Vi tilrår at du alltid nyttar siste versjon av nettlesaren din.
Tappe væske frå lungene
Pleuratapping
Lungene ligg i kvar sin pose i brysthòla. Desse lungesekkane blir kalla pleura. Nokre pasientar kan få væske i pleura og det kan da vere behov for å tappe væska. Det blir gjort enten for å kartlegge årsaka til væskedanninga (diagnostisk tapping) eller for å lindre plagene som væska gir (terapeutisk tapping).
Før
Det kan vere at du må ta blodprøver før tappinga. Dersom du står på blodfortynnande medisin, vurderer legen om du skal stoppe med desse mellombels.
Førebuingar på sjukehuset
Ofte tar vi røntgenbilete av lungene før behandlinga.
Under
Mens du ligg eller sit i den stillinga som kjennest best, utfører legen ei ultralydundersøking for å sjå kor mykje væske det er og kor det er best tilgang til væska. Vi merkar innstikkstaden på huda di, og vaskar området rundt. Legen set lokalbedøving i huda og heilt inn til pleurahòla.
Nåla må førast inn mellom to ribbein. Når bedøvinga er sett, stikk legen ein tynn slange inn i pleurahòla. Slangen blir kopla til ei sugesprøyte og ein pose, slik at væska enten kan sugast opp aktivt med sprøyten, eller berre renne ned i posen. Når all væska er tømt, blir slangen trekt ut og stikkopninga plastra. Om det er mykje væske kan det bli nødvendig å la slangen ligge i ein eller fleire dagar. Du vil i så fall bli innlagt på sjukehuset.
Kor lenge varer inngrepet?
Varigheita av inngrepet er avhengig av kor mykje væske som skal tappast ut. Heile prosedyren tar ofte rundt 30 minutt.
Gjer det vondt?
Lokalbedøving blir gitt med ei sprøyte. Når bedøvinga er sett, er det vanlegvis ikkje vondt å få sett inn slangen i pleurahòla. På slutten av tappinga kjenner nokre pasientar eit sug i brystet, mens andre begynner å hoste eller opplever at dei ikkje får puste ordentleg. Dersom dette skjer, stoppar vi tappinga, sjølv om det skulle vere noko igjen. Plagene gir seg oftast raskt. Mange pasientar kjenner at pusten er bedre etter tapping.
Etter
Resultatet av tappinga merkar du som regel med ein gong ved at det blir lettare å puste, men av og til tar det litt tid før pusten kjennest betre. Du kan ete og drikke rett etter inngrepet.
Oppfølging
Ofte tar vi prøver av væska for å finne ut kva slags væske det er. Prøvene blir sende til laboratoriet og patologen. Prøvesvara kjem i løpet av 1-5 dagar, avhengig av kva slags analyse det er.
Vi har felles ekspedisjonsluke med hjertepoliklinikken i 2. etasje. Dersom du tar heisen ved resepsjonen i 1. etasje, finn du luka vår i korridoren til høgre når du kjem ut av heisen.
Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.
Parkeringshuset har tre ladeuttak.
Reserverte parkeringsplassar
Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.
Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.
Parkeringsavgift
Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på p-automatane.
Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.
Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.
På helsenorge.no finner du informasjon om timen din i innkallingsbrevet.
Apoteket ligg i første etasje, like bak resepsjonen.
Opningstider:
Måndag-fredag kl. 08.00-16.30.
Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det.
Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.
Kantina i 6.etasje er open for tilsette, pasientar og besøkande.
Opningstider: Måndag - fredag kl. 09.30-15.30. Stengt helger og heilagdagar.
Pasientkantine i 4-og 5.etasje er kun open for pasientar.
Fleire av sengepostane har eigne spiserom med enkel sjølvbetening for inneliggande pasientar. Ta kontakt med di avdeling.
Ta med den faste medisinen du brukar. Det kan ta tid å få same medisin frå apoteket.
Dessverre kan tjuveri finne stad på sjukehuset. La verdisaker vere igjen heime.
Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.
Ta med toalettsaker som tannbørste, tannkrem, kam, deodorant og eventuelt barbermaskin. Hugs også hjelpemiddel du er avhengig av: til dømes stokk, krykker, rullator og rullestol.
God hygiene er ein viktig faktor for å kunne gi god behandling til pasientane.
