En fremtidsrettet og lærende helsetjeneste i kontinuerlig utvikling

Forsking, innovasjon, utdanning og systematisk forbetringsarbeid er integrerte og sentrale delar av føretaket si verksemd og bidreg til utvikling, fagleg kvalitet og rask bruk av ny kunnskap i tenestene.

Gjennom læring på tvers, nye arbeidsformer og målretta bruk av teknologi blir evna til å møte nye behov og framtidige utfordringar styrkt.

Kva skal vere oppnådd innan 15 år?

• Forsking, innovasjon og forbetring er integrerte delar av ordinær drift i heile føretaket.
• Ny kunnskap blir systematisk og raskt teken i bruk i tenestene.
• Læring på tvers av føretaka i Vest, fagområde, lokasjonar og nivå er ein etablert del av kulturen.
• Teknologi blir brukt målretta for å styrkje fagleg kvalitet, arbeidsprosessar og pasienttilbod.
• Digitale forløp er ein integrert del av helsetenesta og bidreg til samanhengande, tilgjengelege og effektive pasientforløp.

Kva skal vere oppnådd innan 4 år?

• Alle avdelingar har forbetringsprosjekt.
• Alle klinikkar har innovasjonsprosjekt.
• Alle klinikkar har lokalt initierte kliniske forskingsprosjekt.
• Utviklingsarbeid er tydeleg forankra i prioriterte område og gir dokumenterbar nytte for tenestene.
• Læring og erfaringsdeling gir varige praksisendringar på tvers i føretaket.
• Nye arbeidsformer og teknologi blir brukte i drift der dei styrkjer kvalitet, arbeidsprosessar eller pasienttilbod.
• Digitale kontaktar aukar med minst 50 prosent per år.