Vi tilrår at du alltid nyttar siste versjon av nettlesaren din.
Beinmergsprøve frå brystbein
Dette er ei undersøking av raud beinmerg. Beinmergen blir tatt frå brystbeinet (sternum). Undersøkinga blir gjord for å finne ut kva sjukdom du lid av eller for å sjå kva verknad behandlinga har hatt på deg når du er ferdig med den.
Kvifor blir undersøkinga gjennomført?
Legen skal informere deg om kvifor det blir tatt beinmergsprøve frå deg.
Kva er beinmerg?
Beinmergen er eit mjukt (spongiøst) vev som ligg i marghòla til knokkelen. I beinmergen er det stamceller. Stamceller gir opphav til alle cellene i blodet:
Kvite blodceller (leukocyttar)
Representerer ein viktig del av infeksjonsforsvaret vårt.
Raude blodceller (erytrocyttar)
Står for transport av oksygen i kroppen vår.
Blodplater (trombocyttar)
Inngår i den mekanismen som stansar bløding.
Før
Prosedyren krev inga førebuing og du treng ikkje å faste før prosedyren.
Ved behov kan du får roande medisin før undersøkinga.
Det betyr ikkje noko om du har låge blodplater eller bruker blodfortynnande medisinar.
Under
Prosedyren blir gjort av ein lege
Du ligg på ryggen på undersøkingsbenken eller i senga.
Legen undersøker først brystbeinet. Området blir desinfisert, og det blir sett lokalbedøving i området der prøva skal takast, først i hudområdet og deretter i brystbeinet. Dette gjer kanskje litt vondt, men etter det vil du ikkje kjenne noko særleg ubehag ved sjølve undersøkinga.
Så tar legen prøva ved hjelp av ei spesiell nål som gjer det mogleg å suge ut flytande beinmerg.
Det blir vanlegvis trekt ut litt beinmerg i 1–3 sprøyter til ulike analysar.
Du kan kjenne eit «sug» når legen aspirerer beinmerg og det kan kjennast litt ubehageleg. Utsuging av beinmerg tar nokre sekund. Av erfaring hjelper det på ubehaget om du held pusten akkurat i det beinmergen blir sogen ut. Du vil få beskjed.
Til slutt blir nåla trekt ut og legen set bandasje på innstikkstaden. Du blir beden om å presse på bandasjen i eit par minutt.
Etter
Du kan bevege deg straks etter at undersøkinga er ferdig.
Du bør presse bandasjen i eit par minutt og dersom det kjem blod etter det, bør bandasjen skiftast og du bør da presse i minst 5 minutt.
Sjeldan vil ein oppleve litt ubehag i innstikkområdet etter prøvetaking.
Utanom noko kortvarig ubehag/vondt er det ikkje nokon spesielle komplikasjonar.
Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.
Parkeringshuset har tre ladeuttak.
Reserverte parkeringsplassar
Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.
Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.
Parkeringsavgift
Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på p-automatane.
Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.
Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.
På helsenorge.no finner du informasjon om timen din i innkallingsbrevet.
Apoteket ligg i første etasje, like bak resepsjonen.
Opningstider:
Måndag-fredag kl. 08.00-16.30.
Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det.
Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.
Kantina i 6.etasje er open for tilsette, pasientar og besøkande.
Opningstider: Måndag - fredag kl. 09.30-15.30. Stengt helger og heilagdagar.
Pasientkantine i 4-og 5.etasje er kun open for pasientar.
Fleire av sengepostane har eigne spiserom med enkel sjølvbetening for inneliggande pasientar. Ta kontakt med di avdeling.
Ta med den faste medisinen du brukar. Det kan ta tid å få same medisin frå apoteket.
Dessverre kan tjuveri finne stad på sjukehuset. La verdisaker vere igjen heime.
Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.
Ta med toalettsaker som tannbørste, tannkrem, kam, deodorant og eventuelt barbermaskin. Hugs også hjelpemiddel du er avhengig av: til dømes stokk, krykker, rullator og rullestol.
God hygiene er ein viktig faktor for å kunne gi god behandling til pasientane.
