Vi tilrår at du alltid nyttar siste versjon av nettlesaren din.
Spinalhovudverk – blodlappbehandling
Postspinal hovudverk er ein hovudverk som oppstår etter spinal- eller epiduralbedøving, og han kan vere svært smertefull. I somme tilfelle kan vi sette ein blodlapp ved plagsam postspinal hovudverk. Dette gjeld spesielt nybakte mødrer som skal ta seg av eit nyfødd barn.
Postspinal hovudverk betrar seg ved å ligge i ro. Dei fleste spinalhovudverkane går over av seg sjølv i løpet av 1–3 veker ved hjelp av smertestillande og tilstrekkeleg væskeinntak.
Ved ein blodlapp set vi inn ei lita mengde av ditt eige blod mot det området spinal-/ epiduralbedøvinga blei lagd. Vi trur årsaka til hovudverken kjem av ei lita rift i hjernehinna slik at det siv ut litt væske (cerebrospinalvæske). Når vi set inn litt blod mot dette holet blir det danna eit koagel (som eit lite plaster) og lekkasjen stoppar opp. Hovudverken gir seg da etter nokre få minutt.
Tilvising og vurdering
Du blir som regel vist frå sengepost på sjukehuset, men fastlegen kan også tilvise for vurdering.
Fastlege må tilvise tilbake til behandlande avdeling som igjen kontaktar anestesilege. Viktig å utelukke differensialdiagnosar som bløding eller abscess. Infeksjonsprøver må takast og pasienten bør få væske og eventuelt fenazon-koffein.
Før
Du må ligge i ei seng.
Under
Du blir køyrd opp enten på intensiv- eller operasjonsavdelinga. Her vil anestesilege vaske ryggen din sterilt og dekke til. Så får du lokalbedøving i huda og vi gjer ein epiduralpunksjon (som om vi skulle legge epiduralbedøving). Anestesisjukepleiar legg så inn plastrøyr i blodåre på handa (venflon) og ut frå denne trekker vi 20–30 milliliter av blodet ditt. Dette blodet set anestesilegen inn i epiduralrommet.
Etter kvart vil du oppleve eit slags press i ryggen og da avsluttar anestesilegen injeksjonen. Hovudverken vil ofte gi seg av i løpet av nokre minutt. Du får beskjed om sengeleie dei to–tre første timane, slik at koagelet får tid til å stabilisere seg.
Etter
Du skal ligge på rygg i senga dei første to–tre timane. Deretter kan du bevege deg fritt. Dei første to–tre døgna etter behandlinga skal du ta det med ro og ikkje trene. Skulle du i løpet av nokre dagar utvikle ryggsmerter, feber eller aukande hovudverk må du ta kontakt med lege.
Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.
Parkeringshuset har tre ladeuttak.
Reserverte parkeringsplassar
Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.
Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.
Parkeringsavgift
Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på p-automatane.
Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.
Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.
På helsenorge.no finner du informasjon om timen din i innkallingsbrevet.
Apoteket ligg i første etasje, like bak resepsjonen.
Opningstider:
Måndag-fredag kl. 08.00-16.30.
Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det.
Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.
Kantina i 6.etasje er open for tilsette, pasientar og besøkande.
Opningstider: Måndag - fredag kl. 09.30-15.30. Stengt helger og heilagdagar.
Pasientkantine i 4-og 5.etasje er kun open for pasientar.
Fleire av sengepostane har eigne spiserom med enkel sjølvbetening for inneliggande pasientar. Ta kontakt med di avdeling.
Ta med den faste medisinen du brukar. Det kan ta tid å få same medisin frå apoteket.
Dessverre kan tjuveri finne stad på sjukehuset. La verdisaker vere igjen heime.
Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.
Ta med toalettsaker som tannbørste, tannkrem, kam, deodorant og eventuelt barbermaskin. Hugs også hjelpemiddel du er avhengig av: til dømes stokk, krykker, rullator og rullestol.
God hygiene er ein viktig faktor for å kunne gi god behandling til pasientane.
