FSU eldre og skrøpelegheit

FSU eldre med skrøpelegheit skal bidra til heilskaplege og samanhengande tenester. Eldre med skrøpelegheit skal få høve til å ta, eller medverke i, avgjerder om eiga helse, kunne bu lengst mogleg i eigen heim og unngå unødige innleggingar og reinnleggingar.

FSU skal arbeide for at skrøpelege eldre og deira pårørande opplever individuelt tilpassa tenester av god kvalitet, uavhengig av kvar i regionen dei bur. Arbeidet skal vere helsefremjande og ta vare på mennesket som ein heilskap, med vekt på ressursane og meistringsevna til den enkelte.

• Fokus på samarbeid om førebygging av sjukdomsforverring, tidleg innsats og gode utskrivingsprosessar.
• Sikre at eldre med skrøpelegheit får «rett behandling på rett stad til rett tid». Prosjektet «Tidleg identifisering av skrøpelegheit» er eit av tiltaka FSU har sett i gang for å etablere felles språk og ei felles forståing av pasientar med skrøpelegheit i både kommune- og spesialisthelsetenesta. Pilotprosjektet omfattar kommunane Bømlo, Stord og Kvinnherad, i samarbeid med Helse Fonna ved Stord sjukehus. FSU har òg lagt til rette for ei webinarrekke med seks webinar der tilsette i både kommune- og spesialisthelsetenesta i Helse Fonna-regionen er inviterte til å delta.
• Tettare samhandling med FSU psykisk helse og rus. Det er eit ønske om samarbeid kring eldre personar med demens som òg har psykiske lidingar. FSU har invitert til felles undervisning, og skal dessutan arrangere undervisning/webinar om åtferdsmessige og psykologiske symptom ved demens (APSD) for fagmiljø innan psykisk helse og rus hausten 2026.

Pilotprosjektet “Tidleg identifisering av eldre med skrøpelegheit” innbærer innføring av Clinical frailty scale (CFS). Pilotprosjektet er planlagt ferdig 2026 og FSU ønskjer deretter å innføre CFS i hele Helse Fonna regionen, inkludert alle sjukehusa.

Tiltak for å nå ut til praksisfeltet og fagmiljøa:

• Felles undervisning gjennom ei webinarrekke med seks webinar. Sjå nettsida til Helsefellesskapet for meir informasjon: Helsefellesskapet i Helse Fonna - Helse Fonna HF
• FSU ønskjer å dele nyttige ressursar for alle som arbeider innan eldreomsorga. Nettsider som aldring og helse og Kompetansebroen - Portal for kunnskapsdeling i helsetjenesten er gode døme.
• For dei som ønskjer å ta i bruk kartlegging av skrøpelegheit: pdf clinical_frailty_scale_tips_norsk_.pdf
• FSU eldre med skrøpelegheit skal arrangere ein større fagdag 20.10.2026 i samarbeid med SESAM (Regionalt senter for eldremedisin og samhandling) og Eldremedisinsk poliklinikk i Helse Fonna. Tema for dagen er eldre med skrøpelegheit. Fagdagen er retta mot både kommune- og spesialisthelsetenesta, program er publisert under arrangement.