Vi tilrår at du alltid nyttar siste versjon av nettlesaren din.

Endetarmskreft – tilbakelegging av tarm

Ved endetarmskreft vil omlag ein tredjedel av pasientane få fjerna også endetarmsopninga (anus), og det vil medføre at tarminnhaldet må bli leia ut ein annan stad. Det vil seie at dei har utlagt tjukktarm (kolostomi), og det varer resten av livet. Tar vi sikte på å bevare anus og skøyte tarmen saman (anastomose), så blir det i over halvparten av tilfella nødvendig med midlertidig (8–15 veker) utlagt tarm. Vi legg då ut tynntarm som avlasting. Dette er for å beskytte tarmskøyten i bekkenet. Etter 8–15 veker operer ein på nytt og legg tynntarmen inn i buken igjen, og normal tarmkontinuitet er retta opp att.

Tjukk- og endetarmskreft

Før

I forkant av operasjonen blir du innkalla til førebuingar på poliklinikken. Her får du snakka med lege/operatør og eventuelt stomisykepleier. Nokre pasientar skal også gjennomføra rektoskopi og/eller koloskopi eller andre undersøkingar. Rektoskopi er ei undersøking av endetarmen, og koloskopi undersøkjer heile tjukktarmen. Er dette aktuelt for deg, vil det stå meir om dette i innkallinga. Det er ein sjukepleiar til stades under undersøkinga. Det er også fleire sjukehus som tilbyr samtale med fysioterapeut og ernæringsfysiolog i forkant av operasjonen.      

Stomi

Dersom operasjonen medfører at du får stomi, tilbyr nokre sjukehus samtale med stomisykepleier eller annan erfaren sjukepleiar. Du vil då få meir detaljert informasjon om mellom anna korleis ein stomi blir laga, korleis han fungerer, og korleis det kan vera å leva med han.  Me markerer kor stomien skal plasserast på magen, i forhold til klede og kroppsfasong.

Planlegging av tida etter operasjonen/når du kjem heim

Det kan ta tid å komma seg etter ein større operasjon og det er derfor lurt å tenkja gjennom kva behov og moglegheiter du har for å få hjelp når du kjem heim. Dersom det i løpet av sjukehusopphaldet blir behov for heimetenester eller rehabilitering, hjelper me deg med å søkja om dette. Viss du har heimetenester frå før, bør du gi beskjed om når du skal opererast.


Blodfortynnande medisin/ faste medisinar

Om du bruker blodfortynnande medisinar får du informasjon om kva du skal gjera. For å førebyggja blodpropp får dei fleste pasientar ei blodfortynnande sprøyte i underhuda på magen kvelden før operasjonen. Dette held du fram med i 4 veker etter operasjonen. Anestesilegen informerer deg om kva medisinar du skal ta på operasjonsdagen.

Tarmtømming i forkant av operasjon

I nokre tilfelle skal du tømma tarmen før operasjonen. Viss dette gjeld deg får du beskjed før operasjonen. 

Ernæring

Kvelden før operasjon bør du nyta næringsdrikke. På operasjonsdagen bør du drikka 400 ml med næringsdrikke før kl 06.00 om morgonen. Næringsdrikkene skal ikkje innehalda mjølkeprodukt. Har du diabetes, må du drikka sukkerfrie næringsdrikker.

​​Faste

Før operasjonen/undersøkinga må du faste. Dersom du ikkje møter fastande, kan det hende vi må avlyse/utsetje timen.

De siste 6 timane før operasjon/undersøking skal du ikkje ete mat eller drikke mjølk/mjølkeprodukt. De siste 2 timane skal du unngå tyggegummi, drops, snus og røyk. Fram til 2 timer før kan du drikke klare væsker: Vatn, saft, juice utan fruktkjøt, brus, te og kaffi utan mjølk. Du kan svelge medisinar med eit lite glas vatn inntil 1 time før, og pusse tenner og skylje munnen når som helst.

  • Mat og mjølk/mjølkeprodukt: Skal stoppast 6 timer før
  • Klare væsker, tyggegummi, drops, røyk og snus: Skal stoppast 2 timer før

Dersom du likevel har ete eller drukke utanom dei tidene som står her må personalet få vite det.

Før enkelte inngrep skal du drikke ein bestemt mengde næringsdrikk.Det får du i så fall beskjed om. ​

Røyking og alkohol

Røyking gir betydeleg auka risiko for komplikasjonar etter operasjonen. Mellom anna vil røyking forseinka sårtilhelingen. Viss du røykjer, bør du slutta eller kjøpa røykjeplaster eller eit anna nikotinprodukt for bruk i tida rundt operasjonen. Også dagleg inntak av alkohol gir auka risiko.

Sjukdom før operasjonen

Dersom du blir sjuk før operasjon, ta kontakt med avdelinga du skal leggjast inn på. Dette gjeld også viss du blir forkjølt, er tett i nasen eller brystet. Då kan det henda operasjonen din må utsetjast. 

Du må berekna liggjetid på sjukehuset i 3 - 7 dagar etter operasjonen.

Under

På operasjonsavdelinga vil du møte ein operasjonssjukepleiar og anestesisjukepleiar som skal passe på deg under operasjonen. Anestesilegen vil legge eit epiduralkateter inn i ryggen din. Det vil bli brukt til kontinuerleg smertebehandling under operasjonen og dei første dagane etter operasjonen.
 
Det blir lagt inn eit blærekateter. Dette er eit mjukt gummirøyr som går via urinrøyret til urinblæra, og som gjer det mogleg å følge med på urinproduksjonen. Anestesilegen vil gi deg narkose/bedøving under operasjonen.



Etter

Etter operasjonen ligg du eit døgn på overvaking inntil 24 timar. Deretter blir du køyrt til sengeposten.

Smertelindring

Det er normalt å ha nokre smerter etter ein operasjon, spesielt ved bevegelse. I tillegg til smertestillande i epiduralkateteret vil du få smertestillande tablettar. Vi kartlegg smertenivået ditt og smertelindringa di kvar tredje time så lenge du har epiduralkateter. For å få til ei god smertebehandling er det viktig at du gir oss tilbakemelding.
 

Mobilisering / fysisk aktivitet

God smertelindring gjer at det er mogleg å vere fysisk aktiv kvar dag, sjølv om du er nyoperert.
Aktivitet er avgjerande for at du skal komme deg raskt etter operasjonen.
Alt på operasjonsdagen skal du ut av senga og ev. sitte oppe.
Pleiarar og fysioterapeut vil dagleg følge opp når det gjeld mobilisering.
 

Kva skjer når du er fysisk aktiv:

  • Du pustar djupare og førebygger lungebetennelse.
  • Matlyst og fordøyelse kjem raskare i gang. 
  • Såra gror betre fordi blodsirkulasjonen aukar.
  • Bevegelse stimulerer blodsirkulasjonen og førebygger blodpropp.  

Kvalme

Etter å ha blitt operert i tarmen kan du til å begynne med bli kvalm på grunn av låg tarmaktivitet. Du vil bli tilbydd kvalmestillande medikament om dette skulle gjelde deg.

Munnhygiene

Det er viktig med munnhygiene og tannpuss, då dette kan bidra til å førebygge tørre slimhinner og soppdanning. Tyggegummi er også bra for aktiviteten i tarmen, samtidig som den fremmer spyttsekresjon i munnhola. Matinntak er likevel vesentleg for munnholehygiene.

Ernæring

Har du gått ned i vekt som følge av sjukdommen din, vil du få tilbod om samtale med ernæringsfysiolog.

Operasjonsdagen på sengepost/recovery

I tillegg til intravenøs væske, blir du oppfordra til å drikke frå ca. 4 timar etter operasjonen er ferdig. Du får tilbod om å drikke ernæringsdrikke inntil 400 ml og får annan drikke, ev. mat, etter ønske. Det er anbefalt å starte med 2–3 salte kjeks.
 
Om ettermiddagen/kvelden på operasjonsdagen vil du få hjelp til å komme opp av senga. Fleire korte turar og totalt eit par timar er bra! Bevegelse er viktig for å få kroppen i gang igjen etter operasjonen. Du vil få hjelp til både å stå, gå og sitte.

Første dagen etter operasjonen

  • Du kan ete etter ønske og bør drikke 1–2 liter i løpet av 24 timar, derav gjerne 4 næringsrike drikkar.
  • Du får hjelp til mobilisering av både sjukepleiar og fysioterapeut. Det er anbefalt at du er ute av senga i til saman 3 timar, avhengig av operasjonsmetode og forma di.
  • Det vil bli tatt blodprøver av deg.
  • Blærekateteret blir fjerna 1–5 døgn etter operasjonen, avhengig av operasjonsmetode.
  • Tidspunktet når tarmen begynner å fungere igjen, varierer, men vi veit at aktivitet og mat fremmer tarmfunksjonen.

Andre og tredje dag etter operasjonen

  • Ved tjukktarmskreft blir epiduralkateteret fjerna andre dag, når du klarer å ta smertestillande i form av tablettar eller stikkpiller.
  • Ved endetarmskreft kan epiduralkateteret bli fjerna tredje dag.
  • Det er ikkje farleg å kjenne smerte i operasjonssåret. Dersom smertene hindrar deg i å vere aktiv, må du seie frå, slik at du kan få meir smertestillande.
  • Du som er tjukktarmsoperert, blir oppfordra til å vere ute av senga i 6 timar fordelt på dag og kveld. Du skal nå sitte oppe og gå på spiserommet/daglegstova ved måltida.
  • For deg som er endetarmsoperert, vil sjukepleiar og fysioterapeut hjelpe deg i mobilisering postoperativt.
  • Tredje dag blir det tatt nye blodprøver.
  • Du som er operert i tjukktarmen, kan bli utskriven alt andre dag etter operasjonen.
  • Du som er endetarmsoperert, må rekne med noko lengre liggetid.

Planlegging av tida etter utskriving

Det kan ta tid å komme seg etter ein større operasjon, og det er derfor lurt å tenke gjennom kva behov og moglegheiter du har for hjelp etter utskrivinga.
Dersom det under opphaldet blir behov for heimetenester eller rehabilitering, vil vi vere behjelpelege med søknad. Dersom du har heimetenester frå før, bør du gi beskjed om dato for operasjon.

Tidspunkt for heimreise

Tidspunkt for heimreise er basert på ei medisinsk vurdering, vanlegvis 3–7 dagar etter operasjonen. Du vil bli skriven ut når tablettar aleine gir tilfredsstillande smertelindring, og du er i stand til å komme deg inn og ut av senga sjølv. Vidare må mat- og drikkeinntak vere tilfredsstillande, og du skal ha hatt luftavgang eller avføring.
Dersom du har fått stomi (utlagt tarm), skal du vere trygg på å handtere denne før du reiser. Det blir ordna med blå resept på stomiutstyr, og dette blir bestilt hos eigenvalt bandasjist eller apotek, før du reiser heim.
 
Operasjonssåret skal vere vurdert og sjå fint ut. Før du reiser heim, vil det vere ein visitt / ei samtale med lege og sjukepleiar. Det er vanleg å vere sjukmeldt i 2–6 veker, utover dette etter vidare avtale med fastlege.
 
Har du behov for hjelp heime etter operasjonen, vil sjukehuset ta kontakt med heimetenesta før utreise.

Pasientreiser og transport

Avdelinga har postsekretær som er behjelpeleg med å bestille transport heim.
Dei regionale helseføretaka har overtatt det fulle ansvaret for pasientreiser. Du må sjølv fremme krav ved å sende inn reiserekning til helseføretaka sitt senter for pasientreise.
Treng du rettleiing i forbindelse med reise eller informasjon om rettane dine, ring pasientreiser på tlf: 915 05 515.

Etter heimkomst

Når du kjem heim, er det viktig at du aukar aktiviteten gradvis og elles prøver å leve så normalt som mogleg. Du kan løfte/bere det du orkar dei første 8 vekene etter operasjonen. Tunge løft og hard trening (f.eks. situps) bør du unngå dei første 8 vekene. Fysisk aktivitet og næringsrik kost er bra for sårtilheilinga og for å komme tilbake til same funksjonsnivå som før operasjonen.
Klipsa i operasjonssåret kan du fjerne på fastlegekontoret 12–14 dagar etter operasjonen.
 
Dersom du etter heimkomst skulle få teikn på infeksjonar (sår, urin- eller luftvegar) eller aukande plager frå magen (for eksempel oppkast eller fråvær av avføring), skal du ta kontakt med fastlegen din.
 



 

Ver merksam

Kontakt avdelinga om dersom du får nokre av desse plagene:

  • tung pust
  • bløding i såret
  • væske fra såret
  • aukande hevelse, raude eller smerte frå såret
  • aukande hevelse i eitt eller begge bein
  • sjukdomskjensle/nedsett allmenntilstand
  • svimmelheit eller svime
  • ​feber

Blir du akutt sjuk, ring 113.

 

Sist faglig oppdatert 06.01.2023

Kontakt

Haugesund sjukehus Gastrokirurgisk avdeling

Kontakt Gastrokirurgisk avdeling

Oppmøtestad

Gastrokirurgisk poliklinikk hald til i 1. etasje på Haugesund sjukehus.

En høy vinkel av en bygning

Haugesund sjukehus

Karmsundgata 120

5528 Haugesund

Finn fram

Transport

Det er fleire busstopp like ved og i nærleiken av Haugesund sjukehus.

www.kystbussen.no - Ruteinformasjon for Kystbussen (Bergen-Stord-Haugesund-Stavanger)

www.kolumbus.no - Ruteinformasjon om lokalbussar i Rogaland

Praktisk informasjon

Apoteket ligg i første etasje, like bak resepsjonen.

Opningstider:

Måndag-fredag kl. 08.00-16.30.

Ordinære besøkstider (visittider) er kl. 17.00 - 18.30 alle dagar.

Sjå retningslinjer for besøk

Eigendel

Du får dekka deler av utgiftene dine ved behandling hos lege, på poliklinikk eller andre behandlingsinstitusjonar, men du må betale ein eigendel. Frikort for helsetenester får du når du har betalt over eit visst beløp i eigendelar. Det er ulike eigendelar avhengig av helseteneste.

Eigendelar for helsetenester - Helsenorge

Frikort

Du får frikort for helsetenester når du har betalt over eit visst beløp i eigendeler. Når du viser frikort, slepp du å betale eigendelar for resten av kalenderåret.

Frikort for helsetjenester - Helsenorge

Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.

På helsenorge.no finner du informasjon om timen din i innkallingsbrevet.

Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
 
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det. 

Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.​

​Kantina i  6.etasje er open for pasientar, besøkande og tilsette.

Opningstider kantine

Måndag - fredag kl. 09.30-15.30. Stengt i helger og på heilagdagar.

Pasientkantine i 4 og 5.etasje er kun open for pasientar.

Fleire av sengepostane har eigne spiserom med enkel sjølvbetening for inneliggande pasientar. Ta kontakt med avdelinga du høyrer til.

Du finn ein Narvesen kiosk i 1.etasje

Opningstider kiosk

Måndag-fredag: 06.30-21.00 
Laurdag: 09.00-20.00
Søndag: 10.00-20.00 

​​​​​​​​​Ta med den faste medisinen du brukar. Det kan ta tid å få same medisin frå apoteket.

Dessverre kan tjuveri finne stad på sjukehuset. La ​verdisaker vere igjen heime.

Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

Ta med toalettsaker som tannbørste, tannkrem, kam, deodorant og eventuelt barbermaskin. ​Hugs også hjelpemiddel du er avhengig av: til dømes stokk, ​krykker, rullator og rullestol.

God hygiene er ein viktig faktor for å kunne gi god behandling til pasientane.

Haugesund

  • Måndag til onsdag kl. 07.30 - 14.15
  • Torsdag kl. 07.30 - 16.30.
  • Fredag kl. 07.30 - 13.00.

Oppmøtestad: Haugesund sjukehus.

Telefon: 52 73 22 81.  

Stord

Måndag til fredag kl. 08.30 - 15.00. 

Oppmøtestad: Stord sjukehus.

Telefon: 53 49 10 90.  

Odda

Måndag til fredag kl. 08.00 - 15.00. 

Oppmøtestad: Odda sjukehus.

Telefon: 91 24 59 96 / 53 65 11 23.  

Blodbanken - Helse Fonna HF

Sauda

Vi har ein tappestasjon i Sauda. Kontakt oss på telefon: 52 73 22 81.

Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontantar. I tillegg kan du benytte EasyPark appen.

Parkeringshuset har tre ladeuttak.

Reserverte parkeringsplassar

Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.

Det er reserverte plassar for blodgivarar og dialysepasientar i toppetasjen på parkeringshuset. Du vil få utlevert parkeringsbevis frå avdelinga dersom du har rett til å bruke dessa plassane.

Parkeringsavgift

Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på  p-automatane. 

Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.​

Parkering i Haugesund sentrum

Sjå P-kart - Haugesund Parkering

 

Sjukehusområdet er røykfritt.

Inneliggande pasientar kan ta kontakt med helsepersonell ved si avdeling ved behov for nikotinprodukt.

1-2 timar før timen din får du SMS med informasjon om registrering, ventesone og betaling på sjukehuset.

Når du kjem kan du registrere deg via lenka du ha fått i tekstmeldinga, eller på automaten i resepsjonen ved hovudinngangen.

Etter timen kan du velje å betale via automat, Vipps, efaktura eller i resepsjonen.

Innkallinga til timen finn du alltid på helsenorge.no

Det er fleire busstopp like ved og i nærleiken av Haugesund sjukehus.

www.kystbussen.no - Ruteinformasjon for Kystbussen (Bergen-Stord-Haugesund-Stavanger)

www.kolumbus.no - Ruteinformasjon om lokalbussar i Rogaland

Slik gjer du:

1. Vel nettverket gjest.ihelse.net på din PC, mobil eller nettbrett
2. Opne nettlesaren og godta vilkår for bruk 

Bruk av trådlaust nett er gratis.
 
Innlogging er krav til sikkerheit i sjukehusnettverket og er same type løysing som er på flyplassar og​ hotell.

God surfing.