Medarbeidarar som drivkraft

Gjennom tillit, medverknad og rom for fagleg initiativ blir det skapt eigarskap, stoltheit og ein sterk kultur for læring og forbetring.

Dette gir grunnlag for å rekruttere, utvikle og behalde tidsriktig og relevant kompetanse i heile organisasjonen.

Kva skal vere oppnådd innan 15 år?

• Helse Fonna er ein attraktiv arbeidsplass og eit føretrekt val i regionen.
• Medverknad, eigarskap, stoltheit og fagleg initiativ pregar arbeids- og utviklingskulturen i heile føretaket.
• Delte stillingar mellom kommune og helseføretak bidreg til robuste fagmiljø og betre ressursutnytting i heile opptaksområdet.
• Oppgåver blir løyste på rett kompetansenivå i heile føretaket.
• Medarbeidarane har nødvendige ressursar, kompetanse og støtte til å ta ansvar, skape resultat og bidra til føretaket sine mål.
• Medarbeidarar tek i bruk ny teknologi og nye arbeidsformer som gir betre ressursbruk og berekraftige tenester.
• Føretaket utviklar og beheld relevant og tidsriktig kompetanse i heile organisasjonen.
• Medarbeidarar med høgt arbeidsnærvær er ei sentral drivkraft i tenestene.

Kva skal vere oppnådd innan 4 år?

• Medarbeidarane sin kompetanse blir utvikla systematisk og støttar kvalitet, utvikling og nye arbeidsformer.
• Føretaket har styrkt evna til å behalde, utvikle og rekruttere relevant kompetanse.
• Føretaket utnyttar kompetanse på tvers av lokasjonar og tilbyr fleksible arbeidsformer som styrkjer rekruttering, stabilitet og tilgang på kompetanse.
• Føretaket har etablert fleksible arbeidsformer i samarbeid med kommunane som ivaretar behovet for kompetanse og kompetanseutvikling for begge partar.
• Føretaket har teke i bruk arbeidsformer som reduserer bemanningsbehovet og samstundes styrkjer kvalitet, tilgjengelegheit og pasienttryggleik.
• Auka nærvær sikrar stabil bemanning og godt arbeidsmiljø.