Rekrutterings- og samhandlingstilskot

Få hjelp med idéutvikling, søknadsprosess og vegen vidare.

– Vi skal jobbe med å få til meir samanhengande tenester og gode pasientforløp ved å gi rom for å prøve ut nye løysingar, seier prosjektrettleiar i Helsefellesskapet Diana Lauritzen.

Diana Lauritzen vil hjelpe deg med å søke tilskot. Foto: Pernille S. Osmundsen.

– Pasientane har eitt forløp. Om det er kommune eller føretak, det ser ikkje dei. Gjennom samhandling skal vi jobbe for at pasientane skal oppleve ein enklare flyt frå helsetenesta i kommunen til Helse Fonna, og motsett.

Nytt eller gammalt prosjekt, alle kan søke

– Samhandling mellom kommunar og Helse Fonna er ikkje nytt, men vi vil ha enda meir av det. Du kan søke uansett om du har eit eksisterande prosjekt eller eit flunkande nytt. Så lenge du har ein god idé og det skal vere eit samarbeid mellom Hele Fonna og ein eller fleire kommunar.

Søk før fristen 18. september.

Eller ta kontakt med Diana i det minste, ho vil høyre frå deg.

Kva kan Diana gjere for deg?

– Eg kan hjelpe med idé, søknad og rettleie på vegen vidare i prosjektet, heilt frå start til slutt.

Diana ønskjer å vere ein ressursperson som det skal vere enkelt å få tak i.

– Får du tildelt tilskot, kan eg bidra med prosjektrettleiing og gi rettleiing om utbetaling av tilskotsmidlar og rapportering. Hos meg får du hjelp til å finne vegen vidare i prosessen.

– Alle tankar er gode tankar. Har du berre ein tanke kan du ringe og høyre.