Vi tilrår at du alltid nyttar siste versjon av nettlesaren din.

Ultralydundersøking av barn

Dette er ei undersøking der vi bruker ultralyd for å stille diagnose eller kartlegge sjukdom.

Under undersøkinga bruker legen eit utralydapparat. Apparatet har ein liten probe som blir ført over huda. Det blir brukt gelé på området som skal undersøkast.

Undersøkinga er ikkje smertefull.

Tilvising og vurdering

Det er legen til barnet som sender tilvisinga.

Før

Det er viktig at barn og unge som skal til ultralyd er godt førebudde. Vi anbefaler at du som forelder/føresett les informasjonen nøye og forklarer barnet kva som skal skje. Informasjon og samtale bidrar til tryggleik hos barnet.

Viktige førebuingar

Nokre ultralydundersøkingar krev førebuingar. Det er viktig at desse blir følgde for at undersøkinga skal bli best mogleg.

  • Barn over 2 år skal ikkje ete dei siste 4 timane før undersøkinga, men kan drikke vatn.
  • Barnet skal drikke litt ekstra vatn/saft, tilsvarande cirka 2 glas, 15-20 minutt før undersøkinga.
  • Barnet skal helst ikkje tisse den siste timen før undersøkinga.

Viss det blir ventetid før barnet kjem inn til undersøkinga, og barnet opplever sterk vasslatingstrong, si i frå i ekspedisjonen.

Ingen spesielle førebuingar. Undersøkinga varer i 15-30 minutt.

Under

Barnet ligg vanlegvis på ein benk under undersøkinga. Området som skal undersøkast, må vere avkledd. For å kunne lage gode bilde må det vere god kontakt mellom huda og proben. Derfor smør vi gelé på huda. Geléen blir varma opp på førehand, men kan kjennast litt våt og klissete.

Undersøkinga blir utført i eit ganske mørkt rom.

Proben blir ført fram og tilbake over området som skal undersøkast, samtidig som det blir tatt bilde. Undersøkinga gjer ikkje vondt, men det kan av og til opplevast litt ubehageleg dersom vi må trykke litt ekstra med proben for å få betre innsyn.

Vi tar fleire bilde, og det er viktig at barnet ligg roleg slik at bilda blir gode og tydelege.

I nokre tilfelle er det aktuelt å måle stivleiken i eit organ, for eksempel levra, ved hjelp av ultralydelastografi. Denne tilleggsundersøkinga varer i 3–5 minutt og har ingen kjente biverknader.

Foreldre eller føresette kan vere med under heile undersøkinga.

Sjølve undersøkinga varer vanlegvis 10 til 30 minutt, avhengig av kva område som skal undersøkast. Barnet kan reise heim rett etterpå.

For å sikre ro og god kvalitet ser vi helst at søsken ikkje følger med til undersøkinga.

Ultralydprobe med gele. Bilde
Ved ultralydundersøkinga bruker vi ein gelé og ein ultralydprobe. Denne geleen blir varma opp på førehand, men kan kjennast litt våt og klissete på huda.

 

Jente med ultralydprobe på magen. BIlde

Ved å føre dette ultralydprobeinet over det området av kroppen vi ønskjer å undersøkje, får vi bilete på ein skjerm som legen kan sjå på.

 

Radiolog og barn - ultralydundersøkelse. Bilde

Dersom det er ønske om det, kan vi forklare litt om bileta undervegs.

 

Radiolog forklarer bilde på skjerm. Bilde

Foreldre/føresette kan vere med under heile undersøkinga. Dette er ein stor tryggleik for barnet.

Alle foto: Sjukehuset Østfold

Etter

Undersøkinga krev inga spesiell oppfølging. Bilda blir vurderte av ein røntgenlege, og svaret blir sendt til tilvisande lege.

Sist faglig oppdatert 16.02.2026

Kontakt

Haugesund sjukehus Barn og ungdom poliklinikk

Kontakt Barn og ungdom poliklinikk

Oppmøtestad

Du finn oss i 3. etasje på Haugesund sjukehus. Ta trappene eller heisen ved Narvesen kiosken i 1. etasje for å kome til oss. Då kjem du rett til avdelinga vår i 3. etasje. Meld deg i skranken vår når du kjem.

Sjølvbetent innsjekk og betaling - Helse Fonna HF 

Besøkstider

  • I dag 17:00 - 18:30
En høy vinkel av en bygning

Haugesund sjukehus

Karmsundgata 120

5528 Haugesund

Finn fram

Transport

Det er fleire busstopp like ved og i nærleiken av Haugesund sjukehus.

www.kystbussen.no - Ruteinformasjon for Kystbussen (Bergen-Stord-Haugesund-Stavanger)

www.kolumbus.no - Ruteinformasjon om lokalbussar i Rogaland

Praktisk informasjon

Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.

Parkeringshuset har tre ladeuttak.

Reserverte parkeringsplassar

Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.

Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.

Parkeringsavgift

Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på  p-automatane. 

Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.​

Parkering i Haugesund sentrum

Sjå P-kart - Haugesund Parkering

 

Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.

På helsenorge.no finner du informasjon om timen din i innkallingsbrevet.

Apoteket ligg i første etasje, like bak resepsjonen.

Opningstider:

Måndag-fredag kl. 08.00-16.30.

Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
 
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det. 

Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.​

​Kantina i  6.etasje er open for tilsette, pasientar og besøkande.

Opningstider:
Måndag - fredag kl. 09.30-15.30. Stengt helger og heilagdagar.

Pasientkantine i 4-og 5.etasje er kun open for pasientar.

Fleire av sengepostane har eigne spiserom med enkel sjølvbetening for inneliggande pasientar. Ta kontakt med di avdeling.

Det ligg ein Narvesen kiosk i 1.etasje

Opningstider:
Måndag - fredag kl. 06.30-21.00
Laurdag: 9.00-20.00
Søndag: 10.00-20.00 




​​​​​​​​​Ta med den faste medisinen du brukar. Det kan ta tid å få same medisin frå apoteket.

Dessverre kan tjuveri finne stad på sjukehuset. La ​verdisaker vere igjen heime.

Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

Ta med toalettsaker som tannbørste, tannkrem, kam, deodorant og eventuelt barbermaskin. ​Hugs også hjelpemiddel du er avhengig av: til dømes stokk, ​krykker, rullator og rullestol.

God hygiene er ein viktig faktor for å kunne gi god behandling til pasientane.