Statsråden vart imponert

Torsdag var statsråd Jan Christian Vestre på sitt første offisielle besøk i sin gamle heimby som helse- og omsorgsminister.  Det var såleis ikkje noko overrasking at det var Helse Fonna og Haugesund sjukehus som fekk æra av å få besøk. 

Statsråden og hans følgje fekk møte medarbeidarar på felles akuttmottak, laboratoria og lungeavdelinga på det halvanna time lange besøket. Her fekk han  informasjon om drift, nye løysingar, bruk av KI og korleis vi jobbar for å korte ned ventetida.  

I tillegg vart det diskutert utfordringar knytt til alt frå rekruttering og sjukefråvær til offentleg kontra private helsetenester. 

Det var ein engasjert og interessert statsråd, som stilte gode og relevante spørsmål, og som helsa på både medarbeidarar og pasientar han trefte rundt om i avdelingane. Han var imponert over det han fekk sjå, og kom me gode tilbakemeldingar. 

Statsråden kjem tilbake allereie om halvannan månad. Den 23. august skal Jan Christian Vestre leggje ned grunnstein på byggjetrinn 2 på Haugesund sjukehus.