Meckels divertikkel scintigrafi, vaksne – nukleærmedisinsk undersøking av magen

• Det er svært viktig å lese innkallingsbrevet grundig, her får du informasjon som er viktig for undersøkinga. 

• Om du ikkje kan møte til timen, gi beskjed om dette så fort som mogleg. 

• Ta kontakt med oss dersom du er gravid, trur du kan vere gravid eller om du ammar, eller nettopp har vore til urografi eller CT med kontrast. I dei aller fleste tilfella skal da denne undersøkinga ikkje blir gjennomført. 

• Om du skal undersøke biskjoldkjertelen kan du ikkje ta undersøkinga om du dei siste 8 vekene har vore til CT-undersøking der du har fått intravenøs jodholdig kontrastvæske.  

Viktige førebuingar 

• Du skal faste minst 4  timar før undersøkinga. 

• Det er ofte nødvendig å ta medisinar for å hemme syreproduksjon i magesekken på førehand. Dette vil du få informasjon om i innkallingsbrevet. 

• Du bør ikkje ha gått gjennom tarmundersøkingar med bariumkontrast dei siste 48 timar før undersøkinga. 

• Ikkje ta med gravide eller små barn til undersøkinga 

• Ikkje ha på deg smykkar eller andre metallgjenstandar når du kjem til undersøking 

• Ta med informasjon om høgda og vekta di 

Det kan vere ulike medisinar du må slutte med før undersøkinga. Ver vennleg og les innkallingsbrevet nøye. 

Du får ein kanyle i armen der vi set dei ulike radioaktive stoffa undervegs i undersøkinga. 

Under undersøkinga ligg du på ein undersøkingsbenk som blir rett plassert i forhold til kameraet. Det er viktig at du ligg heilt stille for at kvaliteten på bilda skal bli bra. 

Vi tar ofte bilde i fleire omgangar, nokre gonger med ventetid i mellom. Når vi tar bilde kan det ta mellom 10 og 60 minutt kvar gong. 

Du får ein injeksjon med eit radioaktivt merkt stoff. Dette stoffet vil takast opp i slimhinna i magesekken din, og i Meckels divertikkel. 

Heile undersøkinga tar cirka 2-3 timar.  

Du får meir utfyllande informasjon undervegs på undersøkingsdagen. 

Du kan reise heim når undersøkinga er ferdig. 

Bilda skal etterbehandlast og granskast av legar ved nukleærmedisin. Vi sender svaret på undersøkinga til legen som har tilvist deg.