Søvnbehandling

Søvnbehandlinga er eit rettleidd, internettbasert behandlingsprogram basert på kognitiv åtferdsterapi for insomni (KAT‑I). Programmet består av sju kapittel som blir gjennomførte kvar veke. På tvers av kapitla lærer deltakarane ferdigheiter knytte til søvnregulering, handtering av sovemedisinar, bekymring og stress, samt førebygging av tilbakefall. Programmet blir gjennomført over totalt sju veker, med inntil ni veker tilgjengeleg for fullføring. 

Programmet er basert på eitt rettleidd internettbasert behandlingsprogram utvikla og testa ved Karolinska Institutet og i psykiatrien i Sverige. Programmet er teke i bruk i Sverige og har vist gode effektar på søvna til pasientane. Programmet er tilpassa eBehandlings-tilbodet og brukermedverknad har vore sentralt i utviklingsprosessen. Føremålet med forskinga er å sjekke at programmet i den tilpassa forma har forventa effektar på søvna til pasientane. 

Kven passar søvnbehandlinga for?

Søvnbehandlinga er utvikla for vaksne med insomni, det vil seie vanskar med å sovne, halde seg sovande eller vakne for tidleg, som oppfyllar kriteria for rett til helsehjelp i spesialisthelsetenesta. 

Sidan behandlinga per i dag berre blir tilbydd som del av ein pågåande forskingsstudie, føreset deltaking at følgjande inklusjonskriterium er oppfylte: 

• Du må vere 18 år eller eldre 
• Ha insomnidiagnose eller vedvarande søvnvanskar foreinlege med insomni 
• Høyre til Helse Fonna sitt opptaksområde 
• Kunne lese og skrive norsk 
• Ha tilgang til datamaskin, smarttelefon eller nettbrett og internett 

Du kan ikkje delta i studien dersom du har behov for samtidig behandling for alvorleg psykisk liding, til dømes bipolar liding, psykose, pågåande rusmisbruk eller aktive sjølvmordstankar tanker og -planar. 

Korleis søkjer eg om å delta i denne studien?

Dersom du ønskjer å delta i studien og søkje plass i søvnbehandlinga, kan du gjere dette på følgjande måtar: 

• Be fastlegen din om å tilvise deg til søvnbehandlinga i eBehandling ved Haugaland DPS, Stord DPS eller Folgefonn DPS.
• Be behandler ved DPS om å tilvise deg til søvnbehandlinga i eBehandling ved Haugaland DPS, Stord DPS eller Folgefonn DPS.

I nokre delar av Noreg kan du søkje om eBehandling via Helsenorge.