempel fysisk og psykisk helse.

Under

Etter oppstart med substitusjonsbehandling vil behandlar i LAR legge til rette behandlingsforløpet etter behova og ønska dine.

Du får tilbod om terapeutiske samtaler med behandlar i LAR. Temaa i slike samtaler kan vere rusmeistring, risikofaktorar for tilbakefall til rus, kartlegging av psykisk og fysisk helse, sosialfaglege forhold m.m.
Du kan få tilbod om traumeterapi og/eller behandling av angst og depresjon.
Vi vil også følge opp den somatiske helsa di (fysisk helse) i samarbeid med fastlegen din.
Det blir etablert ei ansvarsgruppe som består av deg, fastlegen din, behandlaren din i LAR, ein eventuell kontakt i kommunen og/eller andre relevante personar.
Vi utarbeider saman ein behandlingsplan for måla dine.
Vi legg til rette for samarbeidsmøte kvar 12. veke eller etter behov. Temaa i slike møte kan vere eigna bustad, aktivitetar i kvardagen, nettverk, økonomi og psykisk og fysisk helse.
Vi evaluerer jamleg verknaden av legemiddelet du får føreskrive, for at du skal ha best mogleg effekt av behandlinga.
Legemiddelet (opioidet) i behandlinga er gratis
Andre tilbod som er gratis, er hepatitt C-behandling, tannbehandling og langtidsprevensjon for kvinner.

Når du ikkje lenger har behov for behandlar i LAR, kan fastlegen din følge opp opioidbehandlinga. Ansvaret for LAR-behandlinga di ligg likevel hos legen i TSB. Vi ønsker derfor jamlege evalueringsmøte. Oppfølginga av pasientar som fastlegen har i LAR, skal alltid skje i nært samarbeid med spesialisthelsetenesta (sjukehuset).

Avslutte behandlinga

Dersom du ønsker å avslutte behandlinga, skal vi legge til rette for det. Vi frårår derimot å avslutte substitusjonsbehandling med mindre det er god grunn til å tru at du vil klare deg utan opioid.

Om behandlinga ikkje har effekt på deg, eller om den ikkje lar seg gjennomføre på forsvarleg måte, kan vi vurdere det slik at behandlinga må bli avslutta.

Ei eventuell nedtrapping blir planlagt og gjennomført i samarbeid mellom deg og lege i TSB. Du blir følgt opp med tett rådgiving og støtte under og etter nedtrapping for å redusere risiko for tilbakefall.

Etter

Etter avslutta behandling vil fastlegen din, eller den som har tilvist deg til LAR, bli informert.

Dersom behovet for behandling kjem tilbake, vil TSB raskt vurdere eit tilbod om ny behandling.

Ver merksam

Det kan vere auka risiko for overdose etter avslutning av behandling.

Dei vanlegaste legemidla i opioidbehandlinga har ein beskyttande effekt og blokkerer heilt eller delvis for andre opioid. Det betyr at du må ta omsyn til dette den dagen du ikkje lenger har denne beskyttelsen.
Dersom du har vore utan opioid ei stund, må du vere merksam på at du kanskje ikkje toler dosar du tidlegare brukte.

Kontakt

Haugesund sjukehus Psykisk helsevern, Haugesund sjukehus

Kontakt Psykisk helsevern, Haugesund sjukehus

Oppmøtestad

Avdeling for psykisk helsevern, Haugesund sjukehus, held til i 1. etasje.

Biologiske behandlingsformer (BBF) held til i 2. etasje på Haugesund sjukehus. Ta heisen opp og følg skilting til ECT/TMS poliklinikk. Opningstider (telefontider) er måndag-fredag kl. 08.00-15.30.

Sjølvbetent innsjekk og betaling - Helse Fonna HF

Haugesund sjukehus

Karmsundgata 120, 5528 Haugesund

Finn fram

Transport

Det er fleire busstopp like ved og i nærleiken av Haugesund sjukehus.

www.kystbussen.no - Ruteinformasjon for Kystbussen (Bergen-Stord-Haugesund-Stavanger)

www.kolumbus.no - Ruteinformasjon om lokalbussar i Rogaland

Praktisk informasjon

Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.

Parkeringshuset har tre ladeuttak.

Reserverte parkeringsplassar

Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.

Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.

Parkeringsavgift

Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på p-automatane.

Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.

Parkering i Haugesund sentrum

Sjå P-kart - Haugesund Parkering

Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.

På helsenorge.no finner du informasjon om timen din i innkallingsbrevet.

Apoteket ligg i første etasje, like bak resepsjonen.

Opningstider:

Måndag-fredag kl. 08.00-16.30.

Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.

Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det.

Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.

Kantina i 6.etasje er open for tilsette, pasientar og besøkande.

Opningstider:
Måndag - fredag kl. 09.30-15.30. Stengt helger og heilagdagar.

Pasientkantine i 4-og 5.etasje er kun open for pasientar.

Fleire av sengepostane har eigne spiserom med enkel sjølvbetening for inneliggande pasientar. Ta kontakt med di avdeling.

Det ligg ein Narvesen kiosk i 1.etasje

Opningstider:
Måndag - fredag kl. 06.30-21.00
Laurdag: 9.00-20.00
Søndag: 10.00-20.00

Ta med den faste medisinen du brukar. Det kan ta tid å få same medisin frå apoteket.

Dessverre kan tjuveri finne stad på sjukehuset. La verdisaker vere igjen heime.

Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

Ta med toalettsaker som tannbørste, tannkrem, kam, deodorant og eventuelt barbermaskin. Hugs også hjelpemiddel du er avhengig av: til dømes stokk, krykker, rullator og rullestol.

God hygiene er ein viktig faktor for å kunne gi god behandling til pasientane.

Legemiddelassistert rehabilitering (LAR)

Tilvising og vurdering

Før

Før Vis meir

Før oppstart med substitusjonsbehandling gjennomgår vi desse temaa med deg:

Under

Under Vis meir

Avslutte behandlinga

Etter

Etter Vis meir

Ver merksam

Kontakt

Haugesund sjukehus Psykisk helsevern, Haugesund sjukehus

Oppmøtestad

Haugesund sjukehus

Transport

Transport Haugesund sjukehus

Praktisk informasjon

Parkering Haugesund sjukehus

Reserverte parkeringsplassar

Parkeringsavgift

Parkering i Haugesund sentrum

Endring av time

Apotek Haugesund sjukehus

Foto og film

Kantine og kiosk Haugesund sjukehus

Kva bør du ha med til sjukehusopphaldet?