Renografi med ACE-hemmar – nukleærmedisinsk undersøking av nyrene

• Det er svært viktig å lese innkallingsbrevet grundig, her får du informasjon som er viktig for undersøkinga.
• Om du ikkje kan møte til timen, gi beskjed om dette så fort som mogleg.
• Ta kontakt med oss dersom du er gravid, trur du kan vere gravid eller om du ammar, eller nettopp har vore til urografi eller CT med kontrast. I dei aller fleste tilfella skal da denne undersøkinga ikkje blir gjennomført.
• Om du skal undersøke biskjoldkjertelen kan du ikkje ta undersøkinga om du dei siste 8 vekene har vore til CT-undersøking der du har fått intravenøs jodholdig kontrastvæske.  

Viktige førebuingar 

• Du skal drikke godt med vatn før du møter til undersøkinga. Du vil også bli beden om å drikke noko vatn når du møter til undersøkinga.
• Ikkje ta med gravide eller små barn til undersøkinga
• Ikkje ha på deg smykkar eller andre metallgjenstandar når du kjem til undersøking
• Ta med informasjon om høgda og vekta di 

Det kan vere ulike medisinar du må slutte med før undersøkinga. Ver vennleg og les innkallingsbrevet nøye. 

Under undersøkinga ligg du på ein undersøkingsbenk som blir rett plassert i forhold til kameraet. Det er viktig at du ligg heilt stille for at kvaliteten på bilda skal bli bra. 

Du får ein kanyle i armen der vi set dei ulike stoffa undervegs i undersøkinga. 

Vi tar bilde i fleire omgangar, med ventetid imellom. Når vi tar bilde kan det ta mellom 10 og 60 minutt kvar gong. Av og til skal vi ta fleire rundar med bilde. 

Etter den første runden med bilde, vil du få ein blodtrykkssenkande tablett. Vi måler blodtrykket ditt undervegs. 

Du skal vente ei tid før vi kan ta neste bildeopptak. Før andre bildeopptak får du også meir drikke av oss. 

Du vil få meir utfyllande informasjon undervegs på undersøkingsdagen. 

Du kan reise heim når undersøkinga er ferdig.

Bileta skal etterbehandlast og granskast av legar ved nukleærmedisin. Vi sender svar på undersøkinga til legen som har tilvist deg.