Vi tilrår at du alltid nyttar siste versjon av nettlesaren din.
LHRH-test – barn og unge
LHRH-test blir brukt i utgreiing av for tidleg pubertet. LHRH er eit hormon som stimulerer produksjonen av hormona som startar puberteten. LHRH-testen undersøker om nivåa dine av desse hormona er normale for alderen din.
Før
Det er ingen førebuingar til testen, du kan ete og drikke som vanleg.
Ta gjerne med lesestoff eller nettbrett, da det blir ein del venting i løpet av undersøkinga.
Under
Du får ein venekanyle i armen eller på handbaken når du kjem. Dette er eit lite plastrøyr som går inn i ei blodåre, som vi bruker både til å ta blodprøver og for å tilføre hormonstoffet. I dei fleste tilfelle er det altså nok med eitt stikk. Om du ønsker det, kan du få bedøvingskrem på huda før venekanylen blir lagd inn.
Det vil først bli tatt ei blodprøve, så tilfører vi LHRH og deretter blir det tatt blodprøver 3 gonger til i løpet av testen. Du må vere på undersøkingsrommet gjennom heile undersøkinga.
Dei fleste opplever ingen biverknader av testen, men nokon kan bli litt uvel ei lita stund.
Undersøkinga er over etter at siste blodprøve er gjennomført. Sjølve testen tar cirka 1,5 time, men du må rekne med å vere på sjukehuset i 2 timar.
Etter
Resultatet av testen er klart etter nokre veker. Legen som tilviste deg til LHRH-testen vil tolke resultatet og forklare deg meir, og informere om vidare oppfølging og tiltak.
Vår avdeling med sengepost og poliklinikk ligg i 3. etasje. Ta trappene eller heisen ved Narvesen. Du kjem rett til avdelinga når du går ut i 3. etasje.
Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.
Parkeringshuset har tre ladeuttak.
Reserverte parkeringsplassar
Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.
Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.
Parkeringsavgift
Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på p-automatane.
Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.
Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.
På helsenorge.no finner du informasjon om timen din i innkallingsbrevet.
Apoteket ligg i første etasje, like bak resepsjonen.
Opningstider:
Måndag-fredag kl. 08.00-16.30.
Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det.
Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.
Kantina i 6.etasje er open for tilsette, pasientar og besøkande.
Opningstider: Måndag - fredag kl. 09.30-15.30. Stengt helger og heilagdagar.
Pasientkantine i 4-og 5.etasje er kun open for pasientar.
Fleire av sengepostane har eigne spiserom med enkel sjølvbetening for inneliggande pasientar. Ta kontakt med di avdeling.
Ta med den faste medisinen du brukar. Det kan ta tid å få same medisin frå apoteket.
Dessverre kan tjuveri finne stad på sjukehuset. La verdisaker vere igjen heime.
Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.
Ta med toalettsaker som tannbørste, tannkrem, kam, deodorant og eventuelt barbermaskin. Hugs også hjelpemiddel du er avhengig av: til dømes stokk, krykker, rullator og rullestol.
God hygiene er ein viktig faktor for å kunne gi god behandling til pasientane.
