Avbestilling av time/om du ikke møter
På helsenorge.no kan du sjå timeavtalane dine og sende melding til avdelinga du har time hos.
Her kan du:
- Få oversikt over timeavtalane dine
- Stille spørsmål om timen
- Be om å endre eller avbestille timen
- Gi beskjed om at du ønskjer å avslutte behandlinga
- Sjå status på tilvisinga di (gjeld ikkje røntgen)
- Sende melding til avdelinga du har time hos (ikkje røntgen)
Du får svar på meldingane dine innan to arbeidsdagar.
Framleis brev i posten
Denne sida erstattar ikkje innkallingsbrevet du får i posten. Vi oppmodar deg til å lese brevet nøye.
Har du ikkje tilgang til helsenorge.no?
Dersom du ikkje ønskjer å nytte helsenorge.no, kan du ta direkte kontakt med avdelinga du er kalla inn til.
Endre timeavtale
Når du har fått rett til helsehjelp i spesialisthelsetenesta, får du tilbod om time. Dersom du ikkje kan møte til timen, ta kontakt så snart som mogleg. Det er mange andre pasientar som også ventar på time.
Ver merksam på at du må rekne med lengre ventetid dersom du endrar timeavtalen.
Dersom du avbestiller timen eller ikkje møter, kan ikkje sjukehuset garantere at du får helsehjelp innan den fristen du har fått.
Innsyn for pårørande
Har du barn under 12 år som bur på same folkeregistrerte adresse som deg, kan du få innsyn i timane deira på helsenorge.no. Du loggar deg inn på vanleg måte. Øvst på sida finn du ein nedtrekksmeny der du kan velje namnet til barnet. Når du klikkar på namnet, får du oversikt over timeavtalane til barnet.
Pasientgebyr for manglande oppmøte/avbestilling
Ved manglande oppmøte eller avbestilling av time, blir du belasta gebyr etter gjeldande takstar.
På helsenorge.no finn du informasjon om eigenandeler og pasientgebyr ved manglande oppmøte