Prøvetaking

Laboratoriet i Haugesund

Du finn oss i 4. etasje i sydvestre blokk på Haugesund sjukehus.

Opningstider: Kvardagar 8.00-14.30

Registrer deg på Imatis innsjekkingsautomat i 4. etasje når du kjem. Du får då ein kølapp.

Laboratoriet på Stord

Du finn oss i 1. etasje på Stord sjukehus.

Opningstider: Kvardagar 8.00-14.30

Registrer deg på Imatis innsjekkingsautomat ved hovudinngangen når du kjem for å få kølapp. Deretter går du til venteområdet for radiologi og laboratoriet.

Laboratoriet i Odda

Du finn oss i underetasjen (U-etasje) på Odda sjukehus.

Opningstider: Kvardagar 9.00-14.00

Trekk kølapp når du kjem.

Nokre pasientar/pasientgrupper blir prioritert for blodprøvetaking og vi ber om forståing for det. Dette gjeld ved alle laboratoria.

For barn kan det høyrast vondt og skummelt ut å ta blodprøve. Personell ved laboratoria vil gjere det dei kan for at prøvetakinga ikkje skal bli ei negativ oppleving.

Ei fin hjelp for smertelindring hos barnet er å kjøpe bedøvingsplaster eller krem på førehand. Det kan kjøpes reseptfritt på apoteket og heiter EMBLA. Det må settast på minst 1 time før og fjernast 10 minuttar før prøvetakinga. 

• Unngå hard fysisk aktivitet i dagane før prøvetaking.
• Sjekk med legen om blodprøvane må tas fastande (å faste betyr at ein ikkje kan ete, drikke, røyke eller bruke snus dei siste 8 timane før prøvetaking. Det er greit å drikke litt vatn).
• Faste medisinar kan du ta som vanleg med mindre du har fått andre instruksjonar frå legen din.
• Det er anbefalt at pasienten er i ro 15 minuttar før prøvetaking.
• Ein må pårekna noko ventetid.