Logg inn
Logg inn i Checkware via ID-Porten. Du brukar elektronisk ID som BankID eller Buypass.
Slik fungerer det
Nokre pasientgrupper som blir følgde opp innan medisinske eller kirurgiske fagområde i Helse Fonna, kan registrere informasjon om eiga helse i ein digital nettportal.
Digital sjølvregistrering gjer det enklare for deg å gi nødvendig informasjon til sjukehuset i samband med utgreiing, behandling og oppfølging. Helsepersonell kan dermed planleggje behandlinga di på førehand, og vurdere om det er behov for at du møter på sjukehuset.
Du får ein SMS med innloggingslenke til den digitale løysinga. Du loggar inn via ID-porten med elektronisk ID. Opplysningane blir lagra på ein sikker måte og lagd inn i journalen din.
Treng du akutt hjelp, må du kontakte legevakten eller ringe 113.
Dette skjer før du startar
Du får tilbod om oppfølging ved hjelp av digital sjølvregistrering når du har ordinær time på poliklinikk eller i samband med anna opphald på sjukehuset.
Dette skjer undervegs
Du får ein tekstmelding når det er tid for å svare på spørsmåla i sjølvregistreringa. Du kan logge inn via mobiltelefon, nettbrett eller PC.
Etter innlogging kjem du direkte til spørsmåla. Når du er ferdig, trykkjer du på "Lever". Deretter får du ei tilbakemelding som viser resultatet.
Når det er tid for ei ny sjølvregistrering, får du eit nytt varsel på SMS.
Dette skjer etterpå
Når du har levert svara dine, blir dei vurderte av helsepersonell. Svara dine gir helsepersonell eit betre grunnlag for å tilpasse eventuell vidare oppfølging.
Dersom du ikkje lenger ønskjer å bruke tilbodet om digital sjølvregistrering, kan du kontakte avdelinga der du får behandling.