Vi tilrår at du alltid nyttar siste versjon av nettlesaren din.

Kirurgi, Stord

Vi tilbyr undersøking og behandling innan generell kirurgi, ortopedi, urologi og karkirurgi.

Informasjon til pasientar på isolat

Hygieneinformasjon til inneliggande pasientar på kirurgisk avdeling

Vi har laga informasjonsmateriell til deg som skal operere hofteprotese hos oss. Sett deg inn i dette før du kjem. Du finn både video og eit hefte som tek deg gjennom det du treng vite før og etter operasjon.


Hofteprotese Stord sjukehus

Vi har laga informasjonsmateriell til deg som skal operere prostata hos oss. Sett deg inn i dette før du kjem. 

Informasjon til deg som skal fjerne deler av prostata

Vår oppgåve er å diagnostisere og behandle kirurgiske problem for våre pasientar. Du finn oss i andre etasje på Stord sjukehus. 

Kva pasientar behandlar vi?

Sengeposten skiller mellom ortopediske pasientar og gastro- og urologipasientar.

I tillegg er pasientar med kroniske sår innlagt hos oss. På sårpoliklinikken er det legar og sjukepleiarar med spisskompetanse på behandling av kroniske sår.

Å vere hos oss

Sengeposten er utstyrt med einerom, tomannsrom og firemannsrom. Romma har toalett og dusj.

Pasientar og pårørande kan nytte felles daglegstove i enden av gangen.

All mat serverast fortrinnsvis på pasientrom, men pasientar som har ønskje om å ete i daglegstova kan gjere det.

På sjukehuset er det trådlaust nettverk du kan nytte, og har du ikkje eigen telefon kan du låne om du treng å ringje ut.

Ordinær besøkstid er mellom klokken 17.00 og 18.30 alle dagar.

Kvalitet og pasientsikkerheit

Du skal møte kvalitet i behandling og pleie hos oss. Ved innlegging kartleggast alle for fallfare, ernæringsrisiko og trykksår ved bruk av «Trygg Pleie»-skjema.

Ved utslag på ein eller fleire av kategoriane, registrerast dette i din journal og vi sett i gong tiltak for behandling eller førebygging.
Pasientar med risiko for trykksår får spesialmadrass med luft eller vekseltrykk.

Vi som jobbar her er opptatt av å ha god og oppdatert kvalitet i all behandling og pleie av våre pasientar. Vårt mål er at du som pasient skal sitte igjen med ein trygg og god oppleving i etterkant av opphaldet.

Lege går ikkje ordinær visitt på alle rom kvar dag. Dersom du er operert kjem kriurgen til deg og informerer om inngrepet og vidare oppfølging og behandling. 

Dersom du utanom dette ønskjer å snakke med legen din, sei ifrå til personalet så får du samtale i einerom. 

Alle pasientar skal ha samtale med legen før utreise. 

  • Frukost: 8.30 
  • Middag: 12.30 
  • Kaffi på daglegstova: 14.30 
  • Kvelds: 18.30
  • Suppe/brød: 20.30 
Tidene er omtrentlege.
 
Du kan få drikke inn på rommet, eller hente det du treng får kjøleskapet. Måltid bør skje på kjøkenet. Du kan ønskje deg det du vil ha til frukost og kvelds. Gi beskjed til personalet.

Vi har laga informasjonsmateriell til deg som skal reise heim frå kirurgisk avdeling. 

Sjå informasjonsskriv til utskrivne pasientar

Kontakt

Telefon

  • Måndag - Fredag 07:30 - 15:30
  • Laurdag - Søndag STENGT

Poliklinikken er stengt helger og heilagdagar

Slik finn du fram

Oppmøtestad



En bygning med trær og biler foran seg

Stord sjukehus

Tysevegen 64

5416 Stord

Finn fram

​Kystbussen har terminal i Leirvik sentrum, sjå www.kystbussen.no for ruteinformasjon. Herfrå går det lokalbuss til sjukehuset og DPS-et. Meir informasjon om rutetider for lokalbuss finn du på www.skyss.no.

Praktisk informasjon

​Det er ikkje publikumsapotek på sjukehuset, men det er fleire apotek i og rundt Leirvik sentrum.

Måndag-sundag: 17.00-18.30

Det er eigne besøkstider og reglar for føde og barsel.

Oppdatert informasjon finn du på sida om besøkstider

​Nærmaste daglegvare er Spar Ådland, Olvikvegen 52, 5416 Stord. 1.5 km med bil, 500 m til fots på gangsti bak ambulansestasjonen.

Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
 
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det. 

Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.​

​Publikumskantine finn du i underetasjen.

Opningstider:

Måndag-fredag kl. 11.00-14.00. Det er stengt i helger og på heilagdagar.

​​​​​​​​​Ta med den faste medisinen du brukar. Det kan ta tid å få same medisin frå apoteket.

Dessverre kan tjuveri finne stad på sjukehuset. La ​verdisaker vere igjen heime.

Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

Ta med toalettsaker som tannbørste, tannkrem, kam, deodorant og eventuelt barbermaskin. ​Hugs også hjelpemiddel du er avhengig av: til dømes stokk, ​krykker, rullator og rullestol.

God hygiene er ein viktig faktor for å kunne gi god behandling til pasientane.

Parkeringsplass for pasientar og besøkande ligg like utanfor sjukehuset, det er kort avstand for gåande. Parkering mot avgift.
 
Det er innført skiltgjenkjenningssystem på Stord sjukehus. Du får tilsendt faktura frå ParkPay etter inn- og utkøyring. 
 
​Pris for å parkere er 25 kroner i timen. Makspris for eit døgn er 155 kroner.
 
Det er mogleg å køyre heilt fram til hovudinngangen for å sleppe av passasjerar ved behov. 
 

Sjukehusområdet er røykfritt.

Inneliggande pasientar kan ta kontakt med helsepersonell ved si avdeling ved behov for nikotinprodukt.