Hei, du må oppdatere nettleseren din for å kunne besøke oss.

Sjukehusprest

Det er låg terskel for å ta kontakt med prestetenesta i Helse Fonna. Vi tilbyr samtalar for pasientar, pårørande og tilsette – for deg som treng nokon å snakke med om tankar, kjensler og opplevingar. Hos oss kan du dele det som er viktig for deg, i ein trygg samtale med teieplikt – utan journalføring.

Våre oppgåver 

Samtaler 

  • i glede, sorg, kvardag og kriser 
  • om livsspørsmål, tru og meining – uavhengig av kulturell bakgrunn 
  • om personlege eller familiære forhold 

Ritualer og kyrkjelege handlingar 

  • avskjeds- og minnestunder 
  • nattverd, forbøn, velsigning og skriftemål 
  • bibelord og salmesong 
  • dåp og vigsel 
  • lystenning 

Meir om tenestene våre

Vi tilbyr undervisning til tilsette i eksistensielle tema. Sjukehuspresten blir nytta på fagdagar, i internundervisning og i refleksjonsgrupper. 

Prestetenesta er ein ressurs og samarbeidspartnar for fagmiljø ved sjukehuset i spørsmål om åndeleg og eksistensiell omsorg, etikk og andre fagområde. Sjukehuspresten deltek i klinisk etikk-komité og i tverrfaglege behandlingsmøte.  

Vi tilbyr samtalar med pasientar for å støtte dei i livssituasjonen deira, og gir støtte til pårørande.  

Eit sjukehusopphald kan skape behov for samtale og nærvær. Vi gir støtte til pasientar og pårørande, og legg til rette for refleksjon og deling av opplevingar som kan vere vanskeleg å bere åleine. Du avgjer sjølv kva samtalen skal handle om.

Vi har ei sorggruppe for foreldre som har mista barn i mors liv og kort tid etter fødselen. Gruppa heiter Englebarna Haugalandet. 

Les meir om Englebarna - Helse Fonna HF 

Vi gir støtte og krisehjelp ved ulykker og plutselege dødsfall, og kan vere bindeledd til støtteapparat og institusjonar utanfor sjukehuset. 

Pasientar med anna tru eller livssyn enn Den norske kyrkja skal få kontakt med sitt trus- eller livssamfunn når dei ønskjer det. Vi hjelper med å formidle kontakt. 

Tilgjengelegheit og beredskap 

Vi har base på Haugesund sjukehus, men dekkjer alle lokasjonar i Helse Fonna – innan både fysiske og psykiske helsetenester.  DPS-ane får også jamleg besøk av oss.  

Sjukehusprestane har døgnvakt, og du kan få kontakt med oss gjennom avdelinga eller resepsjonen. 

Sjukehuspresten blir tilkalla for å støtte pårørande ved mindre og større ulykker, og alvorleg sjukdom. På fødeavdelinga er presten med når sorga rammar. Ved debriefing etter dramatiske hendingar er sjukehuspresten ein av støttespelarane. 

 

Om prestetenesta

Sjelesorg er hovudoppgåva til sjukehuspresten. Dette er samtalar av åndeleg og/eller eksistensiell karakter, der ein møter menneske med omsorg i den situasjonen dei står i.   

Gjennom teologisk utdanning, klinisk praksis og vidareutdanning i pastoral klinisk utdanning (PKU) har sjukehusprestane kompetanse og erfaring i sjelesorg.  

Tal frå Statistisk sentralbyrå (SSB) viser at eit stort fleirtal i Noreg høyrer til eit trus- og livssynssamfunn. Sjølv om kristne er i fleirtal, finst det eit mangfald. Ved behov kan prestetenesta formidle kontakt med andre trus- og livssynssamfunn, mellom anna via Samarbeidsrådet for tros- og livssynssamfunn (STL). 

Helsedirektoratet peikar på at åndelege og eksistensielle behov ofte blir aktualiserte ved alvorleg sjukdom. Kompetanse på dette området er viktig for å kunne gi heilskapleg omsorg. Spiritual care er ei internasjonal nemning for dette fagfeltet.  

Kjerneoppgåver 

  • Tilgjengelegheit: Mange samtalar skjer etter tilkalling, men også gjennom at prestane er til stades på avdelingar. Slik kan fleire få høve til den uplanlagde samtalen med nokon som har tid til å lytte. 
  • Kyrkjelege handlingar: Prestane tilbyr symbolhandlingar som lystenning, nattverd, dåp, vigsel, gravferd, forbøn og bibelord. For mange er dette viktige uttrykk for trøyst, håp og meistring.   
  • Undervisning og rettleiing: Sjukehusprestane held undervisning og leier refleksjonsgrupper for pasientar, pårørande og personale.  

Kontakt

Sentralbord

Slik finn du fram

Oppmøtestad

Sjukehuspresten møter deg der du er innlagt. Ta kontakt med oss direkte, via personalet på avdelinga eller ved å kontakte resepsjonen, telefon 52 73 20 00.

Sjukehusprestar:

En høy vinkel av en bygning

Haugesund sjukehus

Karmsundgata 120

5528 Haugesund

Finn fram
En bygning med et fjell i bakgrunnen

Odda sjukehus

Sjukehusvegen 10

5750 Odda

Finn fram
En bygning med trær og biler foran seg

Stord sjukehus

Tysevegen 64

5416 Stord

Finn fram
Et tre med en bygning i bakgrunnen

Valen sjukehus

Sjukehusvegen 23

5451 Valen

Finn fram

Det er fleire busstopp like ved og i nærleiken av Haugesund sjukehus.

www.kystbussen.no - Ruteinformasjon for Kystbussen (Bergen-Stord-Haugesund-Stavanger)

www.kolumbus.no - Ruteinformasjon om lokalbussar i Rogaland

​For informasjon om rutetilbod til Odda sjukehus, sjå skyss.no og kolumbus.no. For ekspressbuss, sjå www.nor-way.no.

Du kan ta kontakt med pasientreiser for informasjon om reiser til og frå offentleg godkjent behandling.

​Kystbussen har terminal i Leirvik sentrum, sjå www.kystbussen.no for ruteinformasjon. Herfrå går det lokalbuss til sjukehuset og DPS-et. Meir informasjon om rutetider for lokalbuss finn du på www.skyss.no.

​For informasjon om lokalbusstilbod og hurtigbåttilbod i Valen og Kvinnherad, sjå www.skyss.no.

Praktisk informasjon

​Det er ikkje publikumsapotek på sjukehuset, men det er fleire apotek i og rundt Leirvik sentrum.

Apoteket ligg i første etasje, like bak resepsjonen.

Opningstider:

Måndag-fredag kl. 08.00-16.30.

Det er ikkje apotekutsal ved sjukehuset. Næraste apotek ligg på Husnes. SPAR Valen har utsal av enkelte reseptfrie legemiddel.

Måndag-sundag: 17.00-18.30

Det er eigne besøkstider og reglar for føde og barsel.

Oppdatert informasjon finn du på sida om besøkstider

Viss du fått beskjed om å ta blodprøvar, kan du gå til laboratoriet i underetasjen (U-etasje) på Odda sjukehus.

Opningstider: kvardagar kl. 09.00-14.00

Trekk kølapp når du kjem.

Nokre pasientar/pasientgrupper blir prioritert for blodprøvetaking og vi ber om forståing for det. 

​Nærmaste daglegvare er Spar Ådland, Olvikvegen 52, 5416 Stord. 1.5 km med bil, 500 m til fots på gangsti bak ambulansestasjonen.

​Næraste daglegvare er Bunnpris, 700 meter frå sjukehuset. Adressa er Hjøllo 1, 5750 Odda.

​Næraste daglegvare er 0,7 km frå sjukehuset: SPAR Valen, Eplehagen 3, 5451 Valen.

Logg inn på helsenorge.no for å endre eller avbestille time. Dersom det er mindre enn to arbeidsdagar til timen din, må du kontakte kontaktsenteret vårt på telefon 52 73 90 00.

Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.

På helsenorge.no finner du informasjon om timen din i innkallingsbrevet.

Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
 
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det. 

Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.​

Meld deg i ekspedisjonen ved hovudinngangen i 1. etasje når du kjem. Du kan betale i luka eller med Vipps. 

​Kantina i  6.etasje er open for tilsette, pasientar og besøkande.

Opningstider:
Måndag - fredag kl. 09.30-15.30. Stengt helger og heilagdagar.

Pasientkantine i 4-og 5.etasje er kun open for pasientar.

Fleire av sengepostane har eigne spiserom med enkel sjølvbetening for inneliggande pasientar. Ta kontakt med di avdeling.

Det ligg ein Narvesen kiosk i 1.etasje

Opningstider:
Måndag - fredag kl. 06.30-21.00
Laurdag: 9.00-20.00
Søndag: 10.00-20.00 




​Kantina ligg i underetasjen (U-etasje).


Opningstider

Måndag-fredag kl. 10.00-12.30

​Publikumskantine finn du i underetasjen.

Opningstider:

Måndag-fredag kl. 11.00-14.00. Det er stengt i helger og på heilagdagar.

Kantina er open måndag til torsdag kl. 11.30-12.30. Kantina er stengt på fredagar. 
Måltid blir serverte på postane. 

​​​​​​​​​Ta med den faste medisinen du brukar. Det kan ta tid å få same medisin frå apoteket.

Dessverre kan tjuveri finne stad på sjukehuset. La ​verdisaker vere igjen heime.

Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

Ta med toalettsaker som tannbørste, tannkrem, kam, deodorant og eventuelt barbermaskin. ​Hugs også hjelpemiddel du er avhengig av: til dømes stokk, ​krykker, rullator og rullestol.

God hygiene er ein viktig faktor for å kunne gi god behandling til pasientane.

Pasientar med behov for overnatting kan ta kontakt med kontaktsenteret vårt på telefon 53 65 10 00. Du må gi beskjed i god tid på førehand. 

Vi kan tilby rom med enkel standard i vårt hybelhus, som ligg ca. 50 meter frå sjukehuset. Rommet har telefonforbindelse med kirurgisk overvakingspost. Det har også ei ekstra seng dersom du har med deg pårørande.

I hybelhuset er det tilgang til felles kjøkken og bad. Har du behov for kveldsmåltid, må dette bringast med.

Du hentar nøklar i ekspedisjonen, som ligg rett ved hovudinngangen i 1. etasje på sjukehuset. Ekspedisjonen er betjent frå kl. 07.30 til 18.00 måndag til fredag. Kjem du etter kl. 18.00, kan du ringe på døra. Personalet vil då kome for å hjelpe deg.

Du vil få faktura for overnatting på hybelhuset. 

Du kan ta kontakt med pasientreiser for informasjon om reiser til og frå offentleg godkjent behandling.

Alternativ overnatting i Odda

Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.

Parkeringshuset har tre ladeuttak.

Reserverte parkeringsplassar

Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.

Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.

Parkeringsavgift

Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på  p-automatane. 

Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.​

Parkering i Haugesund sentrum

Sjå P-kart - Haugesund Parkering

 

Parkering for pasientar og besøkande ligg på sjukehusområdet.
 
Du kan parkere på sørsiden av sjukehuset eller på østsiden/baksiden ved elven eller augelegekontoret. Der kan du parkere gratis.

Det er ikkje tilgjengelege ladestasjonar for lading av elbil.

Reserverte parkeringsplassar

Det er reservert plass for HC-parkering utanfor hovudinngangen. 

På parkeringsplassen sør for sjukehuset finn du reserverte plassar for blodgivarar. 

Hugs å legge parkeringsbeviset for desse plassane godt synleg i frontruta.

Parkeringsplass for pasientar og besøkande ligg like utanfor sjukehuset, det er kort avstand for gåande. Parkering mot avgift.
 
Det er innført skiltgjenkjenningssystem på Stord sjukehus. Du får tilsendt faktura frå ParkPay etter inn- og utkøyring. 
 
​Pris for å parkere er 25 kroner i timen. Makspris for eit døgn er 155 kroner.
 
Det er mogleg å køyre heilt fram til hovudinngangen for å sleppe av passasjerar ved behov. 
 

​Parkering for pasientar og besøknade ligg sentralt på sjukehusområdet. Parkering er gratis.

Sjukehusområdet er røykfritt.

Inneliggande pasientar kan ta kontakt med helsepersonell ved si avdeling ved behov for nikotinprodukt.

Slik gjer du:

1. Vel nettverket gjest.ihelse.net på din PC, mobil eller nettbrett
2. Opne nettlesaren og godta vilkår for bruk 

Bruk av trådlaust nett er gratis.
 
Innlogging er krav til sikkerheit i sjukehusnettverket og er same type løysing som er på flyplassar og​ hotell.

God surfing.