Vi tilrår at du alltid nyttar siste versjon av nettlesaren din.
Aktiv overvåkning ved prostatakreft
Viss du har ein lågrisiko prostatakreft, det vil seie ein snill kreft, kan det beste alternativet vere aktiv overvaking med jamlege blod- og vevsprøver. Dette for å sikre at du får behandling dersom sjukdommen utviklar seg.
Ved aktiv overvaking behandlar vi ikkje kreften med det same, men følger ei eventuell utvikling nøye med blodprøver (PSA- målingar) kvar tredje månad, MR-undersøkingar og nye vevsprøver. Kontroll skjer hos fastlege eller på sjukehuset. Med denne tilnærminga slepp du ubehagelege biverknader av behandling i form av ereksjonssvikt og inkontinens, og kan fortsette å leve som normalt.
Mange pasientar i denne kategorien vil aldri ha behov for behandling og kan bevare sin normale livskvalitet. I dei tilfella der kreften utviklar seg, vil vi oppdage dette med kontrollopplegget, slik at vi kan setje i verk behandling når det trengst.
Før
Det er ingen førebuingar i samband med denne behandlinga.
Under
Under aktiv overvaking vert sjukdommen din nøye overvaka for teikn til utvikling. Ei PSA-blodprøve og digital rektal undersøking (DRE), kontroll av prostata gjennom endetarmsopninga, vert gjennomført med jamne mellomrom.
Det blir også tatt MR-undersøking av prostata i starten av aktiv overvaking. Vi tar også nye vevsprøver (biopsiar) av prostata, etter eitt, fire og sju år. Dette blir gjort på urologisk poliklinikk.
Etter
Det kan vere grunnlag for behandling i form av kirurgi eller strålebehandling viss testar eller undersøkingar indikerer at kreften utviklar seg. Dersom du ikkje er tilfreds med å vere på aktiv overvaking, får du når som helst drøfte dette med urolog og eventuelt få tilbod om radikal behandling.
Du finn Urologisk poliklinikk i 1. etasje på Haugesund sjukehus. Vi er samlokalisert med kirurgisk poliklinikk. Ta kontakt med ekspedisjonen vår når du kjem.
Meld at du er komen via SMS-en du har fått, eller på automaten ved hovudinngangen til sjukehuset.
Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.
Parkeringshuset har tre ladeuttak.
Reserverte parkeringsplassar
Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.
Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.
Parkeringsavgift
Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på p-automatane.
Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.
Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.
På helsenorge.no finner du informasjon om timen din i innkallingsbrevet.
Apoteket ligg i første etasje, like bak resepsjonen.
Opningstider:
Måndag-fredag kl. 08.00-16.30.
Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det.
Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.
Kantina i 6.etasje er open for tilsette, pasientar og besøkande.
Opningstider: Måndag - fredag kl. 09.30-15.30. Stengt helger og heilagdagar.
Pasientkantine i 4-og 5.etasje er kun open for pasientar.
Fleire av sengepostane har eigne spiserom med enkel sjølvbetening for inneliggande pasientar. Ta kontakt med di avdeling.
Ta med den faste medisinen du brukar. Det kan ta tid å få same medisin frå apoteket.
Dessverre kan tjuveri finne stad på sjukehuset. La verdisaker vere igjen heime.
Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.
Ta med toalettsaker som tannbørste, tannkrem, kam, deodorant og eventuelt barbermaskin. Hugs også hjelpemiddel du er avhengig av: til dømes stokk, krykker, rullator og rullestol.
God hygiene er ein viktig faktor for å kunne gi god behandling til pasientane.
