Utdanning med høg kvalitet

Gjennom gode praksisplassar, læreplassar, fagleg rettleiing og tett samarbeid med utdanningsinstitusjonar bidreg føretaket til relevant og framtidsretta kompetanse for behova i helsetenesta.

Dette styrkjer kvaliteten i utdanningsløpa, framtidig rekruttering og føretaket si evne til å møte endra kompetansebehov.

Kva skal vere oppnådd innan 15 år?

• Helse Fonna har kapasitet til å utdanne og vidareutdanne nødvendig personell i samarbeid med utdanningssektoren, kommunane og regionen.
• Forskings- og utviklingskompetanse er ein integrert del av fagmiljøa og styrkjer kvaliteten i pasientbehandlinga.
• Føretaket er sjølvrekrutterande for nøkkelkompetanse på prioriterte område.

Kva skal vere oppnådd innan 4 år?

• Kapasitet og kvalitet i praksis, rettleiing og utdanningsløp er styrkte.
• Vestlandslegen er etablert.
• Utdanning er integrert i klinisk drift, fagutvikling og kompetanseplanlegging.
• Samarbeidet med utdanningsinstitusjonar, kommunar og regionale aktørar gir betre samsvar mellom utdanning og framtidige kompetansebehov.
• Relevante læringsarenaer er etablerte på område med særleg behov for rekruttering og kompetanseutvikling.
• Utdanningsarbeidet gir betre grunnlag for rekruttering, robuste fagmiljø og stabil kompetanse.