Vi tilrår at du alltid nyttar siste versjon av nettlesaren din.
Væskeansamling rundt testikkelen hos barn (vannbrokk)
Væskesamling rundt éin eller begge testiklane er i utgangspunktet ein ufarleg tilstand, men kan gi ubehag hos barn dersom vassbrokket blir stort. Det blir som oftast oppdaga hos spedbarn, og forsvinn før 3-årsalderen utan behandling.
Mellom magen (bukhola) og pungen er det ein tynn kanal som normalt lukkar seg like før eller etter fødselen, men som hos nokon held fram med å vere open. Då kan det sive væske ned i pungen frå bukhola som legg seg ved sida av testiklane. Som oftast gir ikkje vassbrokk plager, men det kan vere aktuelt med operasjon ved ubehag eller skjemmande forandringar. Ein opererer nesten aldri før 3 års alder, og operasjonen blir då gjord dagkirurgisk.
Før
Det er viktig med god hygiene før operasjonen, for å førebyggje infeksjon. Barnet bør derfor dusje på operasjonsdagen. Trekk forhuda tilbake så godt det lèt seg gjere, for god reingjering.
Under
Operasjon av vassbrokk blir gjord på ulike måtar, blant anna avhengig av alderen på barnet. Hos dei små barna går vi vanlegvis inn med eit lite snitt i lysken og finn kanalen frå bukhola som blir stengd av (blir underbundne) og delte, før vi tømmer vassbrokket.
Hos dei større barna finn vi ikkje alltid ein tilsvarande kanal, og vi fjernar derfor den væskefylte utposinga i pungen. Vi går anten gjennom eit snitt i lysken eller med eit lite snitt i pungen. Såret blir lukka med tråd i huda. Vi bruker tråd som løyser seg opp sjølv og set klistrelappar (steristrips) over, som også er med på å halde såret fint saman.
Etter
Det kan blir noko hevelse i pungen og lysken etter operasjonen, men dette forsvinn etter kvart.
Intimstell
God hygiene er viktig for å unngå betennelse. Barnet kan dusje dagen etter operasjonen, men bør vente 3–4 dagar med å bade i badekar. Dersom barnet har bandasje, kan denne takast av og eventuelt skiftast etter bading. Steristrips kan sitje på til dei fell av. Bandasjen skal skiftast så lenge det siv sårvæske frå såret, og kan fjernast etter 8–10 dagar.
Smertestillande
Dersom barnet har smerter etter operasjonen, kan det få Paracetamol etter dosering på pakken. Ved allergi bør du kontakte lege.
Barnet kan sjølv bestemme fysisk aktivitet, men bør til dømes ikkje sykle. For nokre barn kan det vere greitt å vere borte frå skulen/barnehagen eit par dagar, og for skulebarn kan det vere aktuelt med 3–4 veker fri frå gymnastikk.
Ver merksam
Dersom barnet får aukande hevelse, smerte, raudt sår og/eller feber, må de kontakte lege. Som regel kan de kontakte avdelinga på sjukehuset som barnet blei skrive ut frå, alternativt fastlegen eller legevakt.
Du finn Urologisk poliklinikk i 1. etasje på Haugesund sjukehus. Vi er samlokalisert med kirurgisk poliklinikk. Ta kontakt med ekspedisjonen vår når du kjem.
Meld at du er komen via SMS-en du har fått, eller på automaten ved hovudinngangen til sjukehuset.
Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.
Parkeringshuset har tre ladeuttak.
Reserverte parkeringsplassar
Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.
Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.
Parkeringsavgift
Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på p-automatane.
Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.
Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.
På helsenorge.no finner du informasjon om timen din i innkallingsbrevet.
Apoteket ligg i første etasje, like bak resepsjonen.
Opningstider:
Måndag-fredag kl. 08.00-16.30.
Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det.
Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.
Kantina i 6.etasje er open for tilsette, pasientar og besøkande.
Opningstider: Måndag - fredag kl. 09.30-15.30. Stengt helger og heilagdagar.
Pasientkantine i 4-og 5.etasje er kun open for pasientar.
Fleire av sengepostane har eigne spiserom med enkel sjølvbetening for inneliggande pasientar. Ta kontakt med di avdeling.
Ta med den faste medisinen du brukar. Det kan ta tid å få same medisin frå apoteket.
Dessverre kan tjuveri finne stad på sjukehuset. La verdisaker vere igjen heime.
Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.
Ta med toalettsaker som tannbørste, tannkrem, kam, deodorant og eventuelt barbermaskin. Hugs også hjelpemiddel du er avhengig av: til dømes stokk, krykker, rullator og rullestol.
God hygiene er ein viktig faktor for å kunne gi god behandling til pasientane.
