Brot i fingrar eller i handa kan ofte behandlast med gips. Målet med gipsbehandlinga er at brotet gror i rett stilling. Dette er viktig for å unngå seinare plager.
Viktig å vite når du har på gips
For å redusere hevelse og smerter skal du halde armen høgt i periodar, særleg dei første dagane. Forsøk å finne gode kvilestillingar på ei pute eller liknande. Legen vil gi deg råd om bruk av smertestillande.
Aktivitetar og øvingar med gips
Du må følgje med på om fingrane blir mindre bevegelege, meir hovne, misfarga eller kalde. Det kan bety at gipsen er for trong og må bytast. Ta kontakt med ortopedisk poliklinikk dersom du er i tvil. Du bør også ta kontakt dersom du har sterke eller aukande smerter.
Når du har gips, kan du bruke handa i lette daglege aktivitetar som av- og påkledning, personleg hygiene og lett husarbeid. Det er viktig at du beveger mykje på alle frie fingerledd for å halde oppe god sirkulasjon og rørsle. Hugs også å bevege olboge og skulder.
Gipsen må ikkje bli våt, og du må derfor verne han med plast når dette er nødvendig. Gipsen må skiftast dersom han blir øydelagd.
Oppfølging
Kontrollar
Brotet blir kontrollert på ortopedisk poliklinikk etter omlag 7 dagar. Då blir det teke nye røntgenbilete. Dersom brotet har endra stilling, kan det bli aktuelt å tilrå operasjon. Avsluttande kontroll er på ortopedisk poliklinikk etter 3 – 5 veker. Det blir teke røntgenbilete og gipsen blir fjerna.
Sjukmelding
Lege på sjukehuset gir deg sjukmelding dersom du har behov for det. Skal sjukmeldinga forlengjast, tek du kontakt med fastlegen din.
Øvingar
Etter at gipsen er fjerna, er det vanleg å oppleve nedsett rørsle og redusert styrke i fingrar og hand. Du skal byrje å bruke handa og fingrane med gradvis aukande belasting, men likevel innanfor smertegrensa. Ved behov kan du få rettleiing av fysioterapeut.
Øvingane under, bør du gjere fleire gonger dagleg, og gjerne kvar time til å byrje med. Du skal unngå å provosere fram smerter eller hevelse. Dersom du har problem med å utføre øvingane, blir du oppmoda til å ta kontakt med fysioterapeut på sjukehuset eller der du bur.
Øvelse 1
Knyt handa slik at fingrane kjem helt inn i handflata, strekk deretter fingrane heilt ut og sprik. Hald stillingane eit par sekund.Knyt handa slik at fingrane kjem helt inn i handflata, strekk deretter fingrane heilt ut og sprik. Hald stillingane eit par sekund.
Øvelse 2
Bøy i knokane med strake fingrar. Du kan gjerne støtte med motsett hand.Bøy i knokane med strake fingrar. Du kan gjerne støtte med motsett hand.
Øvelse 3
Strekk ydste delen av fingrane, mens du støttar fingrane med motsett hand. Knokane skal vere bøygde.
Strekk ydste delen av fingrane, mens du støttar fingrane med motsett hand. Knokane skal vere bøygde
Felles akuttmottak ligg i underetasjen til Haugesund sjukehus, i nybygget mot sørvest.
Blir du transportert med ambulanse eller av portør, vil du automatisk bli registrert på akuttmottaket.
Viss du kjem sjølv, må du gå inn hovudinngangen til Haugesund sjukehus. Deretter går du forbi Narvesen-kiosken og innover gangen i nybygget. Du kan ta heis eller trapp ned til underetasjen. Du må registrere deg i ekspedisjonsluka før du kan kome inn til venteområdet på akuttmottaket.
Hovudinngangen til Haugesund sjukehus er alltid open.
Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.
På helsenorge.no finner du informasjon om timen din i innkallingsbrevet.
Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det.
Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.
Kantina i 6.etasje er open for pasientar, besøkande og tilsette.
Opningstider kantine
Måndag - fredag kl. 09.30-15.30. Stengt i helger og på heilagdagar.
Pasientkantine i 4 og 5.etasje er kun open for pasientar.
Fleire av sengepostane har eigne spiserom med enkel sjølvbetening for inneliggande pasientar. Ta kontakt med avdelinga du høyrer til.
Ta med den faste medisinen du brukar. Det kan ta tid å få same medisin frå apoteket.
Dessverre kan tjuveri finne stad på sjukehuset. La verdisaker vere igjen heime.
Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.
Ta med toalettsaker som tannbørste, tannkrem, kam, deodorant og eventuelt barbermaskin. Hugs også hjelpemiddel du er avhengig av: til dømes stokk, krykker, rullator og rullestol.
God hygiene er ein viktig faktor for å kunne gi god behandling til pasientane.
Vi har ein tappestasjon i Sauda. Kontakt oss på telefon: 52 73 22 81.
Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.
Parkeringshuset har tre ladeuttak.
Reserverte parkeringsplassar
Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.
Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.
Parkeringsavgift
Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på p-automatane.
Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.
