Hospitering kan ha ulike formål, mellom anna utdanning, forsking, kompetanseutvikling, arbeidstrening eller styrking av samhandling mellom tenestenivå. Formålet med hospiteringa er avgjerande for kva oppfølging, avtalar og tilgangar som er nødvendige. For å sikre rett handtering og registrering må formålet vere avklart før hospiteringa startar.
Hospitering for medisinstudentar, ambulanse og andre studentgrupper
Gjeld studentar innan medisin, psykologi og bachelor- eller masterutdanningar frå lærestader som ikkje har samarbeidsavtale med Helse Fonna (lærestader utanom HVL, UiB, UiS og VID).
Det er krav om minimum B1-nivå i norsk for å kunne hospitere.
Les meir om hospitering for medisinstudentar og andre studentgrupper
Vedlikehald av kompetanse
Ordninga er aktuell for personar som har behov for fagleg oppdatering eller vedlikehald av kompetanse, til dømes offshorepersonell eller anna helsepersonell.
Ta kontakt med aktuell avdeling for å avtale hospitering.
Samhandling mellom kommunar og Helse Fonna
Hospitering kan vere eit viktig verkemiddel for å styrkje samarbeid, kompetanseutveksling og gode pasientforløp mellom kommunehelsetenesta og spesialisthelsetenesta.
Denne ordninga gjeld hospitering mellom Helse Fonna og kommunane i regionen.
For spørsmål om denne hospiteringsordninga, ta kontakt med Avdeling for samhandling på samhandling@helse-fonna.no.
Andre førespurnader om hospitering
Dersom føremålet med hospiteringa ikkje fell inn under kategoriane ovanfor, kan du ta kontakt med aktuell avdeling i Helse Fonna for nærare informasjon og avklaring, eller sende e-post til po@helse-fonna.no.