Stabile fødselstal i vår region
Men talet på fødslar i Helse Fonna-regionen er mykje lågare enn for nokre år sidan.
I fjor vart det registrert 1245 fødslar på Haugesund sjukehus, som er nøyaktig same talet som i 2022.
På Stord sjukehus har det dei to siste åra vore under 400 fødslar: 389 i 2022 og 393 i fjor. Aldri før har fødselstalet på Stord sjukehus vore under 400. Går vi ti år tilbake låg årleg fødselstal på rundt 500 på Stord sjukehus og rundt 1500 på Haugesund sjukehus.
![En person som bruker briller](/48d186/contentassets/bad4ea0251074942a75127228d378f56/fode-haugesund-2021---foto-eirik-dankel_5.jpg?width=1731&height=1154.577&quality=80&format=webp)
Følgjer trenden
– Med unntak av 2021, då det vart fødde fleire barn i heile landet i kjølvatnet av koronapandemien, har fødselstala vore nokså stabile i Helse Fonna dei siste åra, slår Sidsel Petrine Vetås fast. Ho er avdelingsleiar og jordmor ved Haugesund sjukehus.
Avdelingsleiar Isabel Solvang på Stord sjukehus kommenterer fødselstala slik:
– Vi følgjer trenden som elles i landet med gradvis nedgang. Unntaket er 2021.
Det totale fødselstalet i Helse Fonna har dermed, med unntak av 2021, stabilisert seg på mellom 1600 og 1700 fødslar i året. Frå 2017 og åra før var talet over 1800 årleg.
![En kake med en bjørn på](/48d19e/contentassets/bad4ea0251074942a75127228d378f56/foede-stord-vaar-2011-foto-eirik-dankel-28.jpg?width=2552&height=1702.1840000000002&quality=80&format=webp)
20 prosent færre enn ved årtusenskiftet
Nedgangen er i tråd med landet elles. Folkehelseinstituttet (FHI) melde i fjor at kvinner i Noreg føder 20 prosent færre barn enn for 20 år sidan, målt i talet på fødslar per 1000 kvinne i alderen 15-49 år.
Talet på fødslar går ned, trass i at det blir fleire innbyggjarar.
Tross oppsving i talet på fødslar i 2021, var situasjonen i 2022 den same som før pandemien, at det blei fødd færre barn enn året før.
I 2003 vart det fødd totalt 57393 barn i Noreg. I 2022 var talet 52011.
Det nasjonale talet for 2023 er ikkje offentleggjort endå, men det er lite som tyder på ein oppgang frå 2022.
Utvikling for fødselstal i Helse Fonna
2016 |
2017 |
2018 |
2019 |
2020 |
2021 |
2022 |
2023 |
|
Stord |
466 |
472 |
447 |
449 |
423 |
430 |
389 |
393 |
Haugesund |
1445 |
1364 |
1246 |
1284 |
1203 |
1323 |
1245 |
1245 |
Totalt |
1911 |
1836 |
1693 |
1733 |
1626 |
1753 |
1634 |
1638 |