Vi tilrår at du alltid nyttar siste versjon av nettlesaren din.
Behandling med epilepsimedisinar (anfallsførebyggjande legemiddel)
Medisinar mot epileptiske anfall førebyggjer og reduserer risikoen for nye anfall. 2/3 av dei som har epilepsi, har god effekt av medisinar og er lite plaga av anfall.
Ta med utskrift av oppdatert medikamentliste frå fastlegen når du kjem til time hos nevrolog.
Under
Vi gjer ei individuell vurdering av kvar enkelt pasient når vi vel aktuell medisin mot epilepsien din.
Det er ei rekkje ting vi må ta omsyn til ved val av medisin:
kva slags epilepsi du har
alder
andre sjukdommar eller medisinar
kva fase av livet du er i (til dømes om du er i ein alder der du kan få barn)
vekt
Kva gjer du dersom du har gløymt ei dose av medisinen, kastar opp eller har diaré?
Gløymt morgondose og oppdagar dette før lunsj:
Gi dosen straks. Kveldsdose blir gitt til vanlig tid.
Gløymt morgondose og oppdagar dette etter lunsj:
Gi berre kveldsdose til vanleg tid.
Gløymt kveldsdose og oppdagar dette neste dag:
Gi berre vanleg morgondose.
Ved utegløymd dose av epilepsimedisinar blir det tilrådd for vaksne å ta denne dosen så raskt som mogleg, også der dette betyr å ta han saman med neste dose.
Individuelle omsyn blir tekne av kvar enkelt.
Oppkast innan 30 min:
Gi ny dose.
Oppkast etter 30 min til 2 timar:
Vanlege tablettar: Gi halve dosen
Mikstur: Ikkje gjenta dosen.
Depot*- eller enterotabletter: Dosen blir gjenteken. (*Depottablettar kan også ha nemninga «retard» eller «long»)
Medisinar blir likevel teken opp i kroppen via blodbanen: Ingen ekstra dose skal takast.
Etter
Du må gå til kontroll hos nevrolog så lenge du ikkje har god anfallskontroll.
Når du har vore utan anfall i eitt til to år vil det vere aktuelt med vidare oppfølging hos fastlege.
Det er vanleg å ta blodprøver for å måle mengda av legemiddel i blodet og andre blodprøvar som del av oppfølginga av epilepsimedisinar for å tilpasse denne til deg.
Ver merksam
Når du får anfallsdempande behandling kan du oppleve trøyttleik, påverknad av levra, og hudutslett.
Dersom du får kraftige utslett i huda, kutt ut medisinane og ta kontakt med nevrolog, fastlege eller legevakt så fort som mogleg.
Dersom du har vore anfallsfri i eitt år med same medisin kan du vanlegvis ha førarkort og køyre bil.
Ved planlegging eller ønske om graviditet bør du ta kontakt med nevrolog for å få best mogleg tilpassa oppfølging av behandlinga. Blir du gravid utan at du først har hatt kontakt med nevrolog, bør du ta kontakt for å få ei vurdering av behandlinga og korleis oppfølginga skal vere.
Du får dekka deler av utgiftene dine ved behandling hos lege, på poliklinikk eller andre behandlingsinstitusjonar, men du må betale ein eigendel. Frikort for helsetenester får du når du har betalt over eit visst beløp i eigendelar. Det er ulike eigendelar avhengig av helseteneste.
Du får frikort for helsetenester når du har betalt over eit visst beløp i eigendeler. Når du viser frikort, slepp du å betale eigendelar for resten av kalenderåret.
Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.
På helsenorge.no finner du informasjon om timen din i innkallingsbrevet.
Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det.
Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.
Kantina i 6.etasje er open for pasientar, besøkande og tilsette.
Opningstider kantine
Måndag - fredag kl. 09.30-15.30. Stengt i helger og på heilagdagar.
Pasientkantine i 4 og 5.etasje er kun open for pasientar.
Fleire av sengepostane har eigne spiserom med enkel sjølvbetening for inneliggande pasientar. Ta kontakt med avdelinga du høyrer til.
Ta med den faste medisinen du brukar. Det kan ta tid å få same medisin frå apoteket.
Dessverre kan tjuveri finne stad på sjukehuset. La verdisaker vere igjen heime.
Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.
Ta med toalettsaker som tannbørste, tannkrem, kam, deodorant og eventuelt barbermaskin. Hugs også hjelpemiddel du er avhengig av: til dømes stokk, krykker, rullator og rullestol.
God hygiene er ein viktig faktor for å kunne gi god behandling til pasientane.
Vi har ein tappestasjon i Sauda. Kontakt oss på telefon: 52 73 22 81.
Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontantar. I tillegg kan du benytte EasyPark appen.
Parkeringshuset har tre ladeuttak.
Reserverte parkeringsplassar
Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.
Det er reserverte plassar for blodgivarar og dialysepasientar i toppetasjen på parkeringshuset. Du vil få utlevert parkeringsbevis frå avdelinga dersom du har rett til å bruke dessa plassane.
Parkeringsavgift
Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på p-automatane.
Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.
