Vi tilrår at du alltid nyttar siste versjon av nettlesaren din.
Røntgen av tjukktarm hos barn
Dette er ei røntgenundersøking der vi bruker kontrastmiddel for å framstille endetarm og tjukktarm.
Denne undersøkinga blir gjord for å kartlegge korleis tjukktarmen fungerer. Barnet får kontrastmiddel gjennom eit tynt kateter som blir ført inn i endetarmen.
Tilvising og vurdering
Tilvising blir send frå legen til barnet.
Før
Det er viktig at barn og unge som skal til undersøkinga, er godt førebudde. Vi anbefaler derfor at foreldre eller føresette les informasjonen nøye og forklarer barnet kva som skal skje.
Viktige førebuingar
For barn under 6 månader er det ikkje nødvendig med spesielle førebuingar.
For barn over 6 månader kan det vere nødvendig å tømme tarmen før undersøkinga. Les derfor innkallingsbrevet og eventuelt tømmingsregimet nøye.
Dersom han/ho bruker avføringsmiddel, kan det hende desse ikkje skal nyttast dei siste 24 timane før undersøkinga.
Under
Når røntgenbilda blir tatte, må barnet ligge på ryggen på eit undersøkingsbord og vere avkledd nedantil.
Vi startar med å føre eit tynt og mykt plastrøyr (kateter) forsiktig inn i endetarmen. Deretter fyller vi tarmen varsamt med kontrastvæske. Kontrastvæska er flytande og kan vere kvit eller gjennomsiktig. Den gjer at vi kan sjå tarmen på røntgenbilda, og er nødvendig for at undersøkinga skal bli god.
Barnet kan kjenne eit lett press i magen, og nokon kan føle at dei må på do. Bilda blir tatte mens barnet ligg på sida, på magen eller på ryggen. Det kan også vere nødvendig at barnet snur litt på kroppen undervegs, slik at vi får tatt bilde frå fleire vinklar.
Foreldre eller føresette kan vere med under heile undersøkinga. Gravide kan ikkje vere inne på røntgenrommet.
Sjølve undersøkinga varer vanlegvis i omtrent 30 minutt. Barnet kan reise heim rett etterpå.
Her er noko av utstyret vi kan bruke under undersøkinga.
Kontrasten vi bruker gjer at vi ser tjukktarmen på bilda.
Barnet blir liggande på eit bevegeleg bord med eit bevegeleg røntgenrøyr over seg. Han/ho kan ikkje ha på eigne klede mens vi utfører undersøkinga.
Foreldre/føresette kan vere med under heile undersøkinga. Dette er ein stor tryggleik for barnet.
Alle barn får med seg ein liten premie etter at vi er ferdige.
Alle foto: Sykehuset Østfold
Etter
Undersøkinga krev inga spesiell oppfølging. Bilda blir vurderte av ein røntgenlege og svaret blir sendt tilvisande lege.
Kystbussen har terminal i Leirvik sentrum, sjå www.kystbussen.no for ruteinformasjon. Herfrå går det lokalbuss til sjukehuset og DPS-et. Meir informasjon om rutetider for lokalbuss finn du på www.skyss.no.
Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.
Parkeringshuset har tre ladeuttak.
Reserverte parkeringsplassar
Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.
Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.
Parkeringsavgift
Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på p-automatane.
Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.
Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.
På helsenorge.no finner du informasjon om timen din i innkallingsbrevet.
Apoteket ligg i første etasje, like bak resepsjonen.
Opningstider:
Måndag-fredag kl. 08.00-16.30.
Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det.
Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.
Kantina i 6.etasje er open for tilsette, pasientar og besøkande.
Opningstider: Måndag - fredag kl. 09.30-15.30. Stengt helger og heilagdagar.
Pasientkantine i 4-og 5.etasje er kun open for pasientar.
Fleire av sengepostane har eigne spiserom med enkel sjølvbetening for inneliggande pasientar. Ta kontakt med di avdeling.
Ta med den faste medisinen du brukar. Det kan ta tid å få same medisin frå apoteket.
Dessverre kan tjuveri finne stad på sjukehuset. La verdisaker vere igjen heime.
Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.
Ta med toalettsaker som tannbørste, tannkrem, kam, deodorant og eventuelt barbermaskin. Hugs også hjelpemiddel du er avhengig av: til dømes stokk, krykker, rullator og rullestol.
God hygiene er ein viktig faktor for å kunne gi god behandling til pasientane.
Det er ikkje publikumsapotek på sjukehuset, men det er fleire apotek i og rundt Leirvik sentrum.
Måndag-sundag: 17.00-18.30
Det er eigne besøkstider og reglar for føde og barsel.
Inneliggande pasientar kan ta kontakt med helsepersonell ved si avdeling ved behov for nikotinprodukt.
Meld deg i ekspedisjonen ved hovudinngangen i 1. etasje når du kjem. Du kan betale i luka eller med Vipps.
Logg inn på helsenorge.no for å endre eller avbestille time. Dersom det er mindre enn to arbeidsdagar til timen din, må du kontakte kontaktsenteret vårt på telefon 52 73 90 00.
Pasientar med behov for overnatting kan ta kontakt med kontaktsenteret vårt på telefon 53 65 10 00. Du må gi beskjed i god tid på førehand.
Vi kan tilby rom med enkel standard i vårt hybelhus, som ligg ca. 50 meter frå sjukehuset. Rommet har telefonforbindelse med kirurgisk overvakingspost. Det har også ei ekstra seng dersom du har med deg pårørande.
I hybelhuset er det tilgang til felles kjøkken og bad. Har du behov for kveldsmåltid, må dette bringast med.
Du hentar nøklar i ekspedisjonen, som ligg rett ved hovudinngangen i 1. etasje på sjukehuset. Ekspedisjonen er betjent frå kl. 07.30 til 18.00 måndag til fredag. Kjem du etter kl. 18.00, kan du ringe på døra. Personalet vil då kome for å hjelpe deg.
