Leiing for godt arbeidsmiljø og utvikling

Vi har ein utviklingsorientert leiarkultur med tydelege forventningar og evne til endring som sikrar at vi når måla for verksemda.

I Helse Fonna har vi eit arbeidsmiljø prega av tryggleik og tillit, der vi saman skaper rom for utvikling, forbetring og nødvendig endring. Arbeidsmiljøet blir forma i samspel mellom leiing, medarbeidarar, tillitsvalde og vernetenesta.

Kva skal vere oppnådd innan 15 år?

• Leiing er eit strategisk fortrinn og sikrar gjennomføringskraft i Helse Fonna.
• Føretaket har god leiarmobilisering.
• Leiarar på alle nivå har nødvendig kompetanse, rolleforståing og gjennomføringsevne til å ta ansvar og skape resultat.
• Leiarane tek avgjerder med ansvar for føretaket sine samla behov og heilskaplege utvikling.
• Leiarlinja samhandlar, prioriterer og omstiller på ein måte som gir tillit og måloppnåing i samarbeid med tillitsvalde og verneombod.
• Ein god leiarkultur gir tydeleg retning, involvering og gjennomføringskraft i utviklinga av tenestene.
• Leiarar tek ansvar for eit helsefremjande arbeidsmiljø, nærvær og tilrettelegging, slik at medarbeidarar kan stå i arbeid gjennom ulike livsfasar.
• Arbeidsmiljøet er prega av tryggleik, tillit og rom for utvikling og ønskt endring.

Kva skal vere oppnådd innan 4 år?

• God leiing gir tydeleg retning, prioriteringskraft og gjennomføringsevne med ansvar for føretaket sine samla behov.
• Forventningar til leiarrolla er avklarte og blir brukte aktivt i styring, oppfølging og leiarutvikling.
• Leiarar har kompetanse, støtte og verktøy til å leie drift, utvikling og endring.
• Leiarar tek ansvar for arbeidsmiljø, nærvær og arbeidsdeltaking gjennom systematisk oppfølging, tilrettelegging og partssamarbeid.
• Samarbeidet med tillitsvalde og vernetenesta bidreg til gjennomføring av utvikling, endring og omstilling.