Går ut av beredskap

Stengde vegar og svært stor fare for ras og flaum i Ullensvang, Sauda og Suldal gjorde at Helse Fonna tysdag kveld gjekk inn i grøn beredskap.

Det blei gjort tiltak prehospitalt for å sikre tilkomst av ambulansar på begge sider av Sørfjorden, og for å sikre forsvarleg bemanning på Odda sjukehus.

Det har vore gjort ein god jobb på mange område, særleg prehospitalt og ved Odda sjukehus. Svært god førebuing gjer at vi har hatt god kontroll heile tida.

Beredskapsleiinga bestemte difor torsdag ettermiddag å avslutte beredskapen for denne gong.

Tusen takk for innsatsen til alle involverte!