Vi tilrår at du alltid nyttar siste versjon av nettlesaren din.

Analfissur

Ein analfissur er eit sår/rift i endetarmsopninga. Du kan få analfissur av å presse ut hard og tørr avføring eller ved forstopping. Diaré kan også gi analfissurar. Ofte ligg såret framfor eller bak i endetarmsopninga. Ved toalettbesøk vil det ofte vere smertefullt når avføring passerer forbi såret.

Analfissurer kan være smertefulle, men gror gjerne etter enkel behandling. Noen vil trenge en operasjon.

Les meir på helsenorge.no

Symptom

Dei vanlegaste symptoma er smerter og frisk bløding ved avføring. Smerta er ofte skarp og intens, og kan vare ein time eller meir etter eit toalettbesøk. Det er sjeldan mykje blod. Om blodet er blanda inn i avføringa eller mørkare på fargen, kan det tyde på sjukdom høgare opp i tarmen.

Av og til blir det danna ein hevelse eller klump i den enden av fissuren som er lengst vekk frå endetarmsopninga (sentinal tag). Dette sest oftast på fissurar som ha stått ei stund. Desse er ikkje farlege.

Eigenbehandling

Akutte analfissurar gror som oftast av seg sjølve. For å lette på smerta og betre moglegheita for at dei gror er det viktig å unngå hard avføring. Å ete ein fiberrik kost kan hjelpe. Ein kan også kjøpe mjukande midlar på apotek utan resept. Tilstrekkeleg væskeinntak (vatn) er avgjerande for eit godt resultat.

For å dempe smertene ved avføring kan du også ta deg eit varmt bad. Det kan få muskelen i endetarmen til å slappe meir av. Når endetarmsmuskulaturen er stram, vil det hindre blodforsyninga til fissuren. Paracet og Ibux kan takast etter behov, og det finst salver og gel på apotek med lokalbedøving i.

 

Utgreiing

Analfissurar som ikkje gror av seg sjølve innan seks veker kallar legane kroniske. Årsaka kan vere at lukkemuskelen i anus strammar seg krampeaktig. Stramleiken gjer at såra ikkje får nok blod. Da gror det ikkje.

Dersom ein analfissur ikkje blir betre etter 6 veker kan legen din tilby ei salve eller ein injeksjon.

Behandling

Salve ved forstopping

Salver med glyseroltrinitrat (Rectogesic) hjelper mange. Verkestoffet utvidar blodårane slik at blodtilførselen til anus blir betra og såret gror. Smør salven på i opninga av analkanalen. Denne får du berre med resept. Hovudverk er ein svært vanleg biverknad, men han går som regel over etter eit par vekers behandling. Det finst også andre salvar som ikkje gir hovudverk (Nifedipin). Denne er i skrivande stund ikkje tilgjengeleg ved alle apotek i Noreg, men kan etterbestillast.

Injeksjon

Botulinumtoksin A (Botox) kan givast som injeksjonar i lukkemuskelen til endetarmen. Dette vil føre til at lukkemuskelen blir relaksert (avspent). Når muskelspenninga og krampene i muskelen minkar vil blodforsyninga auke, og såret får betre føresetnader til å gro. Verknaden kjem etter 3–6 dagar, og varer ofte i opptil 3 månader. Ved tilbakefall av smerter kan behandlinga gjentakast.

Det er risiko for å få tilbake analfissuren etter behandling med salve eller injeksjon. Behandlinga kan også gi forbigåande lekkasje av luft og i sjeldne tilfelle mindre uhell av avføring (spor i undertøy).

Kirurgisk behandling

Ved den vanlegaste typen operasjon lagar ein eit lite kutt i lukkemuskelen slik at han ikkje strammar seg så mykje. Dette kallast ein intern anal sfinkterotomi. Denne operasjonen blir berre gjord i sjeldne tilfelle der ein ikkje kjem til mål med anna behandling. Dette fordi det er risiko for at ein blir inkontinent for avføring med lekkasje av enten fast eller flytande avføring i undertøy. Fleire av desse blir betre etter kvart, men ikkje alle. Mange får også problem med å halde på luft.

Ei anna operasjonsform er å sy frisk hud over fissuren. Dette blir sjeldnare gjort og ikkje ved alle sjukehus.

Oppfølging

Behandlinga krev inga oppfølging i etterkant.

Sist faglig oppdatert 27.04.2026

Kontakt

Haugesund sjukehus Gastrokirurgisk avdeling

Kontakt Gastrokirurgisk avdeling

Oppmøtestad

Gastrokirurgisk poliklinikk hald til i 1. etasje på Haugesund sjukehus.

En høy vinkel av en bygning

Haugesund sjukehus

Karmsundgata 120

5528 Haugesund

Finn fram

Transport

Det er fleire busstopp like ved og i nærleiken av Haugesund sjukehus.

www.kystbussen.no - Ruteinformasjon for Kystbussen (Bergen-Stord-Haugesund-Stavanger)

www.kolumbus.no - Ruteinformasjon om lokalbussar i Rogaland

Praktisk informasjon

Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.

Parkeringshuset har tre ladeuttak.

Reserverte parkeringsplassar

Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.

Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.

Parkeringsavgift

Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på  p-automatane. 

Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.​

Parkering i Haugesund sentrum

Sjå P-kart - Haugesund Parkering

 

Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.

På helsenorge.no finner du informasjon om timen din i innkallingsbrevet.

Apoteket ligg i første etasje, like bak resepsjonen.

Opningstider:

Måndag-fredag kl. 08.00-16.30.

Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
 
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det. 

Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.​

​Kantina i  6.etasje er open for tilsette, pasientar og besøkande.

Opningstider:
Måndag - fredag kl. 09.30-15.30. Stengt helger og heilagdagar.

Pasientkantine i 4-og 5.etasje er kun open for pasientar.

Fleire av sengepostane har eigne spiserom med enkel sjølvbetening for inneliggande pasientar. Ta kontakt med di avdeling.

Det ligg ein Narvesen kiosk i 1.etasje

Opningstider:
Måndag - fredag kl. 06.30-21.00
Laurdag: 9.00-20.00
Søndag: 10.00-20.00 




​​​​​​​​​Ta med den faste medisinen du brukar. Det kan ta tid å få same medisin frå apoteket.

Dessverre kan tjuveri finne stad på sjukehuset. La ​verdisaker vere igjen heime.

Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

Ta med toalettsaker som tannbørste, tannkrem, kam, deodorant og eventuelt barbermaskin. ​Hugs også hjelpemiddel du er avhengig av: til dømes stokk, ​krykker, rullator og rullestol.

God hygiene er ein viktig faktor for å kunne gi god behandling til pasientane.