Vi tilrår at du alltid nyttar siste versjon av nettlesaren din.
Tvilling (sacralcyste)
Dette er ein betennelse som startar i hår- og talgkjertlar i midtlinja der ryggen går over i "rumpesprekken". Med tida dannar det seg ein byll (abscess) i dette området. Tilstanden kan vere vanskeleg å behandle. Mange opplever at tilstanden stadig kjem tilbake. Sjukdommen forsvinn som regel av seg sjølv og er sjeldan hos personar over 40 år.
Tilstanden har fleire nemningar, som pilonidalcyste og sakralcyste. På folkemunne blir han ofte kalla "tvilling".
Sjukdommen er ikkje uvanleg. Sjukdommen finst oftast blant unge vaksne i alderen 15–30 år, og han er klart hyppigare blant menn enn blant kvinner.
Tilstanden oppstår etter puberteten, då auka utskiljing av kjønnshormon påverkar hårvekst og talgproduksjon. Fordi det er tett og trongt i området har det lett for å utvikle seg lokale betennelsar og danning av byllar.
Symptom
I starten kjennest området ømt. Etter kvart oppstår tydelege teikn på infeksjon: Hevelse, lokal varme, raudleik og ømheit. Byllen kan sprekke av seg sjølv. Hos personar som har hatt dette lenge, vil det kunne sive væske ut av fistelopningane i periodar. Ved utilstrekkeleg behandling vil betennelsen støtt og stadig kunne ta seg opp igjen, og ein må fleire gonger til lege for å få tømt ut verk frå byllen.
Utgreiing
Ved undersøking finst forandringar i betennelsen og fistelopningar øvst i rumpesprekken. Desse opningane kan vere både i midtlinja og noko ut til sidene.
Behandling
Det finst ulike behandlingsmåtar og behandlinga avheng av i kva fase betennelsen er. Du har rett til å vere med å bestemme, og vi tek avgjerda saman med deg. Dette kallar vi samval.
Samval inneber at du mottek informasjon om fordelar og ulemper ved dei ulike alternativa. Så kan du saman med helsepersonell sjå desse opp mot kvarandre, ut ifrå kva som er viktig for deg.
Her er tre spørsmål du kan stille din behandlar:
Kva alternativ har eg?
Kva fordelar og ulemper er moglege ved desse alternativa?
Kor sannsynleg er det at eg vil oppleve nokre av desse?
Du bør dusje kvar dag og då bruke såpe med låg pH (til dømes Lactacyd), eventuelt såpe med eddik (til dømes Optima hudvask).
Bruk eige handkle til underlivet, då det kan liggje blod- og andre sekretrestar i rumpesprekken.
Skift undertøy dagleg.
Dusj etter trening og fysisk hardt arbeid og ta på reint og tørt undertøy.
Det er lurt å vaske nye klede før bruk (for å fjerne eventuelle lause tekstilfibrar som kan leggje seg i rumpesprekken).
Det er svært viktig at eventuelle lause hår blir fjerna, og det blir tilrådd å fjerne (barbere) hår i området. Ikkje bruk barberhøvel, då denne kan lage fleire sår, men bruk klippemaskin.
Denne behandlinga er ikkje alltid nok. Ofte blir det danna fleire små fistelgangar (kanalar under huda som ikkje gror). Då kan det være nødvendig med ein operasjon.
Oppfølging
Problemet kan komme tilbake igjen, sjølv etter grundig kirurgi. Det kan derfor vere nødvendig med fleire operasjonar. Ved behov for nye operasjonar er det sannsynlegvis viktig at ein blir behandla på ei avdeling som har erfaring med denne typen inngrep.
I dei fleste tilfelle er tilstanden så ubehageleg og plagsam at dei fleste ønske ei aktiv behandling.
Kystbussen har terminal i Leirvik sentrum, sjå www.kystbussen.no for ruteinformasjon. Herfrå går det lokalbuss til sjukehuset og DPS-et. Meir informasjon om rutetider for lokalbuss finn du på www.skyss.no.
OBS: Ved søk i reiseplanleggaren må du skrive «Fylkessjukehuset» dersom du skal til/frå Stord sjukehus eller Stord DPS, då dette er Skyss sitt haldeplassnamn for dette busstoppet.
Praktisk informasjon
Det er ikkje publikumsapotek på sjukehuset, men det er fleire apotek i og rundt Leirvik sentrum.
Måndag-sundag: 17.00-18.30
Det er eigne besøkstider og reglar for føde og barsel.
Nærmaste daglegvare er Spar Ådland, Olvikvegen 52, 5416 Stord. 1.5 km med bil, 500 m til fots på gangsti bak ambulansestasjonen.
Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det.
Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.
Publikumskantine finn du i underetasjen.
Opningstider:
Måndag-fredag kl. 11.00-14.00. Det er stengt i helger og på heilagdagar.
Ta med den faste medisinen du brukar. Det kan ta tid å få same medisin frå apoteket.
Dessverre kan tjuveri finne stad på sjukehuset. La verdisaker vere igjen heime.
Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.
Ta med toalettsaker som tannbørste, tannkrem, kam, deodorant og eventuelt barbermaskin. Hugs også hjelpemiddel du er avhengig av: til dømes stokk, krykker, rullator og rullestol.
God hygiene er ein viktig faktor for å kunne gi god behandling til pasientane.
Det er ikkje minibank ved sjukehuset. Nærmaste minibank Stord sjukehus: Sparebanken Vest, Leirvik sentrum.
Parkeringsplass for pasientar og besøkande ligg like utanfor sjukehuset, det er kort avstand for gåande. Parkering mot avgift.
Det er innført skiltgjenkjenningssystem på Stord sjukehus. Du får tilsendt faktura frå ParkPay etter inn- og utkøyring.
Pris for å parkere er 25 kroner i timen. Makspris for eit døgn er 155 kroner.
Det er mogleg å køyre heilt fram til hovudinngangen for å sleppe av passasjerar ved behov.
