Vi tilrår at du alltid nyttar siste versjon av nettlesaren din.
Prostatahyperplasi
Prostatahyperplasi, godarta forstørring (hyperplasi) av prostata, blir vanlegvis betrakta som ein aldersavhengig tilstand, og er ein normal del av sjølve aldringsprosessen. Det medfører ei forsnevring av urinrøyret med redusert avløp/urinstråle. Behandlinga er vanlegvis kirurgisk inngrep eller medikamentell behandling.
Kun menn har prostata. Ettersom menn blir eldre, kan prostatakjertelen blir større. Dette kan forårsake plager, for eksempel nattlig vannlating. En forstørret prostata er vanligvis ikke et alvorlig helseproblem.
Det er fastlegen som viser deg til utgreiing ved mistanke om prostatahyperplasi. Tilvisinga blir vurdert av spesialist i urologi ved poliklinikken.
For at du skal få rask og god behandling er det viktig at fastlegen gjer dei nødvendige undersøkingane, og sender denne informasjonen om deg til poliklinikken.
Nødvendige undersøkingar hos fastlegen:
miksjonsliste for å registrere hyppigheita og måling av urinmengd
undersøkingar av urinprøve, eventuelt med dyrkingsresultat
Utgreiing
Når tilvisinga er vurdert får du innkalling til utgreiing og samtale med urolog.
Behandling
Kirurgisk behandling er nødvending ved total urinstopp, ved stor avløpshindring, hos pasientar med mykje rest-urin, og eventuell nyresvikt. Det kan også vere nødvendig dersom du er plaga med blærestein eller gjentekne urinvegsinfeksjonar.
I seinare tid er det også utvikla medikament som gjere det mogleg å påverke symptoma ved prostatahyperplasi. Den eine gruppa medikament verkar på hormonproduksjonen ved at prostatakjertelen skrumpar med cirka 30 prosent. Det fører til lettare vasslating, og mindre plager og symptom. Den andre medikamentgruppa som blir brukt ved hyperplasi motverkar samantrekkinga av muskulaturen i prostata og ved blærehalsen. Behandling fører til redusert motstand for vasslating, og symptoma dine blir mindre.
Det kan også vere nødvendig med blærekateter (slange til urinblæra) i ein overgangsperiode medan du ventar på operasjon eller at medikamenta skal verke.
Oppfølging
Somme pasientar blir innkalla til oppfølgjande konsultasjon ved poliklinikken, men dette er vanlegvis ikkje nødvendig. Dersom undersøking av prostatavev i mikroskop skulle vise kreft som ikkje var forventa, blir du kalla inn til samtale.
Du finn Urologisk poliklinikk i 1. etasje på Haugesund sjukehus. Vi er samlokalisert med kirurgisk poliklinikk. Ta kontakt med ekspedisjonen vår når du kjem.
Meld at du er komen via SMS-en du har fått, eller på automaten ved hovudinngangen til sjukehuset.
Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.
Parkeringshuset har tre ladeuttak.
Reserverte parkeringsplassar
Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.
Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.
Parkeringsavgift
Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på p-automatane.
Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.
Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.
På helsenorge.no finner du informasjon om timen din i innkallingsbrevet.
Apoteket ligg i første etasje, like bak resepsjonen.
Opningstider:
Måndag-fredag kl. 08.00-16.30.
Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det.
Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.
Kantina i 6.etasje er open for tilsette, pasientar og besøkande.
Opningstider: Måndag - fredag kl. 09.30-15.30. Stengt helger og heilagdagar.
Pasientkantine i 4-og 5.etasje er kun open for pasientar.
Fleire av sengepostane har eigne spiserom med enkel sjølvbetening for inneliggande pasientar. Ta kontakt med di avdeling.
Ta med den faste medisinen du brukar. Det kan ta tid å få same medisin frå apoteket.
Dessverre kan tjuveri finne stad på sjukehuset. La verdisaker vere igjen heime.
Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.
Ta med toalettsaker som tannbørste, tannkrem, kam, deodorant og eventuelt barbermaskin. Hugs også hjelpemiddel du er avhengig av: til dømes stokk, krykker, rullator og rullestol.
God hygiene er ein viktig faktor for å kunne gi god behandling til pasientane.
