Tarmbakterien Clostridioides difficile

Symptom

Denne bakterien fører i utgangspunktet ikkje til sjukdommar, men når du bruker antibiotika vil den normale tarmfloraen endre seg, og det kan bli ei oppblomstring av denne bakterien. Bakterien produserer gifter som kan gi diaré, magesmerter og feber. Av og til kan det utvikle seg til ein alvorleg tarmbetennelse. Det beste rådet er å vaske hende nøye og ofte.

Vi behandlar Clostridioides difficile med antibiotika. Sjølv med behandling, kan du bli sjuk igjen.

Infeksjon med Clostridioides difficile førekjem vanlegvis berre hos personar som får antibiotika. Det er sjeldan at pårørande blir sjuke.

Diaré oppstår i dei fleste tilfella først når ein person som er smitta i tillegg får antibiotika. Derfor er det spesielt viktig å hindre smitte i sjukehus. Når du er på sjukehuset, er det viktig at du vaskar hendene grundig med såpe og vatn.

På sjukehuset vil du få einerom og eige toalett. Dei som møter deg, har smittefrakk og hanskar. Vi samlar skittentøy i ein eigen gul sekk på rommet.

I utgangspunktet må du vere på rommet heile tida. Du kan spørje om å få lov til å forlate rommet. Du kan få besøk, men dei som besøker deg må følge alle reglane som står her.

Dei som besøker deg, MÅ:

• kontakte personalet før dei går inn på pasientrommet
• kontakte personalet om dei må på toalettet
• ha på seg smittefrakk og hanskar
• vaske hendene grundig når dei går ut av rommet

Dei som besøker deg, MÅ IKKJE:

• ikkje bruke personlege eigedelar (for eksempel mobiltelefon) i pasientrommet.
• ikkje ha med mat og drikke
• ikkje sitte i pasientsenga
• ikkje røre maten på sengeposten
• ikkje ete eller drikke i pasientrommet, i kafeen eller kantina
• ikkje bruke toalettet på pasientrommet
• ikkje besøke andre pasientar

Be personalet om meir informasjon. Det finst to brosjyrar, éin brosjyre med informasjon til pasientar og éin brosjyre med informasjon til besøkande.

I dei fleste tilfelle vil diareen ha betra seg eller gått heilt over innan du drar heim. Når du ikkje har diaré er det også mindre sannsynleg at du smittar andre.

Når du har komme heim, kan du leve som normalt, men du må framleis vere nøye med hygienen, for å hindre smitte.

• Du og dei du bur saman med må vaske hendene ofte, spesielt etter toalettbesøk, før matlaging og måltid.
• Kvar person må ha eigne handkle og vaskeklutar.
• Om du har diaré, skal du ha minst mogleg kontakt med andre menneske og unngå å lage mat til andre.
• Bruk eige toalett dersom det er mogleg.
• Vask undertøy, handkle og sengetøy på minst 60 grader.
• Om du har kontakt med helsetenesta innan fjorten dagar etter diaré, må du informere dei om at du har hatt Clostridioides difficile.