Habilitering - Utviklingshemming hos voksne

Før du møter til utgreiing hos oss, er det fint om at ein som kjenner deg godt tenker gjennom kva som er aktuelt om utvikling og funksjon når det gjeld

• språk, kommunikasjon og samhandling
• minne, merksemd, læring og forståing
• rørsle/motorikk
• aktivitetane til dagleglivet (som å ete, kle på deg, søvn og fritidsaktivitetar)

Informasjon om utviklingshistoria di er viktig for utgreiinga. Vi vil derfor at ein som kjenner deg godt blir med deg til avtalen. Vi vil også stille spørsmål om sjukdommar og tidlegare sjukehusopphald.

Utgreiinga vil blant anna bestå av testar, for eksempel evnetestar. Det er derfor viktig at du er førebudd på å gjere oppgåver når du kjem til HAVO.

Møtet med HAVO kan skje på sjukehuset, i kommunen din eller heime hos deg.

Møtet startar med at vi gir deg informasjon om kva som skal skje og kven du møter. Som regel vil du møte fagpersonar med ulik bakgrunn, for eksempel for eksempel lege og psykolog.

Utgreiinga er sett saman av samtalar, observasjonar og undersøkingar. Heile eller delar av utgreiinga kan bli gjennomført der du bur.

I løpet av utgreiinga kan det komme fram behov for å gjennomføre undersøkingar ved andre avdelingar i sjukehuset. Habiliteringstenesta for vaksne tilviser deg vidare.

Det er kommunen/bydelen du bur i som har ansvar for vidare tiltak og tilrettelegging. I tillegg kan det vere behov for oppfølging frå HAVO i kortare eller lengre periodar. Behovet for oppfølging blir vurdert i samråd med deg og dei som har ansvar for tilbodet i kommunen/bydelen.

Det blir utarbeidd ein rapport som samanfattar utgreiinga. Om det er behov for vidare oppfølging i HAVO, står det i rapporten. Den blir send både til deg og den som har tilvist deg til utgreiinga.